الي الاخوة الذين سنحت لهم الفرصة في الدراسة في كل من كندا و بريطانيا

ما هي الساحة  الافضل بين الاثنين ولماذا

سؤااالك مش محصووور ومتوسع هلبه انا بنقولك شويه اسباب تخليك تختار الدوله

اول الاسباب شوف تخصصك الدراسي شن هو وشوف وابحث ع النت مثلا اما خير في كندا ولا بريطانيا

تاني شي شوف المستوي المعيشي يلي يساعدك فمثلا بصفه عامه يقولو اوروبا اغلي من كندا وانت برمج وشوف روحك انت مرات معاك مرافقين بيحكمو فيك من ناحيه مصروفهم تبي مكان ارخص يعني

تالت شي فيه ميزه تتميز بيها بريطانيا علي كندا يلي هي القرب يعني بالليبي تذكره بريطانيا ارخص بهلبه من تذكره كندا

رابع شي من ناحيه المناخ معروفه كندا في الشتاء تتساقط فيها التلوج وبرد قارس جدا لكن بريطانيا صقعها اقل من كندا

وخامس شي من ناحيه التاشيره يعني مثلا الكنديه معروفه الايامات هادي تعطل شويه مرات توصل ل 3شهور ومرات نصيبك تجيك في حوالي اربعين يوم
لكن التأشيره البريطانيه تاخد من 15 الي 30 يوم تقريبيا

وان شاء الله  ما قصرتش معاك خوي وتقبل مروري ......

مشكور اخي الكريم للعلم انا اعزب و انا ابحث عن دولة مناسبه للمسلمين

لو اتحصل قبول في كندا طبعا خير

ياخوي محمد من ناحيه الدوله هي تقريبااحسن مكان يتناسب مع المسلمين من جميع النواحي. في العالم وعيبها الوحيد هو. البعد والبرد في الشتاء اللي هي كندا وسكانها من جميع أنحاء العالم

mahmoudsalm كتب:

ما هي الساحة  الافضل بين الاثنين ولماذا

بعد دراسة الماجستير هل انت ناوي تشتغل في شركة او تكون عضو هيئة تدريس في جامعة

لو انت ناوي تشتغل في شركة, اعتقد بريطانيا افضل و اقصر الطرق ممكن تاخد شهادة ماستر او دبلوما في سنة واحدة

ادا انت ناوي تكون عضو هيئة تدريس في جامعة, اعتقد كندا افضل لك, و خصوصا عند دراسة درجة الدكتوراة. نظام الدراسة في كندا و امريكا (مواد دراسية اكتر) مختلف عن بريطانيا (بحثي)


لو عندك لغة كويسة فرصة القبول في بريطانيا عالية, كدلك التقديم application في بريطانيا يفتح مرتين في السنة.
بينما القبول نوعا ما اصعب في كندا و التقديم على الجامعات يكون مرة واحدة في السنة.
شوف هدا الموضوع ايضا:  http://www.almofad.com/t24769-topic

بارك الله فيكم