يا ساره اني عندي تجربه فاشله مع الاونلاين ..ومش معني هذا ان التقديم اونلاين ماينفعش .. بالعكس فى ناس قدمت اونلاين وفي زمن قياسي خدوا التاشيره ..وتوا بنحاول انلخصك بعض النقاط اللي تحضرني
- اولا في الانلاين والتقديم باليد الموضوع منوط الي حد كبير بشوية زهر وحظ بمعني مافيش معيار ثابت عند الكنديين ميه في الميه للرفظ لانهم لمجرد حاجات بسيطه او حتي من غير سبب يرفضوا والجميع يعلم هذا .
- لازم اذا بتقدمي اونلاين تكوني دقيقه جدا جدا لان ابسط غموض مش غلطه منك حيرفضوك ومن غير ما يكونلك اي فرصه للتبرير ..
بعكس التقديم باليد وخاصة لما يكون عـدد افراد الاسره اكثر من اثنين فى ناس دفوا الاف ورفضوهم علي غلطه بسيطه .. لكن باليد حتناقشك الوظفه قبل دفع الفلوس وتقوللك كملي وراقيك وتعالي .
- بعدين ياساره معاش هضاك الفرق الكبير في الزمن بمعني اسبوع والا اثنين ما تفرقش هلبه .
- بعدين انت ملزمه بالذهاب الي مكتب حي الاندلس بعد التقديم باش اديري البصمه وهادي ماكانتش قبل .
-بخصوص الرسوم التقديم اولاين اقل بمعدل 100 دينار او اكثر شويه للشخص الواحد وانت عينك ميزان .
- وتوا بنقولك علاش رفضوني في الاونلاين .. في سؤال يسالوا يتعلق بالقيمه اللي بيصرفها عليك الداعم فاني حسبتها شهريا قلتلهم 2700 دولار تقريبا .. وبعدين جي في اسباب الرفض ان المبلغ هذا ما يكفيكش في كندا باش تعيش بيه سنه ..ولما سالت قالولي لازم تكتب القيمه الشهريه مضروبه في سنه تطلع حوالي 30000 دولار لانهم هما يحسبوا فيها بالمده كاملة .. والنقطه الاخيره هادي ركزي عليها وراك تنسيها قدمتي اونلاين او باليد
وربي يسههلك امورك وامور جميع المسلمين .
-ال
