الاخت hanan_canada ارجو الرد بالخصوص او اي حد في اتوا

السلام عليكم
اختي حنان / اخواني الطلبة الدرسين في اتوا ارجو منكم المساعدة اختي ستصل لاتوا نهاية الشهر هدا وهي عندها قبول لغة من cultureworks ولكن دوام هدا المعهد من الساعة 8:30 - 4:00 في بعض الايام وهي عندها بيبي عمرة سنة و حامل و هي ترغب في التغيير هدا المعهد لمعهد اخر يكون فيه الدوام في الفترة المسائية فاذا كان تعرفي معهد بدوام مسائي في اتوا ارجو الرد ولكم منا خالص الشكر و الاحترام. ....السلام عليكم

متهيالي في جميع الاحوال تحتاج لبيبي سيتر.. اكيد فيه في اتوا.

اخي E.Ahmed  شكرا على الرد بيبي سيتر متوفرة بسعار في المتناول الطلبة في اتوا و ادا كان اخي احمد تعرف معهد  جيد بدوام مسائي ان تفيدنا .. الف شكر

الحق ما نعرفش اختي هل فيه اللي تحكي عليه ام لا..بس اللي نعرفه ان حنا الطلبة مفروض نقرو في معاهد فل تايم full time لذلك معاهد عشية بس ما اعتقدش حيغطيلك المكتب ومش حترضالك دائرة الهجرة.. والله اعلم زيدي تأكدي من الموضوع هدا او اي حد مر بتجربتك ممكن يفيدنا

شكرررررا اختي حنان على الرد بارك الله فيك

هي بحبحي يا اخت حنان..ما نبو غير رحمة الولدين..لكن المشرف مشرف الله غالب عالناس المطيحة..هههههههه...شكله حتى طاهر بن طاهر ما عليشي لوم.....نبصر اخواتي فقط من باب المزاح

ونبي نقول للاخت انه مش عيب لو زوج اختها يشد صغاره كل الليبيين اللي هنا يتعاونو مع زوجاتهم ويشدو في الصغار اللي هما صغارهم وواجب عليهم اصلا..الا اذا كان موفد حتى هو وفي هذه الحالة ولاية اونتاريو تقدم في خدمة لما يكون الزوجين يقرو او واحد منهم يقرا والثاني يخدم..يعني توفر في تخفيظات.

E. Ahmed كتب:

هي بحبحي يا اخت حنان..ما نبو غير رحمة الولدين..لكن المشرف مشرف الله غالب عالناس المطيحة..هههههههه...شكله حتى طاهر بن طاهر ما عليشي لوم.....نبصر اخواتي فقط من باب المزاح

.

هههههههههههه انتم الخير و البركة خوي احمد و غايتي خدمة الناس الطيبة و دعوة حلوة و ربي يتقبل منا جميعا ان شاء الله

بارك الله فيك اختي حنان وباركلك في صغارك ويعطيك على قيس نيتك..وشكرا على رحابة صدرك..ربي يقدرنا على فعل الخير ونتمنو على الله حسن الجزاء. وكما قال رسول الله صلى الله عليه وسلم.."ان الله في عون العبد مادام العبد في عون اخيه"..وفي حديث قدسي قال تعالى "اني عند حسن ظن عبدي بي"..اللهم انا نسألك الاجر والثواب