بالله عليكم نبى رد على كسره الخاطر

السلام عليكم"
انا من طلاب اللى نزل اسمائهم فى قرار 613 وتعينت معيد بجامعه قاريونس
وللاسف حدث معى اشكاليه لا كنت ان اتوقعها وهى توقيف اجراءات السفر؟ اكيد يدور فى بالكم لماذا؟ وماسبب؟ وكيف وعليش توا نجاوبكم؟
الفترة الماضيه كنت فى طرابلس بشان التفويض المالى وللاسف لم يحدث لان بريطانيا مقفله وكان هذا الامر قبل شهر رمضان فالفتره اللى كنت فيها فى طرابلس الجامعه قاريونس كان عندها امتحانات وانا غبت على حضور اشراف فقام القسم بكتابه تقرير للغياب معى انى ربى شاهد كنت فى طرابلس مشان الدعم وللاسف هناك ناس يطرقون للحرمان من هذا الحلم فلماذا ؟؟
فذهب لجامعه وعملت مباشرة وللاسف القسم لم يوقع تجديد العقد مع الجامعه
اريد ان اسال هل عدم توقيع العقد مع الجامعه؟؟؟ يضر السفر او يوقف نهائيا
ساااااااااااااااااااااااااااااااعدونى يساعدكم الله

لا ان شاء الله مش حيلغى القرار بس لو واصل مرحلة التفويض المالى تقدر اتدير اخلاء طرف وهكى مش حتحتاج تجديد مباشرة

السلام عليكم

كما ذكر الاخ THE GOOD واضيف ان القرار لا يلغيه الا قرار وجامعة قاريونس او اي جامعة اخرى غير مخولة لالغاء قرار صادر من اللجنة الشعبية العامة للتعليم العالي وعليه عليك المطالبة بالقرار الذي تم فيه ذكر اسمك ومنعك من استكمال اوراقك ان وجد اصلا لانه القرار لا يلغى الا بقرار من جهة صدور القرار او جهة اعلى منها
كما يحق لك تاجيل تنفيذ القرار لمدة سنة من تاريخ صدوره والله اعلم
والتاخير او الغياب لا يلغي قرار .....وعليك استكمال اجراءات التفرغ للدراسة من الجامعة لكي لا يكون هناك اي عائق ولا مطالبة بالحضور

وربي ايوفقك ان شاء الله

شكرا لكم جمعيا على وقوفكم جنبى....اريد ان ابلغكم بان ضرورى من تجديد العقد عن نبدا فى اجراءات خصم المرتب ولا كلامى غلط؟؟
ياريت تفهمونى نا فى دوامه من امس وربك يستر ؟؟؟
لان بالنسبة للاوراق السفر واتيات وحتى اسمى نازل فى التفويض
يارب عليك العوض

أنا حصل معاي تقريباً نفس الشئ، غبت حوالى الشهر وهمش رئيس الدراسات العليا بالجامعة على رسالة غيابي بإيقاف استكمال إجراءات تنفيذ قرار الايفاد ، بس بمجرد ما أحضرت ما يفيد مباشرتي للعمل من القسم مشت الامور على ما يرام.

أعتقد يا أختي أنك لازم اتسوى وضعك مع قسمك أولا ويعطوك ما يفيد بمباشرتك للعمل بيش اتسوى وضعك مع الجامعة. وانا انصحك بإخلاء طرفك من الجامعة واستريحي من قصة الحضور والغياب.
وزي ما ذكرو الزملاء ما دام انك وصلتي للتفويض فما عاد فيه إشكال بعون الله. مسألة وقت وتمشي الامور إن شاء الله وما اتكدريش روحك (سحابة صيف .. هذا جو الليبيين لازم منه).

ربي ايسهلك إن شاء الله ، وللجميع .

السلام عليكم
أختي الكريمة مادام وصلت للتفويض معناها عند إخلاء طرف وهدا يعني إن ليس لك علاقة لابإشراف ولا عمل داخل الكليه بموجب قانون إخلاء الطرف ولست بحاجة إلى تجديد عقد لأنك لست بحاجة إلى الإلتزام بالعمل معاهم بلأن عندك إخلاء الطرف فهدا إجراء باطل قانونا ولن تحتاجيه وأسعي لسفرك ولا تعيريهم أي إهتمام فهم من الناس يلي يشجعوا في طلبة العلم بالمقلوب

شكرا لكم جمعيا ....

ان شاء الله بالتوفيق اختي التفاح الاخضر حتى انا صارت مع بعض العوائق لكن فرجت بحمد الله سبحانه وتعالى وذهبت للدراسة خليها على الله سبحانه وتعالى.
واعلمي انه لن يصيبك الا ما كتب الله لك وانه لو اجتمع الانس و الجن على ان ينفعوك بشيء ما نفعوك الا بشيء قد كتبه الله لك ولو اجتمعت الانس و الجن على ان يضروك بشي ما ضروك الا بشيء قد كتبه الله عليك.

شكرا لكم جمعيااااااا
لان فعلا موقف لا احسد عليها ولكن الحمدالله لقيت فى اوراقى تبثت بان غيابى ليس صدفه او لا اريد ان اعمل بل لاننى اجرى على اوراق السفر ادعيلووو بان يتم قبول التبرير