المساعده من الناس الموجوده في كندا

السلام عليكم

كيف حالكم جميعا 

اتمني منكم المساعده انا ممكن حنكون في كندا في بداية 3 ان شاء الله ...اريد ان استفيد من خبرتكم شن الحاجات الي ناخدهن معايا من ليبيا من ناحية اوراق او ملابس واي حاجه اخره وشن المعلومات الي نسحقلها في المطار 
وشكرا ...

معقوووله مافيش رد

mohamedksabat93 كتب:

السلام عليكم

كيف حالكم جميعا 

اتمني منكم المساعده انا ممكن حنكون في كندا في بداية 3 ان شاء الله ...اريد ان استفيد من خبرتكم شن الحاجات الي ناخدهن معايا من ليبيا من ناحية اوراق او ملابس واي حاجه اخره وشن المعلومات الي نسحقلها في المطار 
وشكرا ...

اخى محمد كلمنى على الخاص  كان تبي اي مساعده

بالله اللي يبي يساعد يكتب عالعام خلينا كلنا نستفيدوا وربي يوفقكم جميعا

بالنسبة للأوراق خلي معاك احتياط نسخ من كل اوراقك و لازم تخلى نسخ فى ليبيا لأي ظرف حتى الجواز خلى منه نسخة و طبعا الأهم انك يكون عندك نسخ على الفلاش أو الكمبيوتر لأن المعاملة فى كندا بالايميلات فقط . اما بالنسبة للملابس و الله نصيحتى ما تكثرش هلبا لانك حتشري من كندا اكيد لكن جيب معاك. حاجات غليظة لأن الصقع لايوصف و الاكل تقريبا كل شئ موجود ما عدا الاكلات الشعبية مثل الزميطة. و الدقيق فى الماء و أي استفسار اخر تفضل موفق إن شـاء الله .

الورق اكيد راح تجيب شهاداتك و لو عربي جيبها مترجمة و مافيش داعي تصادقها من اي مكان الا مكتب الترجمة و جيب معاك نسخة ع الفلاش و ايضا عقد الزواج مترجم و مختوم من مكتب الترجمة فقط لا غير يمكن تحتاج رسائل تزكيه بس اغلب الجامعات تطلب في بريد الدكاترة و ترسلهم في نموذج التزكية ... الملابس نصيحة كثر ملابس الصيف خصوصا لو معاك زوجتك لان ملابس المحجبات  صعب تلقاها و لو لقيت تكون غالية هلبه ... ملابس الشتي ما تجيب هلبه لانك راح تشري من كندا جيبوطي خاص يتحمل درجة حرارة منخفضة و ما تحتاج معاه ملابس ثقيلة لان كل الاماكن فيهه تدفئة ... جيب معاك طنجرة و كسكاس و مغرف البازين لو تحبوه و ممكن بهارات زي الحرارات و التابل التونسي وغيرها و القهوة و دقيق شعير و زميته مثلا و انت و اللي تحبه ... الايام الاولى صعبة و الاحسن تجي مجهز كل شي و معاك شوية اكل علشان ما تنصدم بالاسعار لان كندا غالية هلبه خصوصا لما توصل و ما زال ما عرفت من وين تشري ....

السلام عليكم
ياخوي محمد الاخوه ماشاء الله مكفين وموفين اهم شيء ماتنساش تجيب صندوق صيدليه صغيره  فيه كل شيء
ضروري لان بتغير عليك الجو وخاصه لو معك اطفال ورد بالك تجيب القديد بنحوه علي طول بدون تفكير وما تجيبش معاك اجهزه الكتوونيه الا الهاتف والكمبيوتر وجيب معاهم الوصله اوموجوده حتي في كندا وتوكل علي الله وتوصل بالسلامه

والله الحق المنتدى هذ والشاركات غايه ي الروعة الحق استفدت منه جدا ...فالله اسأل يان يجعل لكم من امركم يسرى

