خاص باللي قدموا التأشيرة اونلاين و حابين يساعدوا باقي الطلبة على التقديم

السلام عليكم جميعا ..
أولا...نحب نبارك لكل اللي تحصلوا على التأشيرة مؤخرا و ربي يوفق اللي مازال ينتظروا...
ثانيا...يا ريت الاعضاء الكرام اللي قدموا أونلاين و حصلوا التأشيرة و الحمد لله يحاول كل واحد منهم يلخص تجربته ( يعني شن الاوراق-امتى قدم على التأشيرة- كيف دفع الرسوم-امتى وصله ايميل الكشف الطبي-هل صارت معاه مشكلة!!!) أو أي معلومة تفيد باقي الطلبه اللي حابين يقدموا أونلاين...
رجاء... كل عضو حاب يساعد يكتب تجربته كاملة في رد واحد علشان البوست يكون منظم و سهل في التصفح ...
ربي يبارك فيكم جميعا ...

السلام  عليكم  شخصيا قدمت  علي  تصريح الدراسه والفيزا من داخل كندا اون لاين ,, وما نعرفش لو انه  في فرق واجد ما بين التقديم من داخل ليبيا او من خارها ,, علي العموم اعتقد ان الاسأله وبعض النماذج فيها تشابه ,,, بس اللي نحب نذكر به  الناس اللي بتقدم اون لاين هوا انهم يخزنو كلمه  السر واسم  المستخدم  وايضا personal checklist code  لانهن مهمات جدا وحتى بعدين لما بتجدد التاشيره  راح يسالوك عليهن واكيد  بيسهلن عليك واجد التجديد .

بالتوفيق للجميع

والله يا اختي حنان ورقي واتي وتمام التمام حتي من النماذج معبيهم وساحبهم كان عندي موعد في السفاره لكن تنكسل لانه وافق يوم الاحداث يلي صارت في طرابلس
والحق نبي نقدم اون لاين وحتي فيزا متواجده عندي بس متخوف شويه وخايف النت يديرها فيا ياريت تعطوني رايكم
وتقبلو مروري

ِAmine2008 ...
الحمد لله تحصلت على التأشيرة الكندية عن طريق الأون لاين من المكتب الكندي للمواطنة والهجرة (Citizenship and Immigration Canada) المعروف بـ (CIC). 

                   قدمت أون لاين يوم  7/10/2013                          Submission Confirmation 
                   رسالة لإجراء الكشف الطبي يوم 24/10/2013                     Medical Report 
                   وصل الكشف الطبي إلى فرنسا يوم 28/10/2013             
                   يوم 12/11/2013 بعثوا أيميلات بأخـذ جواز السفر الى السفارة  Original Passport Request   
      
                   أتمنى التوفيق للجميع وربي يسهل للجميع
                  
                                             أخــــــــــــــــــــوكم محمـــــد

أود أن اشكر الاخت Hanan على الاقتراح المفيد وخاصه بعض الناس التى تريد أن تأخذ فكره مفصله عن التقديم Online لأول مره ولكى جزيل الشكر

أولاً نبارك لكل الأخوة حصولهم علي التأشيرة الكندية ::. بس بصراحة زادت الفرحة بعد سمعت الفترة يعني 37 أو 40 يوم !! هل كندا سهلت علي الليبيين القبول !! هل من مزايا للناس الي تحصلت علي التأشيرة مثلا طالعين لدول أكثر يعني لديهم أكتر من ختم وتأشيرة في جواز السفر؟ وهل في حد قدم أون لاين بداية شهر 10 ولازال ينتظر نرجو التفاعل أكثر في هذا الموضوع وتعطونا نصائح أكتر لتعم الفائدة وبالتوفيق للجميع .

