بالله عندي مشكله يلي يقدر يساعدني فيها ؟؟؟

انا علقت التاشيره اليومين يلي فاتو ولكن لما روحت وقعدت نقلب في الجواز لقيت في الصفحه يلي فيها المهنه 
لقيت خانه مكتوب فيها رقم الملف لكن مش مدايرييلي رقم ملف الجوازات يعني انا في حيره من امري يعني هل نتوكل بيه هكي الجواز ولا نمشي للجوازات ونقلهم جوازي ما فيشي رقم ملف ولا كيف بالزبط والله شغلي بالي الموضوع ؟؟؟

mohammed_abologma كتب:

انا علقت التاشيره اليومين يلي فاتو ولكن لما روحت وقعدت نقلب في الجواز لقيت في الصفحه يلي فيها المهنه 
لقيت خانه مكتوب فيها رقم الملف لكن مش مدايرييلي رقم ملف الجوازات يعني انا في حيره من امري يعني هل نتوكل بيه هكي الجواز ولا نمشي للجوازات ونقلهم جوازي ما فيشي رقم ملف ولا كيف بالزبط والله شغلي بالي الموضوع ؟؟؟

شوف الجوازات الرئيسية فى خلة الفرجان المنظومة وان شا الله طول يساعدوك

فعلا الجوازت الي في صلاح الدين طريق خلة الفرجان خش للمنظومة مباشرة المبنى الى على اليمين تلقاه صيانة بسبب قصف النياو لكن تلقاهم يشتغلو بين السقالات بارك الله فيهم

خوي الرقم الالي لزم منه اكشيلهم يديروهولك وانت واقف يا جوازات صلاح الدين يا نباحت الجوازات اللي وراء شيل في بومشماشة ...لااااااازم منه لانه هذا الرقم اللي بيضربوه في المنظموة بس سؤالي انت سافرت بيه دولة اورببية قبل؟

الله يعينيك كيف مافرحنالك بالتاشيرة اللي شيبت الالاف طلعتنا بقصة تانية>_< كمل اوراقيك فيسع وحط في التفويض اللي توة يخدمو فيه رقم 3 لحق عليه لانه بيبعتوه ..^_^

يركبوه مفيش مشكله ...اولا تمشي للمكان الى صدر منه الجواز فلو عندهم المنظومه في اقل من ثواني  يضيفوه ...ولو ما عندهمش تاخذ المعامله معك لاقرب مكان فيه المنظوممه وتركبه ممكن صلاح الدين قريبي المده الي فاتت مشي غادي على العموم متشيلش هم...وطمنا عليك

انا من الزاويه وجوازي صدر في الزاويه مشيت للجوازت في خلال ربع ساعه تكملي اموره والله يبارك فيكم

باهي كويس..ربي يسهلك باقي امورك

سراب الحقيقة كتب:

باهي كويس..ربي يسهلك باقي امورك

الله يبارك فيك اختي سراب الحقيقة ويفتح عليك