متطلبات واحتياجات السفر الى كندا

اخوتي ارجوكم ساعدوني اود السفر الى كندا الاسبوع القادم انشالله ومحتارة ولا اعرف مادا احمل معي من اشياء ومتطلبات ضروري للفر وخاصة الملابس لي لأطفالي ..ارجوا ممن لدية اي معلومة من الطلبة المتواجدين هناك اخباري بكل مايلزم
شكرا

اختي الكريمة كل شي موجود في كندا بالنسبه للصغار وليك نصيحة انك تاخدي الكبابيط من كندا ﻻن اللي في ليبيا ما يمشوش مع الجو هنا نهائي واﻻحدية نفس الشي ﻻن هنا ﻻزم تكون متاع تلج يعني تتحمل ومتخشش معاها الميه والحاجات التانيه كلها موجوده واي استفسار تفضلي اني موجودة

نسو يوصوك على اهم حاجتين..طنجرة بكسكاسها..الكسكاس اللي هنا عيونهم كبار ما يمشوش مع الكسكسي..ولو تحبي تشربي الساهي في البراد الليبي جيبي معاك واحد.. وما تنسيش الشاربات لو انك محجبة...غير ذلك كل شي موجود وخصوصا ملابس الصغار والملابس الشتوية والاحذية زي ما فالولك تشريهم من هنا احس...حتى الزميطة موجودة..يمكن تجيبي معاك شوي هروس للبداية لعند ما تعرفي كيف تخلطيهم بروحك والا تشريهم جاهزات. ربي يوصلكم بالسالم.

"لو كنت محجبة" سبحان الله الحجاب كأنه اصبح خيار مش فرض!!!

زمردة كتب:

اخوتي ارجوكم ساعدوني اود السفر الى كندا الاسبوع القادم انشالله ومحتارة ولا اعرف مادا احمل معي من اشياء ومتطلبات ضروري للفر وخاصة الملابس لي لأطفالي ..ارجوا ممن لدية اي معلومة من الطلبة المتواجدين هناك اخباري بكل مايلزم
شكرا



ارجوا من الاخت زمردة افادتنا عن التأشيرة للاطفال دون سن الرابعة هل طلبو منكى جوازات خاصة بالاطفال ام انهم قبلو باضافتهم فى جواز الوالدين
مع تمنياتنا لكم بالتوفيق

أخي  i.thesecret
السلام عليكم اولا وبارك الله فيك على هذه الملاحظة..فقط للعلم انا لا اعلم الغيب ولا انت كذلك ولا انا لا املك قرار ان الاخت تتحجب او لا ولا انت كذلك..كل ما نستطيع فعله هو النصيحة ان كنا قادرين عليها او الدعاء لهن...انا ارسلت ملاحظة تخص المحجبات لان بناتي وزوجتي محجبات وعانينا من مشكلة عدم توفر البسة الحجاب..اما عن الاخت فان كانت محجبة فبارك الله فيها ولها فقد وصيناها. وان لم تكن فذلك خيارها وخيار ولي امرها ندعو الله ان يصلح احوال اخواتنا الغير محجبات فيتحجبن.." كل نفس بما كسبت رهينة" صدق الله العظيم..

بصراحة أنا اخالفك الرأي فتوصيتك كانت كأنك تبرر عدم التحجب وتوهم من كان ف قلبها مرض بأن الناس تتقبل فكرة عدم الحجات،كان المفروض تقول وتجيبي معاك شاربات وخلاص بدون كانك محجبة،وشكرا جزيلا ع ردك

موضوع رائع صراحة وفكرة متميزة
بس ممكن سؤال هل شائع لبس الخمار في كندا

بالنسبة للخمار أنا قعد ف ليبيا بس سألت قالوا عادي وماعندهمش اي قانون يمنعه يعني حتى لو قالولك نحيه تقول لا ومعاك القانون باستثناء المطارات والحاجات هدي يلي تستدعي يشوفوا الوجه،والله أعلم