انا قدمت يوم 10/10/2013
الكشف الطبي وصل 26/10/2013
الكشف الطبي وصل لفرنسا 31/10/2013
19/11/2013 ,, بعثوا الايميل لذهاب لسفارة و استلام التاشيرة

mohammed_abologma كتب:

والله يا اختي حنان ورقي واتي وتمام التمام حتي من النماذج معبيهم وساحبهم كان عندي موعد في السفاره لكن تنكسل لانه وافق يوم الاحداث يلي صارت في طرابلس
والحق نبي نقدم اون لاين وحتي فيزا متواجده عندي  بس متخوف شويه وخايف النت يديرها فيا  ياريت  تعطوني رايكم  
وتقبلو مروري

اخي محمد:
بالنسبة لتقدبم اون لاين ما تخافش هي مش مقابلة ادير فيها تخاف النت ينقطع عليك و ضيع عليك المقابلة

هي مجموعة اوراق اديرلها ابلود فقط 

بشوية كل مرة دير بشوية 

موفق

مشكور خوي joy و hanan

السلام عليكم
لو سمحتم طريقة التوقيع الاكتروني
وهل لازم رسالة المكتب الكندي ولا عادي مش لازم
ورسالة البصمة هلات اتجي في يميلك العادي 
وبعد قداش ديوم درت البصمة
ارجوا الرد سريعا

السلام عليكم أخوتى, لدى بعض الأسئله بخصوص التقديم اون لاين:
1. عندما تقدم اون لاين وتقوم بتعبئة IMM1294 هل يرسلون لك باقى النماذج مثل نماذج الأطفال والمرافقين تلقائيا؟
2. ماهى المستندات التى يطلبونها منك عند التقديم هل يطلبون الصور والشهادات فقط ام هناك مستندات أخرى؟

والشكر موصول للجميع

suka كتب:

السلام عليكم أخوتى, لدى بعض الأسئله بخصوص التقديم اون لاين:
1. عندما تقدم اون لاين وتقوم بتعبئة IMM1294 هل يرسلون لك باقى النماذج مثل نماذج الأطفال والمرافقين تلقائيا؟
2. ماهى المستندات التى يطلبونها منك عند التقديم هل يطلبون الصور والشهادات فقط ام هناك مستندات أخرى؟

والشكر موصول للجميع

و عليكم السلام
1- المفروض النماذج تعبيها مع بعض و مافيش حاجة اسمها راح يرسلوا النماذج تلقائيا
2- الاوراق المطلوبة تختلف من شخص لشخص و مايقدر حد يعطيك الاوراق كاملة الا اذا خشيت على الرابط تحت و جاوبت ع الاسئلة في الموقع التابع للهجرة و المواطنة الكندية و راح تطلعلك قائمة بالورق المطلوب منك للتقديم اونلاين بالتوفيق

http://www.cic.gc.ca/ctc-vac/getting-started.asp

شكرا ختي الكريمه عل الاقتراح واسال الله ان يجعله في ميزان حسناتك يوم لا ينفع مال ولا بنون

السلام عليكم اخواني عندي 6 مرافقين فهل استطيع التقديم اون لاين لانني حاولت واعطاني النظام امكانية تعبئة بيانات 5 مرافقين فقط الرجاء من لديه معلومة ان يفيدنا بها بارك الله فيكم

hanan_canada كتب:

suka كتب:

السلام عليكم أخوتى, لدى بعض الأسئله بخصوص التقديم اون لاين:
1. عندما تقدم اون لاين وتقوم بتعبئة IMM1294 هل يرسلون لك باقى النماذج مثل نماذج الأطفال والمرافقين تلقائيا؟
2. ماهى المستندات التى يطلبونها منك عند التقديم هل يطلبون الصور والشهادات فقط ام هناك مستندات أخرى؟

والشكر موصول للجميع

و عليكم السلام
1- المفروض النماذج تعبيها مع بعض و مافيش حاجة اسمها راح يرسلوا النماذج تلقائيا
2- الاوراق المطلوبة تختلف من شخص لشخص و مايقدر حد يعطيك الاوراق كاملة الا اذا خشيت على الرابط تحت و جاوبت ع الاسئلة في الموقع التابع للهجرة و المواطنة الكندية و راح تطلعلك قائمة بالورق المطلوب منك للتقديم اونلاين بالتوفيق

http://www.cic.gc.ca/ctc-vac/getting-started.asp

بالنسبة للنماذج المرافقين : لما تفتحي حساب يوجد عدة اسئلة و بناءً على اجابتك حيتحدد الاوراق المطلوبة و من ضمن هذه الاسئلة 

هل يوجد مرافق معاك ؟ 
انت مثلا حتقولي نعم حيسالوك شوية اسئلة عليه و من ضمنها شنو بدير المرافق معاك ؟ يعني طالب او زائر و بناء على نوع اجابتك حيتحدد شنو هي الاوراق المطلوبة و النماذج للمرافق لان كل نوع تاشيرة لها نموذج خاص بها ...

