الكشف الطبي للي قدم في تونس

السلام عليكم
ناويين نقدمو على الفيزا من تونس ان شاء الله لذلك بالله عليكم نبي نسأل هل ضروري ناخد موعد ام لا والسؤال التاني بعد التقديم هل ضروري ندير الكشف الطبي في تونس ؟ ولو درته في ليبيا كيف نوصله للسفارة .... وربي يفتح على الجميع ويجازي كل من يساعدني بالخير ويوقفله ولاد الحلال وين يمشي

وعليكم السلام

بالنسبة للكشف الطبي هما يبعثولك الموقع الى فيه الدكاترة المعتمدين في جميع انحاء العالم وانتي تختار وما يهمش ان كان درتيه في ليبيا او تونس لان الدكاترة المعتمدين هما الى بيبعثوه للسفارة موش انتي. وبالتوفيق ان شاء الله

السلام عليكم
اقري مساهمتي عن طلب الفيزا لكندا اون لاين اذا اخترت الايفاد لكندا؟
ولو كندا  قدمي اون لاين افضل بالنسبة للكشف الطبي ديريه ف تونس عند الدكتورة ليلى مخلوفه تلقي عنوانها ف موقع الجوازات الكندية CIC ولا تغادري تونس قبل التأكد من انها بعثت الكشف الطبي والتحاليل وتقني الاشعة بعث صور الاشعة!
واسأل الله ان يوفقنا جميعا

جزاكم الله عني كل خير بس يا اخي مبروك الكشف الطبي في تونس اكيد بيكون اغلى ويتطلب مني العودة الى تونس مرة تانية اني وعويلتي وانت عارف ان الموضوع هدا حيكون فيه مصاريف زيادة فنبي نعرف هل اني مجبرة ام مخيرة اني نديره في تونس ...... وشكرا ليك يا اخ عبدو على الاجابة

والملاحظة التانية ان حني ماشيين على حسابنا الخاص فلما بنقدم نبي نحط صور من العقارات الي نملكوها وصور عقود ايجار وصور تأشيرات متحصلين عليها من قبل فهل فيه مجال اني نرفق الورق هدا كله في التقديم اون لاين .... ارجو الرد على سؤالي لاني لازم نقرر غدوا بالكتير

السلام عليكم ...نفس السؤال هل ضروري نحجز موعد لو بنقدم من تونس.؟الاخوة المجربين ياريت يفيدونا؟؟؟

أم طه وإلياس كتب:

والملاحظة التانية ان حني ماشيين على حسابنا الخاص فلما بنقدم نبي نحط صور من العقارات الي نملكوها وصور عقود ايجار وصور تأشيرات متحصلين عليها من قبل فهل فيه مجال اني نرفق الورق هدا كله في التقديم اون لاين .... ارجو الرد على سؤالي لاني لازم نقرر غدوا بالكتير

أختي الكريمة نصيحة لوجه الله لو إنك ماشية علي حسابك أبتعدي عن الاونلاين لانه مرتبط بأوراق معينة وحتى size متع الاوراق بسيط متقدريش تحملي كم هائل من الاوراق وحسب مفهمت منك ان عندكم عقود املاك وايجار وغيرها يعني عدد لابأس به من الاوراق أني ننصحك قدمي من تونس شخصيا وتقدري ترفقي جميع الاوراق الي تساعد في حصولك على التأشيرة أما بخصوص الكشف تقدري أديريه في ليبيا عادي هما عندهم system معين مشابه في جميع الدول يعني متفرقش زي ليبيا زي تونس مع ملاحظة لازم تخليهم يحسوا إنك ماشية بتقري وبترجعي لبلدك لو حسوا 1% إنك مش حترجعي حيرفضوك هذا للعلم أي ورقة تدعم موقفك أرفقيها معاك وإن شاء الله ربي يسهلك

السلام عليكم
اخي طارق اختي ام طه
انا رآيي غير رآي طارق بدل البهذلة والمشي والجي هناك تقنية يجب استخدامها العالم تتطور بها.
لاش تطلع من بيتك وانت بامكانك تقدم من بيتك اون لاين؟
لو هم طلبوا منك 100 مستند سوف يعطوك المجال لتحمل 100 مستند.
اما بالنسبة للكشف الطبي لضمان الوقت واضمان عند الله ديريه ف تونس.
والكشف يتم ف نص يوم 12 ظهر تنهي الكشف ولا تحتاجي للعودة لتونس مرة 2.
اما تكاليف الكشف فهي اقل من ليبيا بدون مصاريف السفر.
واستلام التأشيرة ف البرج بطرابلس خلال 3 ساعات تحط الجواز س 12 ظهرا تخذه اس 15 .
اي استفسار انا جاهز.
والله موفق الجميع.

