إن شـاء الله ربي يسهلك
برا خوذ نموذج لتقديم علي الدعم المالي لغرض القبول وعبيه وقدمه في البعثات او المكان يلي مرشحك بعدين راجيه لحد ما يصدرلك ويعدن راسل بيه معهد لغه وحصل قبول اللغه وبعدين عبي نموذج الدعم لغرض التأشيره ودير موعد في السفاره
و وجهز الاوراق التاليه
1 شهاده ميلاد و وضع عائلي و شهاده اقامه يكونو من السجل المدني
2 استماره التانويه وتكون اصليه وشهاده التخرج وتكون اصليه
3 شهاده براءه يلي هي الحاله الجنائيه
4 رساله من جهت العمل يلي تخدم فيه مفادها انك حتروح من كندا بعد الدراسه
5 الدعم المالي لغرض القبول ومعاه قبول اللغه
6الدعم المالي لغرض التأشيره ومعاه ورقه cbie يلي هي صوره من الابراق
7تعبي النماذج التابعات للسفاره وهي تلاته نماذج تقريبا
وتاخذ الورق وترجمه عند مترجم قانوني وتصدق عليه في القضائيه وبعدين في الخارجيه وبعدين ادير ورقك كلهم في شنطه ولا ملف وتستني موعدك في السفاره
وإن شـاء الله ما قصرتش معاك يا خوي وزيد اقرأ مواضيع المنتدي حا تستفيد بيهم اكثر .
