سؤالي عن اوراق التأشيره

alous2030 كتب:

السلام عليكم:
هل ورقة الدعم المالي متع القبول يمشي حالها في مقابلة التأشيره و لا لأ ؟؟؟؟؟؟؟؟,لان دعم التاشيره يبي فتره بش يطلع الموظفين في البعتات اغلبيتهم في اجازه و لا في من يطبع و لا شي و اني قرايتي قريب تبدا معش عندي وقت الي دار المقابله قبلي يفيدني ............كل سنه و انتم طيبين

وعليكم السلام ورحمه الله وبركاته

ما أعتقدش ان ورقة الضمانة المالية للقبول يمشي حالها قصدي انت هكي بتجازف مجازفة لانها واضحة الورقة , أنا في يوم المقابلة الموظف تقدر تقول مادورهاش ورقة الضمانة المالية يعني مادققش فيها ردهلي طول هيا وخطاب القبول , اللي قعد يدقق فيه هوا الــ I 20 & إيصال رسوم السيفس .

بنسألك انتا مدام قرايتك قريب علاش ماخديتهاش من قبل ؟

قرايتك امتى تبدأ وهل عبيت نموذج التأشيرة ؟

بالنسبة لسؤال الاخت تهاني , التأشيرة ع حسب انا المقابلة كانت الاثنين وطلعت يوم الخميس وفي اللي قعدت شهر وأكثر , ماعندهاش وقت معين ويجب على كل مرافق تعبئة الابليكيشن وحضور المقابلة

وهذا موضوع لكيفية تعيئة نموذج التأشيرة
نموذج DS-160



ربي يوفقكم

alous2030 كتب:

that's great , if you are going by the end of Oct , this mean that you are still in the safe side ...best wishes
unlike me , i have to be there before 18 of Oct...i am going to Pennsylvania
God be with you ALLLLLLLLLLLLLLLLL
HAPPY EID

Alsalm Alykom

I believe that I have enough time

My language course will start in late november

I am going to NY &

Mowafak

Baark Allah ffek

alous2030 كتب:

شكرا ع المداخله اطمنت شويه و ربي يستر ع الباقي ,,,قداش قعدت بش طلعتلك التاشيره؟ وهل خدو البسبورت و شن حكاية الفيدكس الي نقرا في الناس تبعت بيه ,,اني السفاره بحداي لازم الفيدكس؟؟؟
بالتوفيق للجميع
يا اخ the good هل تلحق تقدم علي قبول اكديمي اني سمعت ان deadlines for admission في شهر 12 و الموضوع هدا معيشني في رعب امتى بنقرا الكورس و امتى بنسجل؟؟

بالك عندك خلفيه ع الموضوع ؟؟

شكرا للجميع

السلام عليكم ورحمة الله وبركاته

كل عام وانتم بخير بمناسبة عيد الفطر المبارك أعاده الله علينا وعليكم بالخير والبركات

بالنسبة للتأشيرة كانت مقابلتي يوم الاثنين وطلعتلي يوم الخميس ولما تطلعلك التأشيرة لازم تبعت الجواز عن طريق الفيدكس لانهم في السفارة لا يتم تسليم الجواز باليد ويوم المقالبة جميع الاوراق راح يرجعوهلك بما فيها الجواز ممكن ورقة التأكيد يخلوها عندهم

انت مقابلتك الاحد وممكن تطلعك في نفس الاسبوع , و ان شاء الله تساتر معاك وتلحق ع موعد القراية

ولو مالحقتش تقدر تأجل موعد الدراسة , إجراء عادي ,أهم شي توة تطلع الفيزا والباقي ساهل باذن الله وماتخممش فيه لانه في هلبة حلول


وباب التسجل موعده يختلف من جامعة الي اخرى وانت عندك سنة لغة تقدر تراسل جامعات وتقدر تسجل ,يعني في وقت لذلك


بارك الله فيك

alous2030 كتب:

اليوم درت المقابلة وكانت ورقة الدعم لغرض التاشيرة مطلوبة

السلام عليكم ورحمة الله وبركاته

كل عام وانت بخير خوي alous2030

طمنا إن شاء الله المقابلة مشت كويس , وكيف درت بخصوص ورقة الدعم المالي لغرض التأشيرة ؟

بارك الله فيك

alous2030 كتب:

ياريتها قعدت علي ورقة الدعم هديكا محلوله قالولي ابعتها بالايميل اول ماتوتا.......اه اه اه
طلع معندي اي تونتي للمرافقين و هدا خطأ سببه الجامعه الي ماشيلها ...اني محد طلب مني في البليكيشن نكتب ع المرافقين حتى مسؤلونيش اصلا و عبيت عليهم رخو بيا تو بنكلمهم من جديد بش يبعتولي .............انشاء الله تجربتي هده يستفيد منها غيري اني اول مره نمشي معنديش خلفيه ع الاجرءات ......و الله ولي التوفيق

السلام عليكم

فيها خيرة خوي alous2030 وان شاء الله تتساتر معاك

انت كلم الجامعة ودزلهم اسماء المرافقين وصورة من جواز كل واحد فيهم وعبيلهم نماذج بتاع التأشيرة ,

في السفارة عطوك موعد مقابلة اخر ؟

الجامعة خيرها مقصرة معاك مرة تتأخر في ارسال القبول وتوة مادزتلكش الــ I 20 بتاع المرافقين , لو عندك حد غادي يمشيلهم خير لاختصار الوقت

بارك الله فيك