بخصوص الساحة الماليزية

السلام عليكم ورحمة الله وبركاته
كيف حالكم خوتي ان شاء الله طيبين
انا موفد ع حساب الدولة الليبية واخترت الساحة الماليزية وتحصلت ع قبول لغة من معهد ELS في ماليزيا بعتلهم ورقة الدعم المالي للتاشيرة قالوا لازم تخلص $700 قبل حتي يتم البدء في اجراراءت التاشيرة ويبعتوا اوراقي الي مكتب الهجرة الماليزي 
ملاحظة القبول جابه ليا صديق قاعد في ماليزيا
اللي انا مش فاهمه ان كيف انا موفد ع حساب الدولة وندفع في رسوم التاشيرة 
ياريت حدا يقول كيف اندير
ومشكورين

معقولة 44 مشاهدة ولا اي رد  

بتدفع رسوم التاشيره اكيد ما ليهاش علاقه موفد ولا ع حسابك الشخصي ... وقول ان شاء الله تطلع التأشيره.. لانه الحق البلاد بدت تتشدد هلبه هلبه في الامور اهيا معادش زي زمان وانت واقف يعطوهالك التاشيره... موفقين ان شاء الله

مصاريف التأشيرة والقبول يتحملها الطالب الموفد , ولن تستطيع استرجاع مصاريف التأشيرة الا اذا كنت مرشح من طرف وزارة الدفاع وأهم شيء ان الطالب الموفد يدخل لماليزيا بتأشيرة دراسية , حتى وإن كانت اجراءات التأشيرة متعبة فهى الافضل للطالب .

لما تدفع الفلوس تاخد منهم واصل وبعدها اتقدمه للسفارة وحيرجعولك اللي دفعته في التأشيرة

بخصوص الرسوم المالية حسب علمي قبل 8 أشهر تقريبا كانت كالتالي

1- التسجيل 100 دولار أي ما يعادل تقريبا 300 رنجت 
2- إجراءات التأشيرة 500 دولار أي ما يعادل تقريبا 1500 رنجت

مشكورين خوتي 
الشكر كلا من 
1- sayra
2- sami2108
3- عبدالله عبدالله
بارك الله فيكم وري يفتحها في وجهكم يارب

التسجيل مجاني ورسوم التأشيرة يدفعها الطالب وبعدها ايحاول مع السفارة نعرف أكثر من طالب هنا رجعوله افلوسه

قصة استرجاع المصاريف هذه مهناش وانا سئلت أحد المسؤولين في مكتب شؤون الطلبة قبل اسبوعين تقريبا وقال ان الطالب يتحمل تكلفة التسجيل والتأشيرة ولا يرجع له شيء , وبما انك إن شـاء الله ستدرس في els دير في بالك انك قد تدفع مصاريف امتحان تحديد المستوى وايضا خدمة الاستقبال في المطار , المعهد ممتاز وأنا ندرس فيه ويستاهل ان الطالب يدفعله من جيبه , وكل واصل مالي يعطوهولك احتفظ به لاسترجاع المصاريف في حالة وافقت السفارة على ذلك. والله الموفق

يا اخ سامي نعرف أكثر من طالب يدرس في ماليزيا رجعوله فلوسه ومن غير واسطة