أخي mabrokly أنت قدمت أونلاين؟

السلام عليكم
نعم

طارق الغنيمي كتب:

أم طه وإلياس كتب:

والملاحظة التانية ان حني ماشيين على حسابنا الخاص فلما بنقدم نبي نحط صور من العقارات الي نملكوها وصور عقود ايجار وصور تأشيرات متحصلين عليها من قبل فهل فيه مجال اني نرفق الورق هدا كله في التقديم اون لاين .... ارجو الرد على سؤالي لاني لازم نقرر غدوا بالكتير

أختي الكريمة نصيحة لوجه الله لو إنك ماشية علي حسابك أبتعدي عن الاونلاين لانه مرتبط بأوراق معينة وحتى size متع الاوراق بسيط متقدريش تحملي كم هائل من الاوراق وحسب مفهمت منك ان عندكم عقود املاك وايجار وغيرها يعني عدد لابأس به من الاوراق أني ننصحك قدمي من تونس شخصيا وتقدري ترفقي جميع الاوراق الي تساعد في حصولك على التأشيرة أما بخصوص الكشف تقدري أديريه في ليبيا عادي هما عندهم system معين مشابه في جميع الدول يعني متفرقش زي ليبيا زي تونس مع ملاحظة لازم تخليهم يحسوا إنك ماشية بتقري وبترجعي لبلدك لو حسوا 1% إنك مش حترجعي حيرفضوك هذا للعلم أي ورقة تدعم موقفك أرفقيها معاك وإن شاء الله ربي يسهلك

اخي طارق والله حني بنديرو الي علينا وما التوفيق الا من عند الله وإن شـاء الله ربي يوفقنا واياكم يا رب

mabrokly كتب:

السلام عليكم
اخي طارق اختي ام طه
انا رآيي غير رآي طارق بدل البهذلة والمشي والجي هناك تقنية يجب استخدامها العالم تتطور بها.
لاش تطلع من بيتك وانت بامكانك تقدم من بيتك اون لاين؟
لو هم طلبوا منك 100 مستند سوف يعطوك المجال لتحمل 100 مستند.
اما بالنسبة للكشف الطبي لضمان الوقت واضمان عند الله ديريه ف تونس.
والكشف يتم ف نص يوم 12 ظهر تنهي الكشف ولا تحتاجي للعودة لتونس مرة 2.
اما تكاليف الكشف فهي اقل من ليبيا بدون مصاريف السفر.
واستلام التأشيرة ف البرج بطرابلس خلال 3 ساعات تحط الجواز س 12 ظهرا تخذه اس 15 .
اي استفسار انا جاهز.
والله موفق الجميع.

اخي مبروك افهم عليا ارجوك ..... حسب علمي انك ماتقدرش ادير الكشف الطبي الا لما تراسلك السفارة يعني اني بندير المقابلة ونروح لليبيا ونستنى السفارة تراسلني وتطلب الكشوفات الطبية ولو بنديرهم في تونس لازم نرجع انسافر اني والعيلة كلها وهدا يعني مصاريف تانية ..... وبالنسبة للتقديم اون لاين بناء على تجربتك الخاصة هل نقدر نحمل عقود واوراق ملكية عقارات وصور تأشيرات تحصلت عليها سابقا يعني هلبا ورق مع العلم ان زوجي كان يجدد في اقامتنا في بريطانيا اون لاين وانجليزيته كويسة بس كترة الاوراق هي المانع الوحيد وشكرا ليك على رحابة صدرك في الرد على اسئلتي

mabrokly كتب:

السلام عليكم
اخي طارق اختي ام طه
انا رآيي غير رآي طارق بدل البهذلة والمشي والجي هناك تقنية يجب استخدامها العالم تتطور بها.
لاش تطلع من بيتك وانت بامكانك تقدم من بيتك اون لاين؟
لو هم طلبوا منك 100 مستند سوف يعطوك المجال لتحمل 100 مستند.
اما بالنسبة للكشف الطبي لضمان الوقت واضمان عند الله ديريه ف تونس.
والكشف يتم ف نص يوم 12 ظهر تنهي الكشف ولا تحتاجي للعودة لتونس مرة 2.
اما تكاليف الكشف فهي اقل من ليبيا بدون مصاريف السفر.
واستلام التأشيرة ف البرج بطرابلس خلال 3 ساعات تحط الجواز س 12 ظهرا تخذه اس 15 .
اي استفسار انا جاهز.
والله موفق الجميع.

وعليكم السلام
أخي mabrokly  هما مش طالبين 100 ورقة لكن الاوراق الي هي ذكرتهم بضيفهم في الاون لاين متقدرش لعدم سعة الملف هذا بحكم تجربة وأني متأكد فيه أوراق هما ميطلبوش فيهم في الاون لاين لكن لما هي ترفقهم مع المستندات لما بتقدم شخصياً ياخدوهم بعين الاعتبار ويساعدوا في الحصول على التأشيرة

السلام عليكم
اللي يبي يقدم اون لاين او حتى مستندات "ورق" يقدم المستندات المطلوبة منه فقط.
لاش تعطي ف اوراق زيادة غير مطلوبة؟
بقول شخص حتى ادعم موقفي: صح تدعم موقفك بس من قال ان موقفك ضعيف؟
احب ان انبه هنا عن شي وهو الحرص الزائد واحيانا ضار كيف :
"مثلا بعض الناس يطلبوا منه اوراق لملف وهم الاثبات الشخصي شهادة ميلاد صورة شخصية: ماذا يحصل يقدم ف ملفه الاثبات الشخصي جواز وبطاقة مع العلم ان احدهم يكفي يقدم شهادة ميلاد + حسن سيرة وسلوك+اقامة +صورتين. يقول مرات يبو صورتين وحتى شهادة الاقامة يبوها وحسن السيرة والسلوك تنفع. من 3  وثائق يقدم 7 لن يتفاجئ الموظف ".
قدم الاوراق المطلوبة بالتحديد وتكون مقنعة فقط اون لاين او ورق وانشالله ييسر لك الامور.