بناكد علي الصيدبية الصغيرة اقل مافيها بانادول ومضاد وكولد اند فلو بتاع البردة لانه في اللي ضربة نسمة بتاع تغيير الجو يمرض منها ....الصور الشخصية وصور للباسبورت ياعني مستندات خير ماتبدا تدور وين تصورهم ومش حياخدو وزن ..مورد صغير يعينك في الكلمات الانجليزية وفلاش مميموري تخزن فيه اللي تبيه وكان قدرت اشري زوز للاحتياط وخزن فيه اللي قالهولك كله وزيد عليه ..^_^ راك تقل حوايج ودبش يجوك وزن زايد وانت ما استفدتش منهم طلع لبستين تلاته كاملات للشتاء بالكاير وجيبوطي خود من غادي لانه هلبة يقولو اللي غادي مقاومين للصقع الرهيب ولا تكركر كنادر وزنهم 14طيلو وماتلبس ننهم غير واحدة ركز هلبة في اللي بتحطه وتلبس فيييه مش باش تجربه غادي يجيك ولا لا لانه حني عندنا عوايد نكرو في الدولاب كله لما نسافرو من غير استفادة...وربي معاك

راك تنسي تطلب من الموظف اللي بيعطيك اذن الخروج من المطار تصريح زياره او دراسه لك ولافراد الاسره ان وجد لانهم بيطلبوهم في المكتب الكندي  بتقعد من غير تامين طبي زي ماصارلي بعدين

هندالورفلي كتب:

راك تنسي تطلب من الموظف اللي بيعطيك اذن الخروج من المطار تصريح زياره او دراسه لك ولافراد الاسره ان وجد لانهم بيطلبوهم في المكتب الكندي  بتقعد من غير تامين طبي زي ماصارلي بعدين

اختي هند مش هذا اجراء روتيني بندار ويعطوه المطار تصريح علي مدة الدراسة ولا اقامة ؟؟؟هذا اللي تقصديه؟

أنا سمعت أن إدخال المواد الغذائية غير مسموح به في المطارات في كندا !! هل هذا الكلام صحيح ؟ وبالنسبة للأجهزة الإلكترونية أكثر من اللاب توب  والهاتف المحمول ألا يمكنني أن أحضر معي سكانر وطابعة صغيرة ؟  أرجوا الإفادة وشكرا .

انا نلبس في حجاب طويل وبالعادة واسع هلبا نقدر نستمر غادي بنفس اللبس ولا صعب ؟ ؟ يعني نشري منها عبايات وجلباب ولا ما نقدرش نلبسهن لانهن اخفاف زي ما تعرفوه مش ثقيلة وثانيا شن نأخذ معاي ادوات والزميتا والبسيسة نقدر نرفعهم معاي ولا مرات يحسابوهم هروين هههههههه ؟ وبالنسبة للمحارم قصدي الشال امتاع الراس نكثر منهم ولا في غادي ثقال لانه امتاعت ليبيا خفاف شويا والبوت نرفع امعايا البوت امتاعي (الحذاء لغيت الركبة) ونقدر انكثر ولا مش راح نستفيد منهم ؟ وشن هو افضل شهر نمشي فيه علما انه دراستي تبدا في شهر 10 ؟ أفيدونا وبارك الله فيكم

السلام عليكم اخت حليمة،
الجزء الخاص بالجلبال والحجاب مش حنقدر نجاوب عليه ان شاء الله تجي وحدة من الاخوات وتعطيك الزبدة، لكن نقدر نجاوب على جزء من السؤال.
الزميتة والبسيسة والحلبة الخ جيبيهن عادي ما يدورك حد، غير حطيهن في الشنطة الكبيرة.
يما ان القراية تبدا شهر عشرة، تعالي شهر ثمانية كويس بيش تحصلي شهرين ولا ثلاثة في الصيف، وما تجيكش صدمة الثلج على الخوا... الامور ساهلة هناي اغلب الناس محترمة وما يعدلوش على حد شن شكله ولا شن لابس.
بالتوفيق...

