رسالة المكتب الكندي والتقديم اونلاين!

اني إن شـاء الله بنقدم اون لاين .....لكن للأسف قاعدة متحصلتش علي ورقة الدعم المالي من الكتب الكندي ؟.....هل ضروري نقدم بيها والا عادي نرفقها بعدين؟

تقدر ترفقها لاحقا

مافيش لاحقا في الاونلاين ... يعني كل الورق لازم يكون موجود

لا مافيش مشكله ... ممكن تقدمى برساله البعتات والابراق وبعدها لو يبو يطلبوها حيبعتولك

انا قدمت اون لاين بدونها وجانى الكشف الطبى ... وبعد ماقدمت اون لاين حصلت الرساله متاع المكتب الكندى والى الان ماطلبوها منى بس ممكن يوم الاستلام يطلبوها والله اعلم

شوية ويطلبوها منك السفارة

entisar77 كتب:

لا مافيش مشكله ... ممكن تقدمى برساله البعتات والابراق وبعدها لو يبو يطلبوها حيبعتولك

انا قدمت اون لاين بدونها وجانى الكشف الطبى ... وبعد ماقدمت اون لاين حصلت الرساله متاع المكتب الكندى والى الان ماطلبوها منى بس ممكن يوم الاستلام يطلبوها والله اعلم

اختي انتصار اني ماقصدتش ان في مشكلة لو ما قدمت برسالة المكتب الكندي لانه مافيش مشكلة ان شاء الله  لسبب بسيط اللي يقدم اونلاين الابليكيشن يتم مراجعته خارج ليبيا هذا علاش ما يطلبوش تحديدا في رسالة المكتب الكندي و انما اي رسالة تتبث بان الطالب موفد و الوزارة راح تتكفل بتكاليف دراسته و معيشته او رسالة الدعم من البعثات ... يعني اللي قصدته ان الاخت سارة اذا بتقدم لازم تكون الاوراق اللي راح يطلبوها منها اونلاين كاملة بغض النظر اذا كانت رسالة المكتب الكندي من ضمنها او لا ..و زي ما قال الاخ ناجي ممكن يطلبوها في السفارة
ان شاء الله وصلت وجهة نظري لان التقديم اونلاين اي خطأ يعني الرفض لا سمح الله
بالتوفيق

اني قدمت اون لين واستلمت التئشيرا من غير الدعم المالي متع CBIE
لادعي للقلق

بارك الله في الجميع......

السلام عليكم
او سمحت اني نبي انقدم اون لاين
كل ملفاتي جاهزة على الارسال فقط وفتحت حساب في السي اي سي
الي ما فهمتاش التوقيع الاكتروني ونموذج التعهد على المرافق
للعلم اما قدمت سابقا في المكتب واعطوني رفض علما اني موفدة لتحضير درجة الدكتوراة
ارجوا المساعدة من شخص تحصل على التاشيرة من غير دعم المكتب الكندي لان كيف فتحت ملف عندهم من اسبوع فقط.
وهذا اميلي الخاص
auors( عفوا, يمنع نشر البريد الإلكتروني, استعمل الرسائل الخاصة )com
وفي ميزان حسناتكم

السلام عليكم .. انا قدمت اون لاين وارفقت رسالة الدعم المالي لغرض القبول الصادره من البعتات ولم انتظر حتى تصدر رسالة الدعم المالي لغرض التاشيره من البعتات او المكتب الكندي .. ولله الحمد استلمت التأشيرة يوم 5 - 11 ولم يطلبوا مني اي ورقة إضافية ... وللعلم المرافقين لي مدكورين في رسالة الدعم المالي لغرض القبول

om.jeje كتب:

السلام عليكم .. انا قدمت اون لاين وارفقت رسالة الدعم المالي لغرض القبول الصادره من البعتات ولم انتظر حتى تصدر رسالة الدعم المالي لغرض التاشيره من البعتات او المكتب الكندي .. ولله الحمد استلمت التأشيرة يوم 5 - 11 ولم يطلبوا مني اي ورقة إضافية ... وللعلم المرافقين لي مدكورين في رسالة الدعم المالي لغرض القبول

السلام عليكم 
اختي هل الرسالة للدعم المالي للمكتب الكندي الغرض منها التاشيرة فقط او تحتاجها في امور اخري لاني حتى انا لم احصل عليها  وقدمت على التاشيرة  ،،،، يعني هل لازم ناخذها  ولا مش لازم
ولكي الشكر

علي حسب علمي حاليا للتأشيرة وتقريبا بعدين تحتاجها للدخول لكندا ....ولو اني غالطة يصححولي زملائي....

انى بنقدم اونلاين بس المشكلة الوحيدة اللى مواجهتنى توة هيا رسالة من العمل لان ماعنديش عمل وخايف يرفضونى على خاطر السبب هذا ارجوكم اللى عنده معلومة ع الموضوع هذا يفيدنا بيها

السلام عليكم  ارجوا المساعدة اللعنده فكرة 
انا موفد من شركة نفطية لدورة مدة سنة الى كندا وبدات بتعبئة النماذج اونلاين والمشكلة النموذج رفم IMM5257E  نزلت النموذج على سطح المكتب وكملت تعبئته بالطريقة الصحيحة فى نفس اليوم اعتقد ان مافيش غلط لما تكمل التعبئة تضغط على مستطيل صغير لونه ازرق مكتوب عليه كلمة (validate) مفروض يحمل وتطلع لك صفحة اخرى معناها قبل لكن انا اكثر من مرة نعاود المحاولة لكن ما تطلعش لى الصفحة الاخرى يطلع مربع مكتوب عليه :
(Undefined undefined.isNull cannot convert to Object) نضغط على كلمة run فى نفس المربع تطلع جملة هذه It runs successfully لكن ما يطلعش لى الصفحة الخامسة اللتأكد انه قبل. ارجوا منكم المساعدة . وشكرا