صلاحية الفيزا

السلام عليكم
عندي استفسار حول صلاحية الفيزا وكم هي المدة التي يجب ان تسافر فيها بعد صدور الفيزا (متفائل)؟يعني لازم نسافر بسرعة والا عندي فرصة نرتب اموري؟ وقداش المدة اللي نقدر نقعدها وما نسافرش؟

والشكر الجزيل مقدماً لمن يريحني بجواب

السلام عليكم أخى..
بخصوص التأشيرة فعلى حد علمى صلاحيتها سنة إلا شهر أو عشرون يوما بالنسبة لل (study permit)، أما بالنسبة للسفر من عدمه فما دمت لم تقدم على التفويض المالى فأمامك متسع من الوقت، أما إذا قدمت على التفويض وصدرت لك رسالة بداية الصرف من الخزانة فأمامك شهر فقط من تاريخ الرسالة للسفر إلى بلد الدراسة وإلا ألغى التفويض.
أرجو أن تكون الإجابة كافية ووافية.
الدعاء................

عفوا أخي لو كان زائر فكم مدة الصلاحية وإذا كانت التأشيرة Multi وأيهما افضل للمرافق

صلاحية الفيزا تلقاها مكتوبة فى الفيزا انى عطونى سنة و4 شهور وتلقاها مفتوحة فى خلال السنة و4 شهور تسافر وترجع امتا ماتبي

لكم وافر الشكر على الرد.....
سؤالي لو على حسابك مسافر والمدة امتى تنحسب بدايتها....قصدي لو سنة السنة تبدا من تاريخ سفرك او من تاريخ صدور الفيزا؟
ولو مسافر على حسابي....كم تكون الفترة اللي نقعدها بعد صدور الفيزا وقبل سفري؟

ولكم جزيل الشكر وبارك الله فيكم

انا تاشيرة طالب صلاحيتها سنة و 4 شهور لان الجواز ينتهي في المدة هذه

اما زوجي سنة و 8 شهزر لان جوازه ينتهي 2017 طالب

و الزوز متعددي الدخول

باهي شن الفرق بين تأشيرهسنه الا شهر وتأشيره سنه ونص

بالله يا اخ ناجي نمسي لسفارة ولا مكتب التاسيرة اللي في حي الاندلس وخاصة اني انا جوازي عندهم

maha كتب:

بالله يا اخ ناجي نمسي لسفارة ولا مكتب التاسيرة اللي في حي الاندلس وخاصة اني انا جوازي عندهم

لسفارة في برج طرابلس الدور 7

بالله مدة صلاحية الفيزا من تاريخ صدورها والا من تاريخ السفر؟

وقداش ممكن تقعد وما اطيحش لوما سافرتش بيها؟

ارجو الرد على السؤالين الله يرحم والديكم

rabib كتب:

بالله مدة صلاحية الفيزا من تاريخ صدورها والا من تاريخ السفر؟

وقداش ممكن تقعد وما اطيحش لوما سافرتش بيها؟

ارجو الرد على السؤالين الله يرحم والديكم

صلاحية الفيزا من تاريخ صدورها ,,, مكتوب على الفيزا
تقعد الفيزا صالحة حتي تاريخ انتهاء التاشيرة مكتوب على الفيزا

Joy Libya كتب:

rabib كتب:

بالله مدة صلاحية الفيزا من تاريخ صدورها والا من تاريخ السفر؟

وقداش ممكن تقعد وما اطيحش لوما سافرتش بيها؟

ارجو الرد على السؤالين الله يرحم والديكم

صلاحية الفيزا من تاريخ صدورها ,,, مكتوب على الفيزا
تقعد الفيزا صالحة حتي تاريخ انتهاء التاشيرة مكتوب على الفيزا

الله يرحم والديك ويبارك فيك