التصديق على الايفادات من السفارة الكندية

السلام عليكم:

هل مطلوب تصديق الاوراق من السفارة الكندية بعد ختم الخارجية؟؟

السلام عليك يااختي غير مطلوب الختم في السفاره الكنديه وشكرا

مش لازم ختم السفارة و لا ختم الاخارجية عند التقديم لتاشيرة

هي الفكرة مش عند التقديم للسفارة وانما لما نمشي لكندا و التقديم للجامعات

أنا عندي ايفادات ويبن الختم من الخارجية نقدر نختمهن من السفارة ونفوته ختم الخارجية؟

i.thesecret كتب:

أنا عندي ايفادات ويبن الختم من الخارجية نقدر نختمهن من السفارة ونفوته ختم الخارجية؟

فوت الختم من الخارجية ومن السفارة اهم شي تختمها من المكتب الكندى ولا محرر عقود فى طندا الباقى مش مطلوب

نحن مشكلتنا تعودنا ع ليبيا،نخااافوا نوصلوا كندا يقولولنا وين ختم كذا وكذا، عموما جزاكم الله كل خير والله ماقصرتوا وبجد ريحتونا من تعب الخارجية وزحمتها

i.thesecret كتب:

نحن مشكلتنا تعودنا ع ليبيا،نخااافوا نوصلوا كندا يقولولنا وين ختم كذا وكذا، عموما جزاكم الله كل خير والله ماقصرتوا وبجد ريحتونا من تعب الخارجية وزحمتها

ايه والله يا خوي عندك الحق نخافو يطلع توقيعه فلان مهناش ولا ختم فلان مش ع الورقة 

بس سالت اكتر من شخص يقرا حاليا غادج ونفس الرد يقولو مش لازم ضياع ير وقت وشدان طابور من الخارجية ومصاريف زايدة .... في اللي حتي استنو مافتحوش ملف مع جمانة لانهم مش مصدقات من الخبرة ومن الخارجية وضيعو علي ارواحهم الوقت ...في الوقت انه الترجمة كافية ... والله اعلم...في اعتقادي لو مطالوبات المفروض انه السفارة غادي تقوم في مكانة الخارجية وتصدق الاوراق..