هل التأشيرة الكندية لاتعطى للحامل

السلام عليكم 
أنى امس تحصلت على التأشيرة الكندية فى جوازى بعد مابعتولى ايميل انها واتية انى والمدام انى علقوهالى لاكن المدام قالولى لا لأنها حامل بعد الولادة عادى والله مش عارف هل هدا سبب مقنع أنه مايعلقوش التأشيرة الا بعد الولادة ؟  وانى جوازى زوجتى يطيح يوم 20/ 12 /2014 . حسيتهوم يبووو يأخرونى وبعد الولادة ونخش فى موضوع اقل من 6 شهور صلاحية الجواز مايمشيش ونقعد نراجى بعد 6 شهور يطيح الجواز باش نجدده . مش عارف انى بعتت اميل لنفس الايميل اللى قالى انه تأشيرتك وتاية وقاعد ماردش عليا  . 
 بالله اللى عنده يفيدنا فى الموضوع هدا  او مر عليه موضوع زى هدا وشكرا

مش لازم تستني لين يطيح ، أنا جددت جوازي قبل ما يطيح ب اربعه شهور عادي

شكراً لاكن المشكلة انى جواز المدام سورى والتجديد مستحيل

لم أفهم لماذا بعد الولادة هل هي في الشهر  الاخير ؟ أم ماذا ؟ لأن حسب معلوماتي الكثير من الموفدين سافروا وزوجاتهم في الشهر السابع . وبعدين شنو عرفهم أنها حامل وخصوصا أنه جاك إيميل يقول أن تأشيرتكم واتيه ؟ أخي هل هي تأشيرة طالب أم تأشيرة زائر؟ نرجوا من الاخ الكريم صاحب الموضوع الرد كما نرجوا من الاخوة رواد المنتدي من لديهم تجربة المشاركة في الموضوع .. وشكراً

في تعليق التاشيرة تقدر ترفع جواز سفرك انت وزوجتك من غير حضرها وتعلق التاشيرات وتاخدهم ..اول مرة تصير يقولو لا لانها حامل في اللي في بعد 20 يوم بالضبط رزقو بطفل في كندا ... اخي راجع السبب الحقيقي وشن كاتبين ليك بالايميل بالضبط وارجع اسأل وين قالولك تمشي.

ننصحك بتجديد جوازك في ليبيا للاسف سفارتنا الموقرة في كندا ما عاد تجدد في الجوازات القديمة بعد صدور الجواز الجديد يعني لازم اي طالب يطيح جوازه يروح ليبيا و يجدد لذلك الافضل التقديم ع الجواز الجديد

شكرا 
 على الاهتمام 
هى فى بداية الشهر الثامن , وعرفوو اكيد هى حامل من الكشف الطبى فى التحاليل تبان , هى مرافقة . 
مش عارف شن صاير انى قعدت فى السفارة نراجى 3 ساعات وهما يقولو راجى انكلموو فيهم فى الاخير قالولى هكى  والله مش عارف شن نبى ندير نبى نمشى للسفارة غدوة ونسألهم هل هدا سبب مقنع باش ماتعلقوش التأشيرة لو هى واتية

السلام عليكم ،،،
برائي بما انها في الشهر الثامن فإنك لن تستطيع السفر حتي لو اعطيت لها التأشيرة هذا أولاً، ثم بعد التأشيرة وقبل السفر تحتاج الى انتظار التفويض والذي يأخذ في حدود شهر ونصف . يعني في كل الاحوال محتاج لتجديد الجواز قبل ما تسافر... حاول يأخي توضحلهم بأن التجديد في حالتها مستحيل ربما لديهم حل لمشكلتك وربي يكون في العون والخيرة في ما أختاره الله.