الجوازالجديد

السلام عليكم
اخوتي هل من احد استعمل الجواز الجديد للتأشيرة؟ هل صحيح انه غير مقبول في الدول الاخرى؟ ابني مضاف عندي في الجواز وللتقديم للتأشيرة قيل لنا ان كل شخص جوازه بروحه بالنسبة للتأشيرة الكندية وتقدمنا للحصول له على جواز منفصل والان سمعنا انه غير معترف به مالعمل ؟؟؟؟؟؟؟؟؟؟؟؟

اختي مش ضروري اﻻطفال جواز بروحهم عادي اني بنتي ضايفتها معاي وخديت التأشيره ليا وليها عااااادي جدا واما بالنسبه للجوازات الجدد وعدم قبولها فمعنديش فكره وربي يعينك

أخي الفاضل التسجيل للحصول على جواز السفر الجديد بدا في بنغازي من الاسبوع اللي فات تحديدا ...اما بخصوص عدم الاعتراف به ماعنديش العلم الحق ولكن لا اعتقد ذلك ...الزحمة في زحمة شويه ولكن من الشعب الفوضوي مش من الجوازات ...المستندات المطلوبه  1- كتيب العائلة 2- الرقم الوطني 3- النموذج 4- الجواز القديم 5- 50 جنيه ونص 6- شهادة جنسية للناس اللي مش اصليين ^_^

الجواز الالكترونى الجديد مش معترف بيه بلعكس هو وثيقة عصرية تواكب التطور القصة فى انه وزارة الخارجية متعنا هى صاحبة التعميم على هدا المستند الجديد وليبيا دولة دات سياده يعنى مسالة وقت ويكون جميع دول العالم متعمم عندها الوثيقة هدى

حسب مفهمت من ناس سافروا إلى الاردن بالجواز الجديد وصارتلهم مشكلة في مطار الاردن إن الخارجية لم تعمم حتى الان على الجوازات الجدد
يعني الموضوع بسيط خلال أيام ستحل هذه المشكلة إن شاء الله

المشكلة ان الجواز الجديد يحتاج الرقم الوطني
ومنظومة الرقم الوطني واقفة حتى صرف المنحة
وانا خايف تجيني الموافقة على التاشيرة

فعلا اخي اصبح التعقيد كله في الرقم الوطني
ابني عمره سنة واربعة شهور ومانزلاش رقم وطني

السلام عليكم
كم يأخذ وقت استخراج الجواز الجديد؟
اذا كنت امقدم علي التأشيرة بالجواز القديم ، كيف ايصير في التأشيرة؟

القصة هو انه لم يتم اعتماد الجواز الجديد في السابق. اما اليوم فقد تم اعتماده في سفارات

سويسرا
مالطا
هولندا
ألمانيا

و قريبا في جميع السفارات إن شاءالله

اليوم كنت في السفارة الكندية وقالو أن الحكومة الكندية لم تعترف بالجواز الجديد الى غاية اليوم

عموما موظفة السفارة قالت انهم اكيد حيشتغلو على الموضوع هذا اى موضوع الجواز الجديد