معلومات عن جامعة Waterloo في كندا

السلام عليكم,,
سامحنى ياعبد السلام ..امبكرى الكىيبورد متع الجهاز مافيهاش عربى والمعمل محمى ,,,يعنى مانقدرش انغير لوحة المفاتيح...فى باسورد
عموما
قتلك جامعة وترلو...فيها هالبة ليبين..وجامعة فى منطقة جميلة واجواء دراسة مناسبة...مش مثل جامعة رايسون فى الدوشه والدوان تاون ههههه..
عموما...فيها معهد للغة...وابعتلك الينك
تعرف شن ادير.....قدم على قبول للغة وحاول ايكون المعهد يتبع للجامعة..ولما توصل الى كندا...بعدين ساهل
وياريت من فى جامعة وترلو...ايفيد اخونا المهندس عبد السلام فكرين
وبالتوفيق

Mustafa76 كتب:

Ahleen Ya Abdulsalam

Kif alhallllll

WA SHIN JOOOO ALMARKEZ

Don't worry about the people who are not reply to you

 ANSWER YOUR QUESTION ARE

YES WATERLOO HAS PHYSICAL SCIENCE 

AND THEY ALSO HAVE ENGLISH INSTITUTES

HERE IS THE WEBSITE 

http://uwaterloo.ca/english-language-institute/

BY THE WAY,

I KNOW A LOT OF STUDENT STUDY IN WATERLOO AND USING REGULARLY ALMOFD WEBSITE

I DON'T KNOW WHY THEY DONT LIKE TO HELP PEOPLE AND TRY TO PUT OBSTETRICAL ...

TOWARD COMING TO CANADA

ALLAH ALMUSTAHAN

  

لا تعليق

عدل سابقا من قبل hanan_canada في الخميس 31 أكتوبر 2013, 7:08 pm عدل 1 مرات

fkereen كتب:

السلام عليكم

ارجوا المساعدة في الحصول على معلومات وافية عن جامعة Waterloo من حيث التخصص وشروط القبول للحصول على قبول اكاديمي للماستر في الفيزياء.

وهل يوجد في الجامعة مدرسة تعليم الغة الانجليزية؟ وكيف اتحصل على قبول لغة منه؟

علماً بانني متحصل على قرار إفاد موخراً.

ان الله لايضيع اجراء من احسن عمالا

السلام عليكم يا خوي سامحنا ع التاخير في الرد بس مشاغل الدراسة وولدي كان مريض و الحمد لله على كل حال... طبعا حسب ما نعرف اني الطالبة الوحيدة اللي تقرا اكاديمي في جامعة واترلو و عضوة في الموفد او ع الاقل هذا حد علمي .. في طلبة يقروا في اللغة في الجامعة و حتى اني قريت فيه معهد اللغة و اسمه رينيسون و تلقى رابط التسجيل فيه تحت... بخصوص الجامعة تعتبر من افضل جامعات كندا و المدينة صغيرة و هادية وفيها هلبه ليبيين و مش بعيدة عن تورنتو و هاملتون و ميسيساقا ... ما عنديش علم عن تخصص الفيزياء بس اللي نعرفه انك اذا حصلت مشرف معناها ضمنت القبول باذن الله ..قبول اللغة تحصله اذا عبيت الابليكيشن اونلاين و بعدين هما ايراسلوك و ايراسلوا المكتب الكندي للتأكيد

http://renison.wufoo.com/forms/m7x3k1/

ملاحظة للاخ مصطفى... اذا ما رديت اني او اي عضو على أي موضوع مش معناها ما نحبوا نساعدو بالعكس احني في المنتدى خوت و ربي الشاهد على نيتنا بس مشاغل الدراسة و ربي يعين الجميع ... و اذا قلنا للناس في مشكلة في المنحة مش معناها ما نبوهم يجو كندا و لكن ما نبوا التبهديل لحد و المية تكذب الغطاس ...لو سمحت يا خوي مافي داعي للاحكام الجاهزة و التسرع

تقدر تشوف المواضيع القديمة عن جامعة ومدينة واترلو و بالتوفيق

السلام عليكم,
للاامانة....انا لم اقصدك يااختى حنان بشخصك....انا اتكلم بصفة عامة...نعرف هالبة ليبين فى جامعة وترلو..ويفتح الموفد ويجد اخ ليه يطلب استفسار او سوال....يبخل يعطيه معلومة
الملخص من كلامى...الانسان ايساعد حتى بكلمة طيبة....

ياخوى عبد السلام,,,ابدا قدم على التاشيرة لو حصلت رسالة دعم التاشيرة من البعثات وبعدين من المكتب الكندى..وعلى فكرة عندك صلاح ومحمود و عبد الحميد...على حد علمى..انهم قدمو على التاشيرة...استفسر منهم على الاجراءت 
وربى ايكون فى العون وانشالله تنحل مشكله الضى ومشاكل اخرى...وانشالله نحبو بعضنا الليبين ومافيش داعى للاحقاد لان فى ناس تتربص وفرحانه بالى ايصير فى ليبيا
وبالتوفيق ياخوى عبد السلام

شكرا للاخت حنان  والله ديما نشوف فيها تساعد فى الشباب واغلب الاستفسارات لازم يكون ردها موجود

يدّر ورغ كتب:

شكرا للاخت حنان  والله ديما نشوف فيها تساعد فى الشباب واغلب الاستفسارات لازم يكون ردها موجود

الله يبارك فيك يا خوي هذا واجبنا و الشكر لله وحده

fkereen كتب:

السلام عليكم خوتي...

يا اختي حنان الله يبارك فيك على كلمك الطيب وربي يشفيلك ابنك ويوفقك في دراستك، وكنت نبي نحيك ونشكرك على ردك بس انقطعت النت بعد انقطاع الكهرباء وهذا القليل من الكثير الذي يخلي الواحد في ليبيا يصارع الوقت في ظل الظروف العويصة والعشوائية، واخي وزميلي مصطفى نعرفه كويس مش قصده التجريح انما التشجيع والمبادرة بالمساعدة.

 على العموم نشكر كل من رد واطلع على الموضوع.

الله يبارك فيك يا خوي على الدعوات الطيبة و ربي يوفقكم و يعينكم جميعا على الوضع في ليبيا و يفرج على بلادنا و مش لازم تشكرني هذا واجبي