الى الاخ ناجى 7

السلام عليكم خوى ناجى اولا مبروك عليك التاشيرة تانيا عندى سوال ليك بخصوص رسالة العمل هل تشتغل وجبت رسالة من العمل واجازة وشهادة مرتب بانك تشتغل عندهم وادا كانك ماتشتغلش شنو الاجراء الى درته وبعدين خوى ناجى شنو كتبت فى فقرة المهنة فى جواز السفر هل طالب او موطف او عمل حر .وبارك الله فيك وشكرا

لا ماطلبوش منى اي ورقة من الاوراق اللى انت دكرتها . لا كشف حساب ولا شهادة مرتب , وفي جوزا السفر مكتوب طالب هادي للى فادتنى

بارك الله فيك خوى ناجى لكن من بين  الاوراق المطلوبة للتاشيرة الكندية رسالة عمل بانك تخدم او جبتلهم بانك طالب شنو تنصحنى خوى ناجى هل اكتب فى الجواز طالب ونجيب انى نخدم اعطنى رايك

بارك الله فيك خوى السوكنى لكن انى طلبت المساعدة من الاخ ناجى7 لانه طلعتله التاشيرة وقالت اكيد عندة فكرة على الموضوع الباين خوى السوكنى مافهمتنيش مشكلتى انى مانخدمش والسفارة طالبين رسالة من العمل تفيد بانى نخدم وانى حصلت ورقة من شركة خاصة السؤال خوى السوكنى انى عندى توا ورقة من العمل هل نكتب فى جواز السفر موطف ولايوجد عراقيل بعدين يطلبو كشف حساب متلا او اكتب فى جواز السفر طالب مافيش مشكلة فيه الى قالى عادى وفيه اشخاص قالو انت جايب ورقة بانك تخدم معناها اكتب موطف. وشكرا ليك خوى السوكنى مرة تانية

لو انت طالب أفضل من موظف , انى فى جواز مكتوب طالب وماقدمتش اي ورقة تفيد انى نخدم وفى الابليكشن كاتب طالع هدا سهل عليا التأشيرة وطلعتلى بسرعة في وقت قياسي جدا حوالى شهر وشوي

صح طالب أفضل من موظف وأسهل في الإجراءات

يفضلك انك تختمهم ختم الخارجية والخبرة القضائية .. وبالنسبة للكشف اديره في ليبيا عادى جدا