تجاوزات بعض الاعضاء

السلام عليكم

في مواضيع سابقة حطينا استعدادنا لتقديم اي مساعده نقدرو عليها. وفعلا ما قصرناش بلي نقدروا عليه ومش حنقصروا مع حد.
يعني لما شخص يطلب منك ايميلك الخاص وتعطيهله يفترض انه وكانك دخلته لحوشك, الاحترام المتبادل قبل كل شي, لان احيانا ايميلك مفتوح والعيلة يستعمولوا فيه ووو الخ
واحيانا لو ما وصلكش رد او كدا قد يكون ناتج عن خلل فني, المفترض تحت اي ضرف ما حدش يطلع عن اطار الاداب العامة والي من اساسياتها اداب الحديث وخصوصا اننا يفترض انكون نتعاملوا مع النخبة والي هما الطبقة المتعلمة في المجتمع.

الحقيقة كل الي تعاملت معاهم قبل كانوا في قمة الرقي, لاكن تواصلت اني وشخص من يومين وهوا طالب مساعدة لاكن للاسف الباين نتيجة خلل فني او لانه ماقبلش الاضافة ردي ما وصلاش او يمكن حتى مدايرلي بلوك بدل ما يدير قبول اضافة. زي ما تلاحظو قدام رسالتي pendding


photo has been removed


عموما اليوم الصبح بكري وبحكم فارق التوقيت الي صاحبنا مش حاطه ف اعتباره نتفاجأ بالعايلة ايقولولي في شخص بعتلك كلام بدئ.. الحقيقة استغربت لان سكايب وايملي بشكل عام كله ناس محترمة ويا اما اقارب واصدقاء او بزنس.

photo has been removed


لاحظو مازال حتى رديت عليه رسايلي مايوصلوش لسبب ما اعتقد انه block بالخطأ منه

نعتدر عن الالفاظ الموجودة في الي المراسلة ولاكن للاسف صدمني الاسلوب ووجب التنبيه من الموضوع

عدل سابقا من قبل faredtsbc في الأربعاء 18 ديسمبر 2013, 4:57 am عدل 1 مرات

لا حول ولا قوة الا بالله
اتقي شر من احسنت اليه

لا حول ولا قوة إلا بالله

كل إناء بما فيه ينضح
والكلام المكتوب إن دل على شيئ فإنما يدل على البيت الذي تربى فيه هذا الشخص

(( وانهنيك على أخلاقك العالية ))

تحياتي لك وللعائلة الكريمة

صح غالط هوا وبارك الله فيك علي اسلوبك بس الكلام البدئ مافيش داعي نشوفوه وياريت تنحيها الصوره لان زي ماتفضلت حضرتك نفتحو في الموقع امام انظار الجميع ومخلطه الحكايه وشكرا

حسبي الله ونعم الوكيل لاحولا ولا قوة الابالله

من حقك تشكي من اللي غلط فيك من غير سبب وشكرا علي تعاملك الكويس مع الموقف وهو توا اكيد يقرا ويحك في راسه من الحشم والندم ...لكن ياريت تنحيهم الحوارات اللي حاطهم او تحور فيهم لانهم يؤدوا فعلا العائلات عادة يكونوا مع بعض علي الموفد لانهم ضامنين سلامة المحتوي .

فعلا انا اتسرعت في حطة الصورة التانية ولاكن السبب اني فعلا اتنرفزت وانا هنا اعتدر من الجميع

ياريت لو ممكن المشرف يمسح الموضوع بالكامل احسن

السلام عليكم

اولا الصور غير موجوده تانيا انت عندك الحق و مع هذا في أشخاص وهم طلبه موفدين بكل صراحه مدو لي يد العون سواء إناث أو ذكور سواء على المنتدى أو الفيس ... وعلموني على مساعدة الاخرين وهذا شيء جميل جدا جدا

والموضوع مش لازم يحذف والافضل يثبت حتى الاخرين يأخذو الحيطه والحذر من هؤلاء الاشخااص الغير مرغوب فيهم

وفق الله لما يحب ويرضى

بلادي حرة كتب:

السلام عليكم

اولا الصور غير موجوده تانيا انت عندك الحق و مع هذا في أشخاص وهم طلبه موفدين بكل صراحه مدو لي يد العون سواء إناث أو ذكور سواء على المنتدى أو الفيس ... وعلموني على مساعدة الاخرين وهذا شيء جميل جدا جدا

والموضوع مش لازم يحذف والافضل يثبت حتى الاخرين يأخذو الحيطه والحذر من هؤلاء الاشخااص الغير مرغوب فيهم

وفق الله لما يحب ويرضى


----------------------------------------------------------------------

نعم قمت بمسح صور المحادثة.....

بصراحة الي صار هو طفرة وهو لا يمثل اعضاء المنتدى الحقيقة الجميع على مستوى من الرقي

بصراحة اناطالب جديد ومازال ماسافرت ولكن قريبا ان شاء الله انسافر كان سخر ربي
اولا لولا فضل الله اولا وفضل هذا المنتدى الرايع لواجهت عدة مشاكل مثل اين اذهب وماذا افعل بخصوص الاجراءات
ثانيا اغلب اعضاء هذا المنتدى الذين يدرسون فى الخارج الان هم متجاوبين ويحاولوا يساعدوا بقدر الامكان برغم قسوة الغربة وضغط الدراسة هناك لذلك اتمنى من الاعضاء ان ينتبهوا لهذه النقاط لان اغلب الاعضاء عندهم التزامات غير الرد على استفسارات الطلبة وعندما يجدوا الفرصة او الاجابة الكافية لتساؤل اي عضو لن يبخلوا عليه وفى النهاية كل واحد يعمل بأصله

كل الشكر للاعضاء اللي دائما يقدمو في المساعدة للوافدين الجدد

في ميزان حسناتكم إن شـاء الله