السلام عليكم
من تجربتى الشخصية رغم أنى مليش مدة فى كندا
الخمار عادى جدا ومتحسيش انك غريبة لا احيانا وفى كندا ميعلق عليك اى حد لا اذا اختلطتى بمسحين عرب وخاصة أقباط مصر وفى المطار عادى بس لما اتجى فى المطار ايقولك لو سمحتى ممكن نتاكد من الوجه ويقارنا بصوره اما بنسبة للبس الحجاب الأوشحة متوفرة وأحلى لأكن الجبب نادرة جداً وتلقاها غاليه جداً جداً فى أماكن محدودة جداً فى تورنتو ننصحك اتجيبى جبب خفاف صيفيات وربيعيات الجبب الشتوية لا أنصحك بيهم لان كل الأماكن مكيفة وحتى العبايات السود عمليات جداً أنى شخصيا جبت معايا وبقيه اللبس متوفر احيانا نفس سعر ليبيا وأحيانا أغلى
إن شـاء الله أنكون أفدتكم

السلام عليكم..لما تكلمت على ملابس التحجب وخصوصا الاوشحة والجبب..ما قصدتش تورونتو او مونتريال او اوتوا..المدن الصغيرة والبعيدة ما تتوفرش فيها هدي الاشياء..انا في مدينة صغيرة تبعد على تورونتو 300 كيلو وعلى مونتريال تقريبا كذلك يعني باش نشري وشاح او اي شيء خاص باللبس الاسلامي او العربي نحتاج لسفرة..لذلك عممت لان كل واحد ووجهته تختلف من مدينة لمدينة.. يعني الواحد يجيب معاه شوي يمشي بيه ما يخسر شي..بالنسبة للخمار حاليا عادي زي ما قالولك بس نتوقعو تطورات تحصل في ولاية كويباك ,,ان شاء الله ربي يجعل كيدهم في نحرهم وما اتمش على الموافقة على قانون منع الحجاب او الخمار..باقي الولايات التانية قالو عادي وهدي حقوق ومش رح يمنعوه باذن الله.

خذي ما تحتاجيه من دواء + للبرد + مضادات حيوية

كم المبلغ المالي اللي لازم نرفع معاي؟

أخي محمد علي..المبلغ اللي تحتاجه يعتمد على عدة اشياء..اولا وهو الاهم هل تفويضك وصل للمكتب الكندي وهل تأكدت ان اسمك موجود في القائمة؟ ثانيا..كم عدد افراد الاسرة.ثالثا اي مدينة لان فارق الاسعار كبير بين المدن وخصوصا الصغيرة والكبيرة وبالاخص السكن سواء اقامتك المبدئية في الهوتيل او استقرارك بعدين..اغلاهم ادمنتون البيرتا وتليها تورونتو باونتاريو ثم كالغري البيرتا ثم فانكوفر بريتش كولومبيا..بعدي الاخريات قراب من بعضهم زي اوتوا او مونتريال او اي مدينة صغيرة اخرى ارخص من اللي فاتو بس قريبة منها..عموما وفي كل الاحوال يسمحلك بمبلغ 10000 دولار كندي او ما يعادله لكل بالغ اكثر من 18 سنة ولو زاد المبلغ على هكي لازم تبلغ عليه في القسيمة اللي بيعطوهالك في الطيارة للتبليغ عن مقتنياتك. توصل بالسلامة وربي يوفقك

صل ع النبي ياراجل! بجد 10 الاف؟؟؟ تي أنا كان عندي 10 الاف مانبيش ايفاد ^_^

أعزب والمعهد في تورونتو والسكن مع عائلة بحدود 200دولار اسبوعيا.....ف رأيك انا كم نحتاج

i.thesecret كتب:

صل ع النبي ياراجل! بجد 10 الاف؟؟؟ تي أنا كان عندي 10 الاف مانبيش ايفاد ^_^

اولا اللهم صلي وسلم وبارك على سيدنا محمد.
ثانيا:
الباين يا أخي فهمتني غلط..انا نقصد ب 10000 يعني المبلغ المسموح بيه العبور مش اكثر..والا لازم تبلغ لو القيمة اكثر في الجمارك...يعني لو انت اعزب ما تجيبش اكثر من 10000 ولو متزوج ما تجيبش اكثر من 20000 ولو متزوج وابنك او بنتك عمره اكثر من 18 سنة ما تجيبش اكثر من 30000 ان شاء الله فهمت قصدي ولما تعبي الورقة متع الجمرك عبي كل قسم القيمة على البالغين مش تحط 20000  في قسيمة الزوج او الزوجة لان كل يد تمسح على وجهها مش حيحسبوهملك 10000 لكل واحد يعني.... ويا ريت تعيد قراءة اللي كتبته بتروي وتفهم قصدي.

