تفويض رقم 32 - 2013 ورقم 1 - 2014 ؟؟؟!!!

على حد علمي الاسبوع هذا يمشي للوزاره ^_^ بالتوفيق

السلام عليكم


التفويض 32 اريد ان اعرف من يشمل اقصد تاريخ بداية تسليم اوراق التفويض وآخر يوم 


فقد سلمت اوراقي يوم الخميس  19/12/2013 فهل يشملني وشكراً

السلام عليكم حتى انا قالولي البعثات ان انا في تفويض 32 لو سمحتوا لو في معلومة يقولولي

في حد يجواب ع سؤالي

لايزال فى البعتات ان شاء الله بالتوفيق جميعا

يا خوي ناجي أمتى يتوقع ان شاء الله

ممكن حد يجوابني

أرجو المساعدة

يا عبد المهيمن حتي اني في تفويض 32 وقبل نصف ساعه اتصلت بواحد في البعثات قاللي ما زال ما بعتوشي ... هذا كلام مؤكد يا مهيمن .

شن صار في التفويض 32

عالخبر اليوم تحول  رقم 32 للوزارة

خبر اكيد ...تفويض 32 تم تحويله للوزاره .

كيف نعرف اسمي موجود في التفويض ولا  لا؟؟؟

عندك خيارين يا محمد .. الاول تتصل بمندوب جامعتكم اذا كان ناشط وعلاقاته مليحه ومتواصل مع البعتاث اول باول حتكون القائمه عنده ... والثاني اذا كنت قريب من طرابلس تمشي للبعتاث لقسم التفويضات انت او اي حد يبي يخدمك حتلقاها عندهم ...
لكن خلينا انديروا حسبه بسيطه .. انت امت وصل ملفك للبعتاث .. اني قدمت قبل اسبوعين بالزبط واسمي توا في تفويض 32 .

اخى على الديب لو سمحت استفسار ... انى قدمت ملفى للمندوب يوم 19 ... وهو بعته للبعتات يوم 22 ... فهل سيكون اسمى فى تفويض 32 او لا

يا رائف اني ملفي وصل قبلك باسبوع بالزبط .. لكن بالنسبه ليك انت فيه حاجه مطمئنه وهي ان التفويض 32 اخر تفويض لهذه السنه معني هذا حسب توقعي مش حيخللوا اي ملف عندهم لانها نهاية السنه الماليه وخاصة ان ملفك وصلهم قبل يبعثوا القوائم ب 5 ايام ممكن .. وفي الاخير خليها علي ربك ولو حصلت كيف انشوف القوائم حنبعتلك مسج تبعتلي اسمك .

بارك الله فيك اخى على الدين الديب .. طمنتنى وان شاء الله نكون محظوظ ويطلع اسمى من ضمنهم ...

أخي علي الدين لو حصلت القوائم خبرنا باش تتأكد من إسمي شكراااا جزيلا 

اكيد يا حره ما نقصروش لو حصلناهم.

ممكن لو حد يفيدنا بالمعلومة .............ملف التفويض في الوزارة من يومين  في الحالة هذي انا ان شاء الله حنكون تابع السنة الجديدة؟؟؟؟؟

على الدين الديب كتب:

اكيد يا حره ما نقصروش لو حصلناهم.

بارك الله فيك

موفقين اخوتى جميعا

ا

السلام عليكم بالنسبه لتفويض 32 موجود حالياً بوزارة التعليم ويحتاج من 10 ايام اسبوعين ليصل الى الخزانه



منقوووووول من أستاذ عيسى أحد العاملين في البعثات