وين نمشي وشن هيا اﻻجراءات باش نحصل اﻻقامة

السﻻم عليكم اخوتي في الله انا نبي نعرف كيف ندير اﻻقامة في القاهرة وكم تاخد مني وقت نقدر نديرها عﻻقل قبل ما اتم مدة التاشيرة اللي مدتها شهر علما باني عندي بعتة وتخصصي طب بشري ..وفقكم الله ارجو الرد

مرحب
الاقامة اديرها في الجوازات والجنسية "" في القاهرة موجودة في ميدان التحرير "" ولكن انصحك ان تختار مدينة ثانية نائية اسهل صاحبي عطلوة و خذوا منه مبلغ ممكن من اجل التاخير
الاوراق المطلوبة عادية  : صور الجواز و وختم الدخول وصورة شخصية  ووتعريف انك طالب ومبلغ مالي حوالي 100 جنية
 بالتوفيق

اخى الكريم ..
نصحيتى لك ان تلجأ الى اتحاد الطلبة فى مصر وهو فى منطقة السابع ، لانه يعمل على اكمال موضوع الاقامة وذلك واضح من اعلانهم الفترة السابقة ، من خلال دفعك لمبلغ ثلاثمائة جنيه مصر وزيادة قليلا ، لاننا خلال قمنا بالاقامة ووجاهنا صعوبات ، منها : الازدحام الغير طبيعى فى مجمع التحرير ...وخاصة فى شبابيك الاجراءات الخاصة بالاقامة بالاضافة الى دفعك مبلغ 120 جنيه لو تغيبت اكثر من اسبوع من وصولك الى القاهرة ولم تتحصل على الاقامة ، فالافضل ان تستعين بالاتحاد.
العنوان : 26- شارع المقدس القباري .متفرع من عباس العقاد .خلف الحديقة الدولية .مدينة نصر

دير بطاقه جاليه فالسفارة

بالنسبة لطلبة الاسكندرية هل من حل

السلام عليكم
اخ مفتاح من فضلك شن قصدك ب
دير بطاقه جاليه فالسفارة

الحمدلله اليوم قدمت عالاقامه بعد جهد جهييد

بالنسبة لـــي الإقامه ... المطلوب .. صورة من جواز السفر +صورة من أخر ختم وصول +صورة البطاقة الجامعية (الكارنيه)+صور شخصية تقريباً عدد2صورة خلفية بيضاء +تعريف إنك طالب من الجامعة ... مع نموذج تاخده من مبنى التحرير خاص بالإقامة ـــــــــــــكيقية لتقديم على الإقامه تمشي لــي مبني التحرير الصبح بكري باش متلقاش زحمه قدامك ... تقدم جوازك مع الأوراق المطلوبه في شباك التقديم .. الموظف يستلم منك الأوراق يعطيك رقم في الجواز ويقولك أرجع بعد 10 أيام ... وبعد ما ترجع بعد الــ10أيام  تشوف الشباك وتعطيهم جوازك يشوفو اسمك ف الجهاز هل جاتك الموافقة أو لا .. كان طلعتلك معناها بتبدأ مشوار أخر فــي الصراع من أجل الحصول ع الإقامه شد عندك كانك مسجلتش دخولك في المنظومه قبل ما يفوت اسبوع من دخولك لمصر في مبنى التحرير يعني بيقولك عندك غرامه برا خلصها في شباك الخزينة وبعدين تعالى باش يختملك في الجواز ختم التسجيل وقدر الغرامه 110 جنيه مصري بالإضافه الى الطوابع الرسمية اللي عندهم وبعد ختم التسجيل والغرامه ترجع لشباك الإقامه تعطيه الجواز ويقولك هات طوابع .. وتقدر بمبلغ 81 جنيه مصري وسلم جوازك ويقولك أرجع بعد الساعة 12 ظهراً باش تستلم جوازك والإقامه منوره الجواز من الداخل ...بعدها أطلع طول ومعاش تشوف وراك لعند ما تطلع من منطقة التحرير كلها...  شفتو قداش نعانو في مصر يا لييبيين ـــــــــــــــــــــــــ هاذي حكايتي مع الإقامه ـــــــــ .... هههههههههههههه   ... نصيحه مني برا بكري يوم التقديم ع الإقامه باش تخطأ الزحمه الرهيبه اللي ف التحرير ... الصراحه نا كان نحسابها هكي راه مشيت لإتحاد الطلبة وجابلي الإقامه خير من الدوشه هاذي كلها بس لازم الواحد يتعب باش ياخذ حاجته برووووووحه ......... تحيات خوكم المجهول ^ــ^