طريقة رائعة للجصول على موعد قريب من مكتب vac

مرحبا
للاخوة اللي واخذين مواعيد من موقع الوكالة vacبنقوللهم ماتستنوش الموعد لما يكون بعيد شهر مثلا 
انتو خوذوا اقرب موعد وكل يوم ديروا تشك او كل 3 او 4 ايام تلقوا فيه ايام جديدة فاضية وقريبة لان فيه ناس تلغي في مواعيدها لعدة اسباب منها تاخير الدعم للتاشيرة او سفر او اي شي تاني انا خذيت موعد جاني بعيد وبعد اسبوع درت تشك لقت موعد لليوم التالي بالتالي بالضبط تخيلوا...
بالتوفيق للجميع ودعواتكم

حتى الانجليزية نفس الموضوع

الله يبارك فيك اختي ايمانالمستندات هي صور الجوازات وصور التاشيرات اللي في جوازك انت والمرافقين لو فيه وصور شخصية اتنين لكل فرد وتكتبي الاسم بالحروف الانجليزية خلف الصورة ورسالة القبول من المعهد وكشف درجاتك والافادة لاخر شهادة علمية مترجمات ولاي مرافق بيقرا و صورة لعقد الزواج مترجمة وشهادات البراءة الاصلية وترجمتها باقي الوثاىق كلها صور اختميها في السفارة في برج طرابلس مجانا ورسائل العمل وهي رسالة للموفد تاخديها من ادارة البعتات وترجميها وزيدي عليها شهادة خبرة مترجمة ولزوجك الاجازة ضرورية وانا طلبوا مني رسالة موجهة للسفارة تشرح علاش اخترت كندا لكن ماعنديش فقالت مش ضروري اضافة طبعا للنماذج المطلوبة الخاصة تعبيها وتجيبيها معاك وبالنسبة للفلوس لو المرافق زائر اغلى شوية من الطالب لانها ملتي اي يقدر يسافر ويرجع تقريبا ب320ربي يوفق الجميع

nano2800 كتب:

الله يبارك فيك اختي ايمانالمستندات هي صور الجوازات وصور التاشيرات اللي في جوازك انت والمرافقين لو فيه وصور شخصية اتنين لكل فرد وتكتبي الاسم بالحروف الانجليزية خلف الصورة  ورسالة القبول من المعهد وكشف درجاتك والافادة لاخر شهادة علمية مترجمات ولاي مرافق بيقرا و صورة لعقد الزواج مترجمة وشهادات البراءة الاصلية وترجمتها باقي الوثاىق كلها صور اختميها في السفارة في برج طرابلس مجانا ورسائل العمل وهي رسالة للموفد تاخديها من ادارة البعتات وترجميها وزيدي عليها شهادة خبرة مترجمة ولزوجك الاجازة ضرورية وانا طلبوا مني رسالة موجهة للسفارة تشرح علاش اخترت كندا لكن ماعنديش فقالت مش ضروري اضافة طبعا للنماذج المطلوبة الخاصة تعبيها وتجيبيها معاك وبالنسبة للفلوس لو المرافق زائر اغلى شوية من الطالب لانها ملتي اي يقدر يسافر ويرجع تقريبا ب320ربي يوفق الجميع

السلام عليكم ،، شكرا على التوضيح وجعله الله في ميزان حسناتك بس أن في حاجة مفهمتهاش وهي باقي الوثاىق كلها صور اختميها في السفارة في برج طرابلس مجانا 
يعني شنوا هي باقي الوثائق وهل يجب الذهاب الى السفارة في برج طرابلس ليتم ختمها وهل الذهاب بموعد أو لا ؟ 
وشنوا هي رسالة للموفد تاخديها من ادارة البعتات وترجميها وهل هذه الرسالة لكل الموفدين أم فقط للذين يشتغلون بإدارة البعثات ؟ وشكرا سلفاً

مرحباالوثائق هي كشوفات الدرجات والافادات وعقد الزواج كلهم تاخذهم للسفارة في البرج من غير موعد يكون عندك الاصل توريه والصورة تختما اما الرسالة فهي رسالة اجازة للاساتذة في الجامعات

nano2800 كتب:

مرحباالوثائق هي كشوفات الدرجات والافادات وعقد الزواج كلهم تاخذهم للسفارة في البرج من غير موعد يكون عندك الاصل توريه والصورة تختما اما الرسالة فهي رسالة اجازة للاساتذة في الجامعات

بارك الله فيك وشكرا على التوضيح ....  وبالتوفيق