بالله الى عندة فكره كيف انحصل قبول من السعوديه ..مكه او المدينه

؟؟؟؟؟؟

مافهمناش الاقامة اد غادي وتبي تقرا في كندا؟؟؟ او تبي تقرا في السعودية؟؟؟

لا مش ليه اني لقريبتي

خوي دحنوس اكتبل السؤال كامل قريبتك تبي تقفرا في السعودية شن التخصص ؟؟؟ وايفاد وع حسابها بعدين مرات مش هني في القسم ؟

يا ختي سراب الحقيقة اني قريبتي تبي اتكمل دراستها في السعوديه فقتلي بالله عليك اسالي كيف انحصل قبول من السعوديه او لو فيه اليه للتقديم فقلت خلي نسال بلكي فيه حد عنده معلومه او يقدر يساعد او فيه حد عنده صديق سعودي يقدر يساعد او فيه واحد يعرف واحد تاني يعرف واحد صاحبه سعودي او يقرا في السعوديه يقدر يساعد ...والحق شكرا يا ختي على الاهتمام لان ما فيش حتى واحد قال بالك نقدر انساعد منغيرك انتي ولو اتشوفي كم واحد شاف الموضوع تستغربي

السلام عليكم 
اللي نعرفه ونسمع به عن الدراسات العليا بالسعودية هو أنه ، الجامعة تقبل في عدد بسييييط جديد أحيانا القسم يحتاج طالبين أو 3 في الفصل الدراسي لأن عندهم مشكلة زي ليبيا في قصة الدراسات العليا ، ولذلك لما يتقدم لهم عدد من الطلبة يديرولهم في إمتحان يسموا فيه إمتحان مفاضلة وهو إمتحان للقبول ، يطلبوا في نسبة عالية وفي نفس الوقت على حسب العدد المطلوب ، يعني لو تقدم عشرين طالب وهم يبو 2 معناها يأخذوا أعلى أثنين ولو كل الطلبة ماجابوش النسبة المطلوبة معناها يرفضوهم كلهم .
يعني الواحد ممكن يمشي ولا يقبل   

إن شاء الله نكون وصلت الفكرة 
وزيدي تأكدي من منتديات السعوديين بلكي فيه كلام تاني أو الجامعات تختلف   

نبي نقولك ما تزعليش لو لقيتي مجموعة شافت المنشور امتاعك وما ردوش عليك لأن قد لا يكون لديهم فكرة على السؤال . يعني يرد شن ايقول