C.P كتب: طالبين عليا الشهادة الثانوية ما الاجراءات بالتفصيل الله يرحم ولديكم
وعليكم السلام ورحمة الله وبركاته
أبشر يا خونا،،، ديما ربك ايطيح فينا في ولاد الحلال اللي تساعد بعضها
شهادة الثانوية وكشف الدرجات لو أمكن بعد ما تختمهم من مكتب الامتحانات في منطقتك،،، تمشي بيهم لمكتب التقويم والقياس على مستوى ليبيا،،، وهذا مكانه في منطقة قرقارش طرابلس،،، ومكانه بالتحديد في شارع مطعم الفروج،،، لو انت مش من سكان طرابلس اسأل عليه في قرقارش معروف المطعم،،، الشارع ايجي بين مسجد وبين مطعم الفروج،، اول ما تدخل على يدك الايمين من الشارع تخلي المسجد ايمينك والمطعم ايسارك في الكورنر،،، تمشي القدام شويا تلقاه مبني كبير ع ايمينك وبعدها بالزبط في مدرسة
المهم اول ما تدخل تقابلك الاستعلامات تاخذ ايسارك تلقى زحمة شويا،،، لو شهادتك صادرة جديدة تاخذها في نفس اليوم،، ولو قديمة زي حالاتي ترجعلها بعد يوم او يومين،،، يعني ميعطلوش عليك هلبا إن شاء الله،،، والموظفين غادي ناس قديمة وما شاء الله عليهم الحق،،، وهما نفسهم يختمولك عليها ختم الجودة من الخلف،، تأكد منه
بعدها الترجمة،،، وبعدين التصديق من الخبرة القضائية في الظهرة،، وبعدها التصديق من وزارة الخارجية وتوكل على ربي
أي معلومة تفضل أني في الخدمة،،، وربي يوفق الجميع
_______________________________
ومن يتق الله يجعل له مخرجاً
ويرزقه من حيث لا يحتسب
