تغيير التخصص

اريد تغيير التخصص من محاسبة الي ادارة اعمال فكيف السبيل الي ذلك؟

السؤال مش واضح بشكل تام ... انتم اول حاجه موفدين صح ؟ .. اذا كنتم موفدين وتبوا تقروا تخصص تاني في باد الايفاد المشكله حسب رائي تحليل يعني مش تجربه .. تتعلق بشقين الاول القسم اللي انت تتبعله لانهم في التعيين يقولولك انت غيرت مسارك 9يشيطولط ريقك .. والتاني يتعلق بالمكتب الكندي اذا كنت تدرس في كندا او امريكا لان رسالة الدعم اللي بتمشي للكندي لغرض التاشيره فيها التخصص وهما لما تغير تخصصك مش حيدعموك الا اذا كان التخصص الجديد موجود في ورقة الدعم
لاني نعرف صديق كان يبي يقرا طرق بحث وهو تخصص جنرال بين كل التخصصات ودار مساعي في البعثات علي اساس,يكتبوله التخصص اهوا في رسالة الدعم وطبعا هو معيد فقالوله حماعة البعثات جيبلنا ورقه من القسم بعدم الممانعه وبحاجتهم للتخصص المطلوب وانديرولك راي .. ومعاش تبعت الموضوع وشن صار معاه ..
يظل كلامي رائيا وليس تجربة .

السلام عليكم
اولاً تخصص المحاسبة المالية يندرج تحت إدارة الاعمال و لا يعتبر تغيير تخصص 
وممكن ايضا تدرس إدارة مالية وهي ايضا تندرج تحت إدارة الاعمال . 
أنا شخصياً تخصصي محاسبة وحاليا أدرس إلادارة المالية الاسلامية .
بالتوفيق

يا p-olo بعد صباح الخير وجمعتك انشالله مباركه .. نبي نسالك بالنسبه للجامعات لو الواحد بيقرا طرق بحث وطبعا هوا علم جديد كتخصص مستقل بذاته لان قبل طرق البحث يقروا فيها ضمن تخصصات اخري اضافة لانه تخصص جنرال الان يعني كل التخصصات تحتاجه .. السؤال يصير الواحد يغير متلا من علم الاجتماع الي طرق البحث العلمي بالنسبه للجامعات عندكم ... ياريت لو تمكنتي تسالي وتردي علينا .. بارك الله فيك .

على الدين الديب كتب:

يا p-olo بعد صباح الخير وجمعتك انشالله مباركه .. نبي نسالك بالنسبه للجامعات لو الواحد بيقرا طرق بحث وطبعا هوا علم جديد كتخصص مستقل بذاته لان قبل طرق البحث يقروا فيها ضمن تخصصات اخري اضافة لانه تخصص جنرال الان يعني كل التخصصات تحتاجه .. السؤال يصير الواحد يغير متلا من علم الاجتماع الي طرق البحث العلمي بالنسبه للجامعات عندكم ... ياريت لو تمكنتي تسالي وتردي علينا .. بارك الله فيك .

السلام عليكم ,بارك الله فيك وجمعتك مباركة وعلى أمة محمد .
بالنسبة لسؤالك أنا لا استطيع الاجابة الاجابة عليه , لكن حاضر تو نسألك انستفسر بالزبط وارد عليك أن شاء الله , حضرتك طالب ماجستير والا دكتوراة .
موفق أن شاء الله

p-olo ربي يحضرلك الخير انشالله .. اني موفد لدرجة الماجستير وفي حاجة تانيه يا ريت انت ولا اي حد من خوتنا عندكم يفيدنا بيها اني اهني قصدي ف ليبيا كملت الدبلوم وسجلت حتي موضوع .. فمش عارف يمكن معادلة المواد اللي قريتها في ليبيا في حالة ترجمتها وصدقتها من الخارجيه والسفاره .. والازعمه الدوه هادي مازال بعيده علي سنون جامعاتنا انهم يعترفوا بمهرجاتها ... وربي يحفظ انشالله .