السلام عليكم
يا اختي ام طه افهمي عليا وحدة وحدة.
اعتقد المتسندات المطلوبة اون لاين 7 ولاتوجد مقابلة ولا مشي لتونس إلا للكشف الطبي.
المستندات اللي تحكي عليها العقارات وعقود وتأشيرات هذه كلها ما يطلبوا فيها.
بس لما تكتب انك متزوج يعطوك مكان تحمل فيه عقد الزواج.
لما تقول انك كذا يعطون مجال تحمل فيه الاثبات زيما حكينا على الزواج وهكذا.
لا تقلقوا من اون لاين بل هو مطمئن.
والله موفق الجميع

mabrokly كتب:

السلام عليكم
يا اختي ام طه افهمي عليا وحدة وحدة.
اعتقد المتسندات المطلوبة اون لاين 7 ولاتوجد مقابلة ولا مشي لتونس إلا للكشف الطبي.
المستندات اللي تحكي عليها العقارات وعقود وتأشيرات هذه كلها ما يطلبوا فيها.
بس لما تكتب انك متزوج يعطوك مكان تحمل فيه عقد الزواج.
لما تقول انك كذا يعطون مجال تحمل فيه الاثبات زيما حكينا على الزواج وهكذا.
لا تقلقوا من اون لاين بل هو مطمئن.
والله موفق الجميع

جزاك الله عنا كل خير وفي النهاية الي كاتبه رب هو الي بيصي وإن شـاء الله يتبنا الخير جميعا

السلام عليكم
شو صار ف الفيزا؟ قدمتوا اون لاين او مستندات؟
المهم لا تخلي الكرة ف ملعبك اليوم يساوي 10 .
اقصد الخطوة المطلوبة ديروها طول لا تعطلوا.
وابدؤا بمراسلة المكتب الكندي من توا ونصيحة للجميع ابدا بمراسلتهم مباشرة ما ان تتحصل على ورقة دعم القبول.
والله يوفق الجميع

mabrokly كتب:

السلام عليكم
شو صار ف الفيزا؟ قدمتوا اون لاين او مستندات؟
المهم لا تخلي الكرة ف ملعبك اليوم يساوي 10 .
اقصد الخطوة المطلوبة ديروها طول لا تعطلوا.
وابدؤا بمراسلة المكتب الكندي من توا ونصيحة للجميع ابدا بمراسلتهم مباشرة ما ان تتحصل على ورقة دعم القبول.
والله يوفق الجميع

لا والله ممكن بنمشو لتونس بس نبس نعرف كيف ناخد موعد في السفارة الكندية في تونس

السلام عليكم
عذرا لو شرحت بشكل صارم .
المهم ف الامر انه اون لاين اسهل بكثير ولا يحتاج مقابلة.
بامكانك ادير ف بيتك واديرالكشف عند دكتور ف طرابلس وما تطلع من ليبيا.
وانا قدمت اون لاين .
وصديقي كذلك واخذه ف 34 يوم من التقديم لاستلام الفيزا.
والله يوفق الجميع

mabrokly كتب:

السلام عليكم
عذرا لو شرحت بشكل صارم .
المهم ف الامر انه اون لاين اسهل بكثير ولا يحتاج مقابلة.
بامكانك ادير ف بيتك واديرالكشف عند دكتور ف طرابلس وما تطلع من ليبيا.
وانا قدمت اون لاين .
وصديقي كذلك واخذه ف 34 يوم من التقديم لاستلام الفيزا.
والله يوفق الجميع

اخي المحترم انت لم تشرح بشكل صارم بل بالعكس انت كنت متحمس ومتجاوب مع استفساراتي بارك الله فيك بس اني شرحتلك وضعنا يعني حني بنمشوا على حسابنا الخاص وزوجي مغير البسبور الى الازرق والبسبور القديم فيه مجموعة تأشيرات تدعم موقفنا وبالنسبة للاون لاين يحتاج لفيزا كارد وفيه الي قال نستخدمو الفيزا نت متاع مصرف الامان والموضوع محتاج قرار سريع لان الوقت يجري وشكرا لاهتمامك

السلام عليكم...اني راسلت المكتب في تونس بس بعدعد مراسلات رفضوا وقالولي خودي موعدمن ليبيا فأقرب موعد لدينا شهر مارس ......الحمد لله علي كل حال...........