يا أهل الخبرة دفع SIVES من ليبيا

الرجاء من عنده خبره ببطاقات المصارف وطريقة دفع SIVES علي النت مع العلم عندي بطاقة فيزا الكترون من مصرف الأمان 
وشكرا جزيلا

Mustafa atia كتب:

الرجاء من عنده خبره ببطاقات المصارف وطريقة دفع SIVES علي النت مع العلم عندي بطاقة فيزا الكترون من مصرف الأمان 
وشكرا جزيلا

قبل كل شئ،،، السلام عليكم ورحمة الله وبركاته

بالنسبة لدفع رسوم السيفيس نعم يمكن دفعها من ليبيا ببطاقة الكرديت كارد،،، بس مش اي بطاقة،،، اني كان عندي بطاقة فيزا كارد صادرة من مصرف الصحاري وحاولت معاها اكثر من مرة دون فائدة،،، وبعدها قام صديق بدفعها عني من أمريكا بفيزا كارد امريكية

بس اللي نعرفه ومتأكد منه ان بطاقة الفيزا الصادرة من مصرف التجارة والتنمية ممكن تدفع بيها رسوم السيفيس واكثر من شخص جربها وامشت معاه تمام،،، حاول تسأل عليها في المصرف ويقولولك كيف اجراءاتها ما اعتقدتش معقدة 

وبالنسبة لبطاقة الفيزا مصرف الامان ما عنديش معلومة عليها،،، بس انت ما خاسر شئ حاول تجرب بيها لو قبلوها اوكي،،، ولو ماتمش قبولها شوف طريقة اخرى،،،

وبالنسبة لكيفية الدفع اتم عن طريق هذا الرابط:

https://www.fmjfee.com/i901fee/index.jsp

تبع التعليمات والخطوات ورح توصل للنهاية ان شاء الله، ولو تم قبول بطاقة الفيزا رح يعطيك تأكيد بأنه تم الدفع،،، بس كون حذر ان رسوم السيفيس تدفع على الشخص الموفد فقط،،، يعني ما تدفعش على المرافقين، بمعنى اخر لما بتدخل رقم السيفيس في الدفع الموجود في الاي تونتي يكون الخاص بك انت مش المرافقين، وبعد ما تكمل وتطلعلك صفحة الدفع اديرلها طباعة اكثر من نسخة، او تختارلها تخزين وبعدين تسحبها،،، لكن الاضمن يكون جهازك مربوط بطابعة باش تسحب التأكيد اكثر من نسخة مباشرةً،،، لان الصفحة ما تتخزنش،،، يعني لو تصكرت معاش تقدر ترجعلها،، وتقعد تراسل فيهم بالايميل وقصة طويلة...

إن شاء الله انكون وضحت الامر بالشكل المطلوب،،، والله ولي التوفيق

انى دفعت السيفس ببطاقة من مصرف الامان اسمها فيزا انترنت اول مرة نسمع بيها فيزا الكترون من مصرف الامان

شكرا amani علي الرد ولكن أرجوا التكرم وشرح طريقة الدفع علي النت ببطاقة مصرف الأمان أي هل يطلب رقم البطاقة أو رقم الحساب أرجوا التوضيح
والشكر لك سلفا

مشكور سيد ismail 1980 علي الرد الطيب جعل الله ذلك في ميزان حسناتك

لما تستخدم البطاقة بتكتب اسمك الى سجلته لما درت البطاقة تلقاه فى الورقة البيضاء الى عطاهالك المصرف
ونوع البطاقة فيزا
Credit card NO بتكتب الرقم الى على البطاقة يتكوم من 16 رقم
CVN تكتب الرقم الى يتكون من 3 ارقام 
Expiration date صلاحية البطاقة تلقى التاريخ على البطاقة متلا 15/10

Mustafa atia كتب:

الرجاء من عنده خبره ببطاقات المصارف وطريقة دفع SIVES علي النت مع العلم عندي بطاقة فيزا الكترون من مصرف الأمان 
وشكرا جزيلا

لا يمكنك دفع السيفس ببطاقة فيزا إلكترون لأنها غير صالحة للاستخدام في الانترنت، وهي صالحة للاستخدام في ماكينات الصّراف الآلي التي عليها شعار (VISA Electron فقط).

وبالنسبة لإمكانية دفع السيفس فيمكنك الدفع بواسطة بطاقة (فيزا نت) مسبقة الدفع، أنا شخصياً عندي بطاقة فيزا نت مستخرجة من مصرف التجارة والتنمية ودفعت بيها تمام ونشري بيها عن طريق النت.