ثم رفض منحي التأشيرة

بسم الله بعد معانة ومصاريف وتعب ثم رفضي للحصول علي التأشيرة في السفارة الأمريكية في الأردن والسبب الي مكتوب في الورقة أنه ماعنديش أتباث أني بنرجع بالرغم أني جبتله ورقة من الدراسات للأجازة وأني معيد ورسالة دعم التأشيرة وشهادة عقارية لشقتي و هظا كله رفضني أنا حسب تجربتي نص الأوراق تقريبا الي جريت عليهن طول المدة أغلبهن ماطلبهن مني يمكن سبب الرفض الحقيقي لأني أمعيا زوجتي وأبني و يحسابنا بنهاجروا أو لأني ليبي للأسف سأغير علي الساحة الماليزية التي طالما تهربت منها فقط لأن تأشيرتها مظمونة

بلال كتب:

بسم الله بعد معانة ومصاريف وتعب ثم رفضي للحصول علي التأشيرة في السفارة الأمريكية في الأردن والسبب الي مكتوب في الورقة أنه ماعنديش أتباث أني بنرجع بالرغم أني جبتله ورقة من الدراسات للأجازة وأني معيد ورسالة دعم التأشيرة وشهادة عقارية لشقتي و هظا كله رفضني أنا حسب تجربتي نص الأوراق تقريبا الي جريت عليهن طول المدة أغلبهن ماطلبهن مني يمكن سبب الرفض الحقيقي لأني أمعيا زوجتي وأبني و يحسابنا بنهاجروا أو لأني ليبي للأسف سأغير علي الساحة الماليزية التي طالما تهربت منها فقط لأن تأشيرتها مظمونة

اخي اتوقع هنا مربط الفرس
لم تدكر انك سوف تعود الى ليبيا حيث ان رسالتك من الجامعة فيها انك في اجازة ومعيد ولم تتم الاشارة الى التعهد بالعودة بعد انتها فترة الدراسة
وهدا كما قلت انت

توا معش تقدر تقم من جديد ؟

الى اخ شريف الدم 
ارجو توضيح كيف يكون رفض فى  تعبيئة ابليكشن  مع ان ابلكشن واضح جدا

بسم الله اعتقد ان السبب ليس تعبئة الابلكيشن لان الابلكيشن عبارة عن اسئلة واضحة ومش معقدة لكن التعهد ممكن لكن احني المعيدين مادرولناش تعاهد فى الدراسات والاخ الى يسئل على التقديم مرة تانية نعم يمكن ان اقدم لكن المصاريف كثيرة جدا خصوصا الاردن غالية شوي وعيلة وانا حاليا فى ليبيا روحت لكن لو فتحو تقديم التاشيرة من ليبيا ممكن انحاول مرة تانية لكن من دولة تانية لا اعتقد

السلام عليكم ... ان شاء الله ربي يعوضك خير .. ممكن سؤال هل تم رفضك اثناء المقابله و لا ردو عليك بعد مده ؟؟ لان انا قالو لي لديك اجراءات اداريه وسوف نرد عليك بعدين مع العلم ان زوجتي وافقولها عالتاشيرة .. ومحد رد عليا الي الان .... وبارك الله فيك

بسم الله 
لا اخي ثم رفضي اثناء المقابلة

يا بلال عليك بالساحه الكنديه اذا معدلك فوق 75 وعندك بك مش معهد عالي .. ساحه جميله وفيها الكثير من الميزات والتقديم في ليبياة... صح اتعطل شويه لكن لو كنت دقيق في تعبئة الابليكيش وجبتلهم كل المطلوب انشالله مش حيردوك .. علي فكره اني خديت الكنديه بعد ما رفضوني في المره الاولي لانهم قالولي انت لم تثبت لنا انك تبي تروح فقدمت عالانجليزيه حتي هما رفضوني عاودت للكنديه قبلوني .. هذا اللي صار معاك قلت مرات يغيرلك خط سيرك والماليزيه والا السيرلنكيه ولا شن اسمها فكك منها .. هيا فرصه في العمر ودوله خاسره افلوس الواحد يستغلها كويس .. وربي يعاونك .

يا بلال عليك بالساحه الكنديه اذا معدلك فوق 75 وعندك بك مش معهد عالي .. ساحه جميله وفيها الكثير من الميزات والتقديم في ليبياة... صح اتعطل شويه لكن لو كنت دقيق في تعبئة الابليكيش وجبتلهم كل المطلوب انشالله مش حيردوك .. علي فكره اني خديت الكنديه بعد ما رفضوني في المره الاولي لانهم قالولي انت لم تثبت لنا انك تبي تروح فقدمت عالانجليزيه حتي هما رفضوني عاودت للكنديه قبلوني .. هذا اللي صار معاك قلت مرات يغيرلك خط سيرك والماليزيه والا السيرلنكيه ولا شن اسمها فكك منها .. هيا فرصه في العمر ودوله خاسره افلوس الواحد يستغلها كويس .. وربي يعاونك .