رحلة شقاء: من قرار الإيفاد، والحصول على التاشيرة، وحتى السفر والاستقرار

salem.amssad كتب:

بارك الله فيك يا اخى اسماعيل على التوضيح
وفيك بارك الله

سامحنى اذا كثرت عليك بالاسئلة
مسامحك ولا يهمك  

وعندى بعض نقاط تالية
1- فى خانة التى نقصد بيها بعد ما تطلع صفحة مراجعة  هل يوجد ارسالها بيانات الاكترونية الى موقع السفارة  . ام بعد مراجعة تجيك صفحة باكود ؟
صفحة المراجعة لا يمكن ارسالها عبر الايميل،،، يراجع معاك كل الاقسام وبعد ما تكمل تاكد ان كل المعلومات صحيحة وتتعهد بذلك، بعدها تطلعلك صفحة التأكيد وتختار ارسالها عبر الايميل،،، وهذا الافضل.

2- فى خانة خاصة بتعليم والمهن ؟ بالنسبة التعليم نكتب موهلات ثانوية وجامعة وتواريخ التحاق وتواريخ التخرج ؟ اذا بالنسبة المهن انا معيد نختار قطاع التعليم ونكتب اسم الجامعة التى نشتغل قيها ؟
بالزبط،،، مدابيك تكتب كل شئ وبالتفصيل..

3- فى خانة مدة اقامة فى امريكا نكتب 3 سنوات لانى ماشى ماستر ؟
بالزبط، تكتب فترة اللغة وفترة الدراسة الاكاديمية مع يعضهم يعني، وتكتب حتى تاريخ دخول امريكا المتوقع، وتاريخ الانتهاء من الدراسة المتوقع.

4- بالنسبة خطة سفر توجد فيها تفاصيل رحلة طبعا انا موش محدد رحلة ؟ نختار نو ؟
عادي اكتب خطة الرحلة المتوقعة، اني درتها طرابلس اسطنبول دنفر،،، مش ضروري تنفذها، وتكتب حتى تاريخ السفر المتوقع، في راي هذا افضل ويعطيهم انطباع جيد عليك.

5- فى خانة خاصة بدفع مصاريف اقامتك نكتب الوزراة التعليم العالى وعلاقتنى بها سبونسر ؟
صحيح، زي ما ذكرت، بس علاقتك بها اني درت منحة دراسية، Scholarship

6-هل تقصد اختيار اللغة يعنى ترجمة اكترونيا تلقائيا ؟ وعند خيار اللغة عربى ؟
لما تختار اللغة العربية اي جملة او سؤال تضع علها الماوس تترجم فورياً بالعربية، تساعدك اكثر.

شكرا جزيلا للك
الشكر لله،،، من غير جميل.

سامحنى اذا كثرت عليك بالاسئلة .
معاش في داعي للاعتذار،،، تفضل انت وغيرك.

انا عبيت ابليكشن وصلت الى خطوة صورة . بس لا نريد نسحب باركود  إلا نتاكد  من كافة بيانات ؟
باهي ممتاز،،، تبي اي مساعدة اني حاضر

بارك الله فيك
وفيك بارك الله،،، وموفق

salem.amssad كتب:

السلام عليكم :-
عندى اسفسار بخصوص
الاوراق مرافق سواء الزوج او الزوجة ما هى الاوراق مطلوبة للمرافق ؟
شاكرين لكم حسن تعاونكم معنا

salem.amssad كتب:

السلام عليكم
وعليكم السلام ورحمة الله وبركاته

نعم اخى اسماعيل الاوراق المطلوبة للمرافق زوجة شنو الاوراق مطلوبات فى مقابلة غير عقد الزواج ؟
أسف على التأخير في الرد،،، لا توجد أي أوراق مطلوبة للمرافق الزوجة عند المقابلة،، وأنا شخصياً لم يطلب مني أي مستند، بأستثناء الحضور الشخصي للمرافق سواء الزوجة أو الأطفال

waleed_abusnina كتب:

السلام عليكم 
وعليكم السلام ورحمة الله وبركاته

أخي اسماعيل شن هيا الاوراق المطلوبة لقبول اللغة 
الأوراق المطلوبة أخر مؤهل علمي متحصل عليه مترجم للانجليزية، صورة من جواز السفر الصفحة العربية والانجليزية وصفحة التجديد أنت والمرافقين زوجة أو أطفال، وصورة من رسالة الدعم المالي.

