من يعرف الفتره مبين الكشف الطبي والتاشير كم تستغرق

من يعرف الفتره مبين الكشف الطبي والتاشير كم تستغرق

مافيش مده معينه يا خوي dahnos

في التقديم مباشرة لمكتب حي الاندلس تبدا من اسبوعين لغاية بالكتير شهرين ع حسب احصائية من الطلبة ....
وكان اون لاين يختلف الوضع فيه طلبة بعد اسبوع وفي شهر ومازال يستنو ...بس ع الاقل في صدد انهم يصدروها بعد الكشف الطبي لو مافيش نواقص وتفاديت الرفض...

بالنسبه ليا الكشف الطبي 14/12 و التأشيرة 22/1, و من التقديم للحصول عليها 72 يوووم

انت والزهر ياخوي ليا توا فوق الشهر داير الكشف الطبي ومافيش رد ومايردوش ع الايميلات السفاره والله حاله تفدد الله المستعان وخلاص من 30-12 الكشف واصل لندن

مافيش مدة معينة على حسب أوراقك والنواقص الي عندك 
بالنسبة ليا الكشف جاني 5-12
والتاشيرة جهزت 24-1 
وربي يسهلك أمورك

انيالكشف اطبي وصل يوم 8/1 ور ساله FSL وصلت يوم 24/1 يعني من يقدر يتوقع يوم الحصول على التاشير

dhnos كتب:

انيالكشف اطبي وصل يوم 8/1 ور ساله FSL وصلت يوم 24/1 يعني من يقدر يتوقع يوم الحصول على التاشير

انا قول 11/2/2014 والله اعلم ^_^ حط شهر ونص بالزايد بعد الكشف الطبي لو مقدم في مكتب حي الاندلس تقريبا...هكي توقعاتي واله اعلم ^_^....خوي دحنوس توقعتك من لما تسال علي الخطوط انك علقتها التاشيرة وبديت حتي في ابرقيات والرسائل

سراب الحقيقة كتب:

انا قول 11/2/2014 والله اعلم ^_^ حط شهر ونص بالزايد بعد الكشف الطبي لو مقدم في مكتب حي الاندلس تقريبا...هكي توقعاتي واله اعلم ^_^....خوي دحنوس توقعتك من لما تسال علي الخطوط انك علقتها التاشيرة وبديت حتي في ابرقيات والرسائل

لا اختي سراب  اني ديمه هكي اندير في حاجات استباقيه ...اختي اسال الله العظيم ان يبارك فيك وفكل خطوة تخطيها ويسهل جميع امورك

السلام عليكم
لتوضح الامر لازم معرفة التفاصيل:
1- قدمت اون لاين؟
2- طلبوا منك FSL؟
صديقي قدم اون لاين يوم 6 اكتوبر وطلوا منه الكشف 23 اكتوبر واستلم التاشيرة 12 نوفمبر = 34يوم
الله يوفق الجميع

1- اني قدمت من مكتب حي الاندلس
2- FSL ما طلبوهاش والمكتب الكندي بعثها يوم 24
3- االكشف الطبي وصلهم يوم 8/1

بعون الله مابين شهر وشهر ونصف بالنسبة ليا انا شهر

dhnos كتب:

من يعرف الفتره مبين الكشف الطبي والتاشير كم تستغرق

تستغرق من شهر الي شهر ونصف وايضا لامانع من بعث ايميل علي الي اين وصل رقم ملفك في التأشيرة لكي تتاكدي من عدم وجود نواقص وشكرا

قريب تطلع خلاص بعون الله ومشيئته ...شن قررت حقا اما خطوط؟؟ التركية اللي كانت مستبعدة بدو يشكرو فيها هلية @_@

ان شاء الله يارب يسمع منكم ...والله التركيه يا اختي سراب عاحبتني ممكن اتكون هي اول خيار

شن صار معاك يا خوناااا دحنوس

والله قاعد نستنى اليوم بعثتلهم ايميل ماردوش عليا

السلام عليكم
الله يسهل عليك  انت مقدم اون لاين او ورق؟
ورق لا اعلم؟
اون لاين من الكشف للتأشيرة 20 يوم وهذا يختلف من شخص لأخر.
والله يوفق الجميع

الله اكبر ولله الحمد ...شكرا لكل اخوتي واخواتي علي الموفد ..اليوم وصلني ايميل من السفاره الكنديه في تونس وقالولي التاشيره جاهزه ومشي علقها قبل 30
شكر خاص للاخت سراب الحقيقه على توقعاتها التي كانت ميه في الميه واليوم هو 11 من الشهر كيف ما قالت الخوت سراب ستستلمها يوم 11 ...الشكر موصول لكل افراد المنتدي وربي يوفقكم جميعا وكل كما لا انسء مساعدات الاخوه على الخاص

dhnos كتب:

الله اكبر ولله الحمد ...شكرا لكل اخوتي واخواتي علي الموفد ..اليوم وصلني ايميل من السفاره الكنديه في تونس وقالولي التاشيره جاهزه ومشي علقها قبل 30
شكر خاص للاخت سراب الحقيقه على توقعاتها التي كانت ميه في الميه واليوم هو 11 من الشهر كيف ما قالت الخوت سراب ستستلمها يوم 11 ...الشكر موصول لكل افراد المنتدي وربي يوفقكم جميعا وكل كما لا انسء مساعدات الاخوه على الخاص

  الففففففففففففففففففففف مبروك
  به ياخوي دحنوس الموضوع يستاهل زردة راهو ^^  

مبارك يا خوي الفال لينا يا رب من 27-12 الكشف الطبي دايره ونستنا قاعد امتا متوقعين يردو عليا اني؟؟؟

من المكتب الكندي الجديد نعطيك من الأخر من اسبوع الى شهر تقريبا ان وصلت شهر ونصف ولم يرسلوا لك عليك بمراسلتهم او الذهاب الى القنصلية في برج طرابلس

dhnos كتب:

الله اكبر ولله الحمد ...شكرا لكل اخوتي واخواتي علي الموفد ..اليوم وصلني ايميل من السفاره الكنديه في تونس وقالولي التاشيره جاهزه ومشي علقها قبل 30
شكر خاص للاخت سراب الحقيقه على توقعاتها التي كانت ميه في الميه واليوم هو 11 من الشهر كيف ما قالت الخوت سراب ستستلمها يوم 11 ...الشكر موصول لكل افراد المنتدي وربي يوفقكم جميعا وكل كما لا انسء مساعدات الاخوه على الخاص

باش تعرف بس ^_^ ..جدودي شيوخ ^_^

عبدو81 كتب:

السلام عليكم

لو سمحتم شني هيا رسالة FSL

هيا الرسالة اللي يقولو فيها المكتب الكندي انهم هما المسؤوليين علي مصاريف هالموفدة المدكورة في كندا ........... ياعني دعم المالي ليك في كندا ... ويبعتها المكتب الكندي للسفارة طول بعد ماتفتحي ملف عندهم وتحمليلهم المستندات المطلوبة بمراسله ايميلهم