أخخيرررراً . . الحمدْلله التأشَيرة

اولاً نحبْ نشكركمْ كلكمْ بدونْ تخصيص بآرك الله فيكمْ وإنْ شآءالله في ميزآن حسنآتكم إستفدت من المُنتدى وآآجدْ والحمدْلله . . 
.
.
رحلتَي مع التأشَيــرة إبتدتْ فـي شهرْ 10 

قدمتْ أونْ لينْ 23-10 وجآني رفضْ يومْ 29-10 المٌهمْ اُحبطتْ بسْ ميأستشْ قدمتْ عآدي مرة ثآنية في حي الأندلسْ يومْ 5-12 وجآني الكشفْ 31-12 وصلْ لي لندنْ 8-1 واليومْ جآني المسجْ ألمُفرحْ . . ف حبيتْ أنشآركمْ فرحتي . . . وبآرك الله فيكمْ وعُقبآلكمْ كلكمْ . . 
.
عندْي بسْ سؤآلينْ لو تكرمتو . . ألآولْ تخصصْ إدآرة المطآرآت في أوتآوآ في حدْ يعرفْ في أي جآمعة . . لقيتْ في جآمعة كلرتونْ بسْ مُدة الكورسْ سنتينْ وانآ مُدة درآســتي 4 سنوآتْ وسنة لُغة . . وثآني شَيء إجرآءآت التفويضْ ألمــآلي . . أي الإجرآءآت مآ بعدْ التأشَيرةْ . . 
.
والله أكبرْ ولله الحمّـــدْ . .

مليون مبروك
بالله هل تحصلت علي دعم المالي  للتاشيره من المكتب الكندي

الف مبروك والعقبة لباقي الموفدين ان شاء الله

مبرةوك خوي معتز واخيرا ...والله زعلنا علي شانك يوم الرفض لانه كان بسرعة بس الحند لله كله لحكمة التاخير وتغيير التقديم ... المفروض تكون فاتح من قبل الملف صح؟؟ باش تكون عندك رسالة الدعم ابعتلها صورة من التاشبرة توة... وتخصص الادارة نسمع بيها الجامعة في موضوع تقريبا لخوي طارق فيه اكتر من موقع مرة كاتبه توة نحاول نشوفه وين لتخصص الطيران في اكتر من ستة جامعات ... اجراءات التفويض كمل الاوراق اللي يبوهم البعتات بتاع الكفالة واستمارة موفد وحطهم في ملف معلق وصور نسخة عليه المتطلبات تلقاهم عند الاولاد في الظزارة او خودهم من الحلجة فاطمة لو من طرابلس بس تقريبا انت من الشرق اسأل وائل الشرودي خود منه النتطلبات باش يبعتو ملفك للبعتات او انت تجيبه تقدم في الدور الاول في التفويض وتستني لين يطلع من اسبوعين فما فوق وبعدهاتقعد تستني بس كل مرة تطلعلك ورقة من البعتات من الخزانة واخرها يوصلو للتداكر وفيه موعد السفر وتسافر كتدا بإذن الرحمن... تواصل مع جمانة وخبرها انك تحصلتعلي التاشيرة وتاكد من الاوراق اللي تبيهم منك قبل ما تطلع من ليبيا...وموفق ....


اخي دحنوس رسالة الدعم معاش يبعتو فيها للطلبة يبعتها المكتب الكندي دايركت للسفارة الكندية في اببرج وتقولك امتي يبعتوهالهم باليوم والتاريخ....من بعد القرار اللي طلعوه الطلبة اللي مش شاملهم قرار النسبة او للمعاهد اصبحت العملية سهلة واجراءاتها اسهل لا تتعدي الاسبوعين حسب الطلبة اللي  ارسلولهم لتوة من بعد قرار البعتات.

الف مبروك يا خونا       

بالنسبة للتفويض كيف ما قالت الاخت تشوف ملفك وين موجود وتستلمه وتصور نسخ من التاشيرة وترفعهم للبعتات . 
وعقبال الشهادة ان شاء الله

اختي احلام الحق الاجراء هذا مازال ماعرفتاش لانه المفروض تكون عند الطالب او هما غيرو الروتين ومش شرط... نعرف انه المكتب الكندي يعطو فيها لغرض التاشيرة في ليبيا تكمل ياعني هكي ولا هكي ما يطلبوهاش منك باليد في كندا لانه هذي منهم لينا كيف بترجعلهم غادي ... يبعتوها طول ومش لازم ع الطلبة يشوفوها اللي تهم انه السفارة بعدين تراسلك وتقولك وصلت ويلعتو تصريح الدخول بتاع الطالب والله اعلم ..للحق كنت نبي نشوفها بعيوني رسالة دعم المكتب علي قد ماصايرة عليه قصة وتعب ...بس الحمد لله المهم توصلهم