وهل ممكن تساعدني ونبعتلك الاوراق المطلوبة وتحصلي قبول من الجامعة
يا خوي لو عندي إمكانية والله ما نقصر معاك ومش بجميلي، بس زي ما ذكرت في بداية قصتي أن قبولي تحصلت عليه عن طريق خونا هاشم الله يرحم ولديه،،، ممكن تراسله ومتأكد رح يساعدك ومش رح يبخل عليك...بس بنقولك راهو مش اي جامعة او معهد ممكن ايجيبلك فيها قبول،،، اني قدر يساعدني في جامعة اني طلبتها بالاسم،،، اللي هيا: جامعة ولاية كولرادو    Colorado State University،،، عنوان الجامعة على الويب:  www.colostate.edu  عنوان معهد اللغة التابع للجامعة على الويب:  www.iep.colostate.edu
بمدينة فورت كولينز

لو عجباتك الجامعة والمدينة تقدر تراسل خونا هاشم وتعرض عليه الامر ومتأكد رح يساعدك إن شاء الله،،، واني اي حاجة اخرى نقدر نساعد فيها حاضر خاصة فيما يخص التأشيرة اي معلومة تفضل
وهاذي صفحة خونا هاشم:
http://www.almofad.com/u7944contact

موفق إن شاء الله

salem.amssad كتب:

السلام عليكم :-
وعليكم لسلام ورحمة الله وبركاته..

اخى اسماعيل اريد مساعدة منك  
تفضل خوي سليم باللي نقدر عليك

انا قمت بتعبئة ابليكشن 160 ولكن فى سؤال خاصة بخطة سفر . انا ليس لدي خطة ولم احدد رقم رحلة الان ماذا افعل بهذه خانات نختار نو مثلا ارجو التوضيح
حدد خطة افتراضية متوقعة مش ضروري رح تنفذها،،، وهما عارفين هالشيء ان الخطة مش 100%، بس في صالحك انك تحدد خطة وتبينلهم انك مرتب كل شئ،،،

1- ماذا نكتب فى خانة رقم رحلة الوصول ؟ ماذا يقصد بها  هل رحلة الوصول الى امريكا... 
ما تكتب شئ لانك انت مش رح تكون عارف رقم الرحلة من توا،،، ونعم يقصد بها رحلة الوصول لامريكا،،،

2- رقم رحلة مغادرة ؟ هل رقم رحلة مغادرة من امريكا بعد اكمال درسة
نفس الشئ متكتبش رقم رحلة ولا شئ

3- اسماء المدن التى تريد تغادر منها هل يقصدوا بمغادرة من ليبيا ام مغادرة من امريكا بعد اكمال دراسة ؟
نعم يقصدوا خطة رحلتك من البداية للنهاية،،، اني كتبت طرابلس - اسطنبول - واشنطن- دنفر،،، ولو بيسألولني مثلا علاش نازل لواشنطن بنقوللهم عندي اقارب بنزورهم وبعدين ماشي لدنفر اقرب مطار للمدينة اللي بندرس فيها،،، يعني انت مثلا بتمشي تقرأ في ننيورك وتبي الخطوط البريطانية،،، تكتب طرابلس - لندن - نييورك.

4- تاريخ المتوقع للوصول الى امريكا ؟
أكتب التاريخ المتوقع بتوصله في أمريكا، اني كتبت تاريخ الوصول قبل الدراسة بأسبوعين،،، في نظري موعد جيد،، ولازم في تناسق بين تاريخ المغادرة من طرابلس وتاريخ الوصول لامريكا،،، يعني يكون بينهم يومين مثلاً لدواعي الترانزيت...

شكرا لكم
الشكر لله

بارك الله فيكم وجزاكم الله خيرا
وفيك بارك الله،، ربي يفتح علينا جميعاً،،، ياررررررررررررررررررب

altayari كتب:

الاخ / اسماعيل ارجوا مساعدتك في الحصول على قبول اللغة واسئل الله ان تكون في ميزان حسناتك وبارك الله فيك اخوك خالد الطياري عندي قرار افاد لغة فقط
السلام عليكم،،،
خوي خالد نفس الكلام اللي قولته لخونا وليد،،، تقدر تتطلع عليه وأي مساعدة أخرى أو استفسار اني حاضر

أميرة الكلمة كتب:

أخي إسماعيل ألف مبروك اتمامك لجميع اجرائتك على خير صبرت ونلت الحمد لله بتوفيق من عند الله ، ارجوا منك خدمة تقدر تساعدني اني نتحصل على قبول اللغة  أنا اخترت زي اختيارك  جامعة ولاية كلورادو، وزميلتي حصلت قبول لغة منINTO CSU وقالتلي سجلي فيه لانه كويس  وبعتتلي نموذج الابليكشن نعبي البيانات بس في خطوات هلبة فيه  لقيت صعوبة في تعبئته تقدر تفيدني افادك الله وبعد مانعبيه  شن ندير وشن نرفق معاه ووين نبعثه بالتحديد ؟ ارجوا الرد على رسالتي للضرورة لاني بصراحة قداش ليا وانا نحاول ماعرفتش وبارك الله فيك وعلى مجهوداتك في مساعدة زملائك ......