بارك الله فيك خوي الورفلي صحيت يارب بنسئلك عن السكن انا راح انسافر بروحي ان شالله والمدينة ادمنتون شن تنصحني نسكن في شقة ولا سكن الطالبات ولا مع عيلة ؟

زعمك شن الجـو في مدينة كينجستــــــــــون ؟؟؟ صقع ... معتدل ....؟؟؟ لأن الكورس بيبـدأ شهر 9 و أنا ماشي إن شاء الله نهاية 8  

[]الله أعلم أما خطوط لأني نستنى في التأشيرة و الحق عطلت هلبا فوق ما نتصور  الكشف الطبي واصل لندن من 31/3/2014 و الى اليوم مهناك شيء يستر الله ,,, طبعا أن ماشي أعزب ... أنا الكورس يبدأ بالزبط 11/9 حتى انت أكيد أخت أحلام  نفس البرنامج ..  إن شاء الله ربي يسخرلنا الحال وحتى الاخوة ياريت يفيدونا بمعلومات عن مدينة كينجستون من جميع النواحي ...

السلام عليكم، عذرا على الانقطاع،
اخت حليمة كانك ماشية بروحك يفضل انك تسكني في سكن الجامعة على الاقل الثلاثة شهور الاولة، وما اعتقدش في سكن خاص بالطالبات بس، عادة غرفة فيها شخصين او ثلاثة وقد تكون شقة، مدا بيك تسكني مع طالبة كندية بيش الانجليزية تطور بسرعة، وننصحك خشي على موقع الجامعة وخشي على السكن وافهمي الموضوع، وكان في كيف حتى اتصلي بيهم، السكن برا الجامعة خير وارخص على المدى الطويل.
الاخوة اللي ماشيين لكنغستون، جامعة كوينز من افضل الجامعات وفي جالية كويسة غادي مش حيقصروا معاكم ان شاء الله، الكورس الانجليزي ممتاز ودسم، لكن كان حطوك في المستوى الاول تبي اكثر من سنة بيش تكمل. المدينة صغيرة نسبيا وهادئة وجاية على بحيرة، شهر تسعة الجو قاعد كويس للتدهوير، ومدرسة اللغة تطلع في رحلات لتورنتوا ومونتريال يعني تحصلوا جو،،، مع تمنياتي لكم بالتوفيق...

lioking كتب:

زعمك شن الجـو في مدينة كينجستــــــــــون ؟؟؟ صقع ... معتدل ....؟؟؟ لأن الكورس بيبـدأ شهر 9 و أنا ماشي إن شاء الله نهاية 8  

الجو في كنقستون ما يختلفش عن تورنتو  خاصة في الصيف(دافي مع رطوبه عاليه احيانا)...اما الشتاء ابرد زي اوتاوا ... شهر 9 في العموم الجو دافي (خريف) يعتبر موعد كويس للقدوم بيش تعتاد علي الشتاء

اخت يحليمة يوصلك الله سالمة غانمة
حجابك اشري بالزايد لاه مافيش يبيعوه فيه زي ماتبيه وجيبي محارمك وشالاتك ..والسكن مع عائلة الحق احسن فيه عائلات يبو بناويت بس ياعني انتي ببتتشرطي عليهم شن تبي ..شوفي عائلة تابع للمدرسة راسليهم وقليلهم شن تبي بالضبط فيهم متلا اصول كندية بنات بس ماعندهمش قطاطيس ودخان ممنوع ياعني حتي البناويت اللي معاك يكونو مختارينهم ونفس اللي تبيه تلقيه ..لانه احسن علي الاقل تترسجحي في الانليزية ولساك يتعود علي الكلام تساعد هلبة العائلة احسن من بروحك يا وخيتي حتي ولو كان تابع الجامعة ..