امة الله كتب: the heaven كتب: الله يبارك فيك يا خوي THE GOOD يعني ما فيش داعي للكارد وتقصد انه حد من اهلي هو اللي يبعث لي عن طريق الوسترن يونيون او انا نسحب من حسابي و انا غادي و الرقم اللي نقدر نرفعه امعاي عشرة الاف دولار او الف دولار
[[i]
اختي THE HEAVEN
السلام عليكم
لوسمحت سؤال كيف مافيش داعي للفيزا كارد امالا كيف بتحصلي او حصلتي القبول؟ تحياتي
اخي THE GOOD
بارك الله فيك والله اللسان عاجز عن الشكر، وراك تنسى بعد ماتوصل غادي ، عندنا اسئلة ياما. تحياتي[/[/i
]
وعليكم السلام ورحمة الله وبركاته
بالنسبة انك بتدفعي رسوم القبول مش شرط يكون عندك فيزا كارد ,, تقدري تمشي لاحد مكاتب القبولات وتعطيهم قيمة رسوم القبول وهما يقومو بالتحويل للمعهد وياخذو في رسوم على التحويل . او التحويل بواسطة الوسترن يونيون تسألي المعهد لو يقبل التحويل بواسطة هده الشركة ولو يقبل قوليلهم يعطوك اسم المستلم وعنوانه وتمشي لاحد الفروع بتاع الوسترن يونيون وهي اصبحت الان منتشرة في كل مكان في طرابس من المطار الي الفنادق وحتى في الاسواق زي سوق الثلاث والمهاري وحتي في الشوارع في سيارات عليها شعار الشركة تقوم بالتحويل ,, والتحويل عندهم جداً بسيط يعطوك نمودج تكتبي فيه اسم المرسل واسم المستقبل وعناوينهم الزوز ,, والخدمة ان شاء الله مضمونة لان حتى لو ماوصلنش الفلوس للوجهة المقصودة مثلا بسبب غلطة في العنوان او الاسم .,تقدري تعدلي الغلط او تسترجعي فلوسك مادام عنك الايصال ..
والخدمة هذي هلبة طلبة ليبين في امريكا يقرو على حسابهم معتمدين عليها , حيث الاهل يقومو بتحويل المال كل فترة لابنائهم فوراً
والنسبة اللي يأخذو فيها على كل تحويل تقريبا لو كانت القيمة الي 1000 دينار او اقل ياخدو 20 دينار
ان شاء الله ربي يوصلنا سالمين اجمعين
وانا تحت خدمتكم توة وبعدين
بارك الله فيكم
_______________________________
Everybody needs some people to stand with him
All people need help from each other