عدل سابقا من قبل E. Ahmed في الأربعاء 25 ديسمبر 2013, 9:25 am عدل 2 مرات

mohamad.ali كتب:

أعزب والمعهد في تورونتو والسكن مع عائلة بحدود 200دولار اسبوعيا.....ف رأيك انا كم نحتاج

تورونتو غالية شوي والعرض هلبة..حتلقى روحك بدل ما تطبخ في الحوش حتشري من المطاعم برا...عموما تبي شهريا من 400 الى 500 دولار ما بين انترنت وماكلة وتليفون وتنقل.هدا غير القيمة اللي ممكن تصرفها باش تشري ملابس هنا. ربي يساعدك وتنزلك المنحة بسرعة.

بارك الله فيك اخي E.Ahmed في ميزان حسناتك إن شاء الله...سؤال اخير ..كم المدة اللي تحتاجها باش تنزل المنحة من تاريخ والوصول لكندا؟

بارك الله فيك يا أخي E.AHMED انا فهمت كلامك بس يعني مدام انت جبت سيرة 10 الاف معناها ياجماعة شوفوا ارواحكم المفروض الواحد لما ايجي ايجبيب معاها أقل شي نص المبلغ وهذا علاش انا انصدمت

أخي mohamed. Ali
المدة تتوقف على سرعة تسليمك للاوراق للمكتب الكندي ووصول تفويضك واسمك مدرج بالقائمة عندهم...الاوراق المطلوبة من المكتب الكندي.
صور جوا السفر عربي وانجليزي
صورة للتأشيرة
صورة من ختم الدخول
صورة من تصريح الدراسة حيعطهولك دائرة الهجرة في المطار
نموذج فتح الحساب المصرفي ..تلقاه في النماذج في موقع المكتب
صورة من رسالة بدء الدلراسة او بطاقة الطالب تثبت انك بديت او بتبدا في الفصل الدراسي
نموذج عنوان السكن في كندا
نموذج المعلومات الشخصية
نموذج اخر ما نعرفش ان كان موجود مازال والا لا هو نموذج منح الاذن بصرف القرض شهرين مقدما وخصمهم على مدى 20 شهر بس للعلم انهم لغو منح القرض من فترة
صورة من شك مكتوب عليه ملغي..
طبعا حتبدأ بالشكن واالي عندك جاهز تقريبا..وبعدين تفتح حساب مصرفي..لو تقدر ادير تليفون رقم الهاتف كويس يخدمك.وبعدين تجهز باقي الاوراق..يمكنك فتح ملف من توا خاص بيك وتجيبة على فلاش..لان التأشيرة وصور جواز السفر عندك من توا.
بعد ما تسلم كافة الاوراق حيبعثولك ايميل بانهم استلمو ملفك كامل ويعطوك رقم دائم بدل المؤقت اللي عندك ويعلموك بان تأمينك الطبي حيتفعل من تاريخ وصولك ويحال ملفك من جومانة رجب الى شانا اللي حتبدأ مشرفك الاكاديمي الدائم طالما انت في ولاية اونتاريو.
بعدين بعد يومين او ثلاثة تلقى المرتب في حسابك باذن الله ومعاه 1000 دولار بدل كمبيوتر.
 نسأل الله اني ما نسيت شي..وربي يوفقك

بارك الله فيك اخي كفيت ووفيت... إن شاء الله في ميزان حسناتك

لكن حسب تقديرك كم تحتاج؟

تحتاج من 3 ايام الى 10 اسام على سرعتك في تقديم المستنداكاملة..موعد وصولك ولو جيت في اول الاسبوع او اخره او صلت في اخر اسبوع من الشهر..يعني لو وصلت وبعثت الاوراق الخميس او الجمعة وراهم سبت واحد عطلة حيأثرو عليك...ولووصلت في اخر اسبوع حيقولولك حنصرفولك مع بداية الشهر الجديد حرام ينحسب عليك الشهر وانت ما تستفيدش منه.. اهم شي تعرف الخطوات تعرف شن ادير وتسلم الاوراق قالملة وبسرعة واهم منهم اسمك موجود في التفويض ومعاك صورة من برقية الخزانة زبرقية البعثات.. ربي يوفقك