الله يبارك فيك،،، نفس الكلام اللي قولته لخونا وليد وخالد،،، أني معنديش فكرة كبيرة على القبول،،، واللي ساعدني فيه خونا هاشم ممكن تراسليه ومتأكد رح يساعدك ومش رح يبخل عليك... واني اي حاجة اخرى نقدر نساعد فيها حاضر خاصة فيما يخص التأشيرة 

salem.amssad كتب:

السلام عليكم
هذا ابليكشن خاص بمعهد انتو بجامعة الولاية  كولوردو فورت كولينز
عبى ابليكشن بهذه طريقة  وارسلى معه صور جوزرات سفر عربى وانجليزى انت ومرافق   ورسالة دعم مالى للقبول وشهادة تخرج وكشف الدرجات

وعليكم السلام ورحمة الله وبركاته

بارك الله فيك خوي سليم،،، أهو ساعدكم هلبا وبعثلكم صورة من الابليكشن الخاص بالمعهد،،، وفوقها طريقة تبعئته،،، اعتقد هكي اوصح واسهل، وبعدها تبعثلهم الابليكشن وصورة من المستندات المطلوبة ع ايميلهم، ومش رح يتأخروا في الرد إن شاء الله، وخاصةً أن المعهد ما يطلبش في رسوم تسجيل..

ربي يفتح عليك بهذه المساعدة،،،

salem.amssad كتب:

السلام عليكم
هذا ابليكشن خاص بمعهد انتو بجامعة الولاية  كولوردو فورت كولينز
عبى ابليكشن بهذه طريقة  وارسلى معه صور جوزرات سفر عربى وانجليزى انت ومرافق   ورسالة دعم مالى للقبول وشهادة تخرج وكشف الدرجات

Ismail 1980 كتب:

salem.amssad كتب:

السلام عليكم
هذا ابليكشن خاص بمعهد انتو بجامعة الولاية  كولوردو فورت كولينز
عبى ابليكشن بهذه طريقة  وارسلى معه صور جوزرات سفر عربى وانجليزى انت ومرافق   ورسالة دعم مالى للقبول وشهادة تخرج وكشف الدرجات

وعليكم السلام ورحمة الله وبركاته

بارك الله فيك خوي سليم،،، أهو ساعدكم هلبا وبعثلكم صورة من الابليكشن الخاص بالمعهد،،، وفوقها طريقة تبعئته،،، اعتقد هكي اوصح واسهل، وبعدها تبعثلهم الابليكشن وصورة من المستندات المطلوبة ع ايميلهم، ومش رح يتأخروا في الرد إن شاء الله، وخاصةً أن المعهد ما يطلبش في رسوم تسجيل..

ربي يفتح عليك بهذه المساعدة،،،

salem.amssad كتب:

السلام عليكم
هذا ابليكشن خاص بمعهد انتو بجامعة الولاية  كولوردو فورت كولينز
عبى ابليكشن بهذه طريقة  وارسلى معه صور جوزرات سفر عربى وانجليزى انت ومرافق   ورسالة دعم مالى للقبول وشهادة تخرج وكشف الدرجات

أميرة الكلمة كتب:

salem.amssad كتب:

السلام عليكم
هذا ابليكشن خاص بمعهد انتو بجامعة الولاية  كولوردو فورت كولينز
عبى ابليكشن بهذه طريقة  وارسلى معه صور جوزرات سفر عربى وانجليزى انت ومرافق   ورسالة دعم مالى للقبول وشهادة تخرج وكشف الدرجات

في عندي استفسار بخصوص تعبئة الابليكشن فقرة Student Education History

هل هذه الخانات تتعلق بالمرحلة الثانوية ؟ وبعدين انا ماعنديش باليوم وبالشهر عندي سنة التخرج فقط كيف نعبيها؟

High School Name
Dates of Study from —— /—— /—— to—— /—— /——mm/dd/yy
Graduation Date —— /—— /——mm/dd/yy
Highest Educational Qualification Name
Country
نعم هذه الخانات هى خاصة بتعليم تكتب شهادة الثانوية واسم المدرسة ونوع موهل ثانوى وسنة تخرج وكذلك اسم الجامعة وموهل الجامعى وسنة التخرج من الجامعة




وشن نعبي في الخانات الثانية وشن يقصد بيها مابعد الثانوية ؟؟؟؟ انا بعد الثانوية قريت في الجامعة هل يقصد بيها فترة البكالوريوس او الماجستير ؟ يعني نكتب فترة الدراسة من البكالوريوس وسنة تخرجها والا من البكالوريوس للماجستير؟ ونفس قصة ماعنديش باليوم والشهر سنة تخرج فقط

!!!
Post-Secondary School Name
Dates of Study from —— /—— /—— to—— /—— /——mm/dd/yy
Graduation Date —— /—— /——mm/dd/yy
Highest Educational Qualification Name

فيدني افادك الله ولك الشكر واعتذر على الإزعاج

تحياتي
Country