و بعدين لما تكملي اجابتك مع المرافق الاول يسالوك لو في مرافق اخر و هكذا....

لكن حسب بعض تعليق بغض السادة فان عدد المرافقين فان العدد محدد 
فمن توى شوفي روحك , كان هذا قدمي في المركز

السلام عليكم
انا يوم الخميس 29\11 قدمت اون لاين
وجاني واصل تاكيد الدفع 
ونستنى في ايميل البصمة 
بس الرسائل الي صندوق حسابيcic ما بوش ينفتحوا اجيني في رسالة اتقول الموقع تحت التحديث وخدمات اون لاين غير متوفرة الان ,حاول لاحقا
رسالة البصمة فيها موعد معين , ولازم تسحبها وترفعها امعك للمكتب ؟ ولا نمشي حتى من غير ما يبعتولي ؟
ارجوا الرد
وان شاء الله خير

اختي زوارة 2000 الموقع توة ينفتح عادي في رسالة في صندوق تحت رسالة البصمة في اكاونتك في السي اي سي مكتوب عليه view انقر عليها تنفتحلك في صفحة بي دي اف خزنيها واسحبيها باش ترفعيها يوم البصمة .....والبصمة توة لازم بموعد تمشي لمكانهم في حي الاندلس وتعطيهم رقمك وهما يكلموك باش تجي تديري ااموعد ومرات انتي وحظك في نفس اليوم ماعندهمش مواعيد يقولوك خشي طول ...ديري بصمتك .... وربي يعاونك

اخواني انا نستنى في القبول على اساس يبي يجي يوم الثلاثاء توا نفتح ملف في المكتب الكندي CBIEوالا  مش ضروري   وشن الاوراق اللي يكونوا واتيات عندي باش نقدم اونلاين

السلام عليكم اخوتي

أنا قدمت على التأشيرة ان لاين يوم 1-11-2013
استلمت رسالة البصمة يوم 1-11-2013.
استكملت إجراءات البصمة يوم 4-11-2013
استلمت رسالة طلب الفحص الطبي ورسالة طلب الدعم المالي من CBIE يوم 18-11-2013
انتهيت من الفحص الطبي يوم 19-11-2013
وارسلت رسالة الدعم من قبل مكتب CBIE يوم 25-11-2013

والى عند اليوم لا يوجد اي معلومات جديدة 
وفي المرفقات يوجد شكل التحديدث الاخير للحساب وذلك يوم 30-11-2013

ارجوكم افيدوني لمذا التاخير لان كل الطلبة المتحصلين على التأشيرة ان لاين لايتعدى الزمن شهر ونصف !!!

شكراً

بارك الله فيكم

moh.hashmi كتب:

السلام عليكم اخواني عندي 6 مرافقين فهل استطيع التقديم اون لاين لانني حاولت واعطاني النظام امكانية تعبئة بيانات 5 مرافقين فقط الرجاء من لديه معلومة ان يفيدنا بها بارك الله فيكم

اخي قدم مباشرة خود موعد وامشي قدم عند المكتب اللي في حي الانلدس vac لانه اون لاين حدهم 5 مرافقين ... وموفق

عفوا اخوتي انا تقدمت للتأشيرة اونلاين بدون الدعم المالي للمكتب الكندي ومشت الامور تمام ما سالونيش عليها واليوم بعثولي رسالة لطلب الجوازات والذهاب لمكتب التاشيرة لإستلام التاشيرة والسؤال: هل من الضروري انتظار رسالة الدعم المالي الكندية او نمشي لطرابلس بدونها؟ هل فيه حد مر بنفس الظروف؟ تحياتي للجميع