استفسار تجديد الفيزا و تصريح الدراسة

السلام عليكم 
اني طالب في مدينة تورنتو و نبي نجدد الفيزا متاعي و تصريح الدراسة. بالله يلي عنده فكرة كيف ايقول لان الغلطة بحسابها هنا. علما اني عندي قبول من ثلاث جامعات يعني مافيش مشكلة ان شاء الله

بارك الله فيكم

اولا لازم تجدد تصريح الدراسة باستخدام القبول الي تبي تكمل بيه
تانيا ننصحك بالتقديم اونلاين لان اسرع من الورق بالدبل او اكتر
انا شخصيا في ظرف 14 يوم كان التصريح في الميل متاعي
اطلب ورقة دعم من المشرف متاعك ف CBIE
جيب ترنزكربت من المكانات الي قريت فيها بتصريحك الاول بيش يعرفوا انك فعلا تقرا مش فايت الموضوع
صورة الكترونية شخصية وصور الجواز وختم الدخول
القبول الجديد
لاداعي للكشف الطبي ادا كنت دايرة خلال السنة الاخيرة
نمودج تمديد من CIC
بعد تجديد تصريح الدراسة والبداية ف الدراسة تقدر اتجدد الفيزا والي مش حتحتاجها الا في حالة السفر خارج كندا والرجوع

بارك الله فيك يا خوي مشكور جدا

خوي اكرم نبي نزيد حاجة ع الاخ فريد ربي يبارك فيه هي انك مرات يطلبوا منك كشف طبي لانك روحت لليبيا بس مش اكيد مية في المية انهم يطلبوه لأن مدة زيارتك كانت اقل من 6 شهور 
الرابط فيه وين تبدا
http://onlineservices-servicesenligne.cic.gc.ca/eapp/eapp.do
بالتوفيق

بارك الله فيك اختي حنان ... ان شاء الله خير هوا اني ما مرضت لين جيت هنا... و العلاج هنا الله امستعان وخلاص

اخ latiwesh تقدر اتقوللنا كم معدلك او شنو الجامعات اللي حصلت منها علي  قبول وما قيمة منوسط الايجار في توررنتو

تبالك معلومات خاصة شوية هدي خوي هههههههههههههههههههههههههههه
نبصر عليك اتدلل..... معدلي 71,26 % و تخصصي هندسة اتصالات و الجامعات يلي حصلت فيها
McMaster
Concordia
Delhousie

hanan_canada كتب:

الف سلامة عليك ان شاء الله

الله ايبارك فيك و يرحم ولديك 

مشكور اخي الكريم. بس بخصوص تكلفة المعيشة و متوسط الايجار في تورنتو.

تورونتو غالية شوي..ياخي محمود سالم وين شوي لالا هلبة الحق..والجامعات اللي حصل فيها خونا مش في تورونتو..وبنظيف حاجة للكل..معظم التخصصات الهندسية ما فيهاش مشكلة يعني تحصل قبول باذن الله غير اجتهد في اللغة..وكذلك تخصصات العلوم..المشكلة فقط في الاخوة اللي تخصصاتهم اقتصاد ومحاسبة وادارة اعمال..ولاننسى الطبية وخصوصا طب الاسنان..ربي يكون في عونهم ويحصلو قبولات. ايه نسيت..الف مبروك خوي ليتيوش عالقبول والف لاباس عليك وربي يوفقك في اتمام اجراءاتك.

You can contact me at private message i can help you incha allah

الجامعة يلي ماشيلها ان شاء الله كونكورديا لانها ممتازة في تخصصي و المدينة جوها مليح.... دلهاوزي جامعة كويسة بس في تخصصي بلهون و كونكورديا خير منها ..... و الافضل ماكماستر بس دق دق و كان تبي توسع بالك و بشوي امتى ما اتكمل باهي هد عليها ... اني استبعدتها لان مادابيا نكمل الماستر بكري الحق 

ربي ايوفق الجميع و بارك الله فيكم علي دعواتكم

مرحبتين بيك في كونكورديا اخيlatiwash ربي يوفقك..