مدة التأشيرة عند مكتب التأشيرة VAC

السلام عليكم ,
بالله من عنده فكرة , او يعرف حد قدم في تأشيرة عند  مكتب التأشيرات VAC في حي الاندلس , نبي نستفسر عن المدة كم استغرفت لحين الحصول على نماذج الكشف الطبي ؟ هل هي 4 اسابيع ام 6 اسابيع ؟ ولو فاتو الستة اسابيع , شن هوا  الايميل اللي لازم الواحد يبعتله ليتأكد من انه الابليكشن متاعه قاعد processing ؟

فيه ناس كتير جاهم رفض مقدمين عن طريق VAC, وفيه اللى جاه الكشف الطبي بعد 4 ايام فقط وفيه اللى بعد اسبوع و 10 ايام وفيه اللى عطل 6أسابيع , يعنى بنقولك كل شخص وحالته مافيش حد زى التاني وياريت ماتشوفوش لغيركم لانه زي ماقوتلك كل شخص و وأوراقه وحالته يختلف تماما عن التانى , ان شاء الله تكون فهمت قصدي وان شاء الله بالتوفيق

يا أخي أنا قدمت يوم 1\10 في مكتب حي الأندلس والى الان لم يصلني الكشف الطبي يعني اليوم شهر بالتمام

المشكلة انهم مايعطوش رقم هاتف او ايميل للمراجعة ,قالونا راجو لين ايجيكم ايميل من أسبوع لعشرة ايام , وفيه اللي ليه شهر ومازال ماوصلاش الايميل !

به اعطونا أسباب الرفض للشباب اللي رفضوهم بالك نستفيدووو

السلام عليكم ورحمة الله , حتى انا قدمت عن طريق مكتب VAC يوم 19/9 وطلبوا مني يوم 23/10 عن طريق البريد الالكتروني اني ندير كشف طبي عند احد الدكاترة المعتمدين عندهم واعطوني اماكنهم في طرابلس ,ودرته يوم الاحد اللي الفات 27/10 وقالولي انهم بيبعتوه واعطتني tracking number تبع الارامكس باش نراقبه وين وصل والحمد لله وصل لفرنسا امس 31/10 ومن فرنسا بيمشي لكندا.
بنسالك اخي microsoft_gun بعد ما سلمت الاوراق في مكتب VAC هل استلمت ايميل يقولك انه الملف عندهم وانك تقدر تراقبه وين وصل عن طريق رابط ورقم خاص بيك؟

[rtl]أخي Mosab.94 نعم وصلني ايميل  من VAC بعد ماقدمت اوراقي ( في نفس اليوم ) واعطوني رقم نقدر انتبع بيه من خلال موقع VAC نفسهم , لكن دائما يعطيني في نفس المعلومة بأنه الابليكشن وصل عند مكتب السفارة ومافيش معلومات تانية .[/rtl]

السلام عليكم

       حتى أنا نفس القصة قاعد نراجي، أنا قدمت يوم 1-10 ومزال ماوصلني منهم شي, وصاحبي قدم يوم 2-10 ووصله إيميل الكشف الطبي يوم 30-10. وإن شاء الله خير

أخي microsoft_gun ,
هل الرسالة تقول:
"Visa application, tracking ID No.################# is being processed at the Canada Visa Offlice, EMTU. To know more, please call VAC helpline number or visit VAC website."
إذا كان نعم, معناها الورق وصلهم ويفحصوا فيه وما عليك الا ان تصبر لين يجي الدورعليك لانه زحمه والطلبات هلبا وحتى انا صار لي نفس الشئ.
وان شاء الله ربي يكون في عونك.

Mosab.94 كتب:

أخي microsoft_gun ,
هل الرسالة تقول:
"Visa application, tracking ID No.################# is being processed at the Canada Visa Offlice, EMTU. To know more, please call VAC helpline number or visit VAC website."
إذا كان نعم, معناها الورق وصلهم ويفحصوا فيه وما عليك الا ان تصبر لين يجي الدورعليك لانه زحمه والطلبات هلبا وحتى انا صار لي نفس الشئ.
وان شاء الله ربي يكون في عونك.

هدا يعنى ان أوراقك عند السفارة ويتم معالجة طلبك للفيزا

السلام عليكم اهل الخير بالله وين مكتب vac بالتحديد في حي الاندلس اللي عنده معلومة وهل يتم في اجراءات الفيزا ام لا وشكرا

المعكرش كتب:

السلام عليكم اهل الخير بالله وين مكتب vac بالتحديد في حي الاندلس اللي عنده معلومة وهل يتم في اجراءات الفيزا ام لا وشكرا

شوف الموضوع هدا 
http://www.almofad.com/t20531-topic#157121

هلا انا قدمت يوم 01/10/ ولي توا ماجاءني شئ غير الايميل الول امتاع ان طلبي في السفارة وتحت الاجراء

الحمد لله اليوم جاني نموذج الكشف الطبي على الايميل

الحمد لله