الحضانات مجانا في بعض مقاطعات كندا

للرفع ...............

هذه الأمور تختلف من مقاطعة لأخرى . بالنسبة للتأمين الطبي فيه مقاطعات تعطيك التأمين من أول ما توصل و فيه اللي ما تعطيش للطلبة 
بالنسبة لأونتاريو
 ما يعطوش الطالب ولا المرافقين تأمين المقاطعة لكن الحمد لله دولتنا تدفع في التأمين .
برنامج الحضانة سألت عليه أكثر من مرة و في كل مرة يردوا عليا ،بأن اللي عنده تصريح دراسة لا يجوز أن يقدم على هذا البرنامج . و اللي من حقه التقديم إما كندي الجنسية ،عنده إقامة أو تصريح عمل .
حتى السعودي اللي كاتب الموضوع قال أنك تجيب وورك بيرمنت (تصريح عمل ) إذا زوجك حصل تصريح عمل معناها تقدروا تقدموا لكن لو واحد طالب والتاني زائر ، ما ايصير شي .
ملاحظة : ما نعرفش إذا كان الطفل المولود في كندا ممكن يحصل اعفاء من رسوم الحضانة أو لا ... 
هذا بالنسبة لأونتاريو و نتمنى يفيدوك الباقي

السلام عليكم
زي ما قالت الاخت أم فاطمة في مقاطعة اونتاريو لا يحق للطلبه الحصول على تأمين المقاطعة و لكن بخصوص الحضانة يحق للطلبه يقدموا و الرابط تحت فيه الشروط و مافيش اي منها يقول ان الطالب لازم يكون كندي و اللي اكد لي هذا الكلام ان موظفة في الجامعة قالتلي مرة قدمي ع البرنامج مش لأن ولدي كندي  بس لاني انا و زوجي طلبه....



http://www.edu.gov.on.ca/childcare/paying.html

http://www.cie.utoronto.ca/Coming/Living-Here/Child-Care.htm

سناء كتب:

يا اختي الطلبة السعوديين ما عندهمش تأمين دولتهم حاسبة منحتهم معها بدون بطاقات تأمين فهذا هما يجروا عليها احني عندنا لكن من ضمن الاوراق المطلوبة للحضانة مرفوع عنها القلم ما زالت ورقة التصريح بس وزي ما موجود  هنا انك تقدر تحصل عليها بعد اقامتك ستة اشهر في كندا عن طريق المقريشن... مافيش من الليبيين جرب بكل؟؟؟؟ في هلبا سعوديين جربوا ومشت امورهم

من قالك السعوديين ما عندهم تأمين !!!!!
اني صديقاتي كلهم سعوديات و تأمينهم يغطي حتى المساج و يغطي حتى الاحذية الطبية في الصيف و الشتاء يعني اخر دلع و ربي يزيدهم و يحنن قلوب المسؤولين علينا بالك يعتبرونا بشر
اني ما جربت قصة الحضانة بس نعرف سعوديات جربوا و في اللي رفضوه بس لان منحتهم عالية بس في برنامج زي هذا في الجامعة مرة قدمت عليه و بالفعل دفعت عني الجامعة 3 شهور لحضانة ولدي