التفويض 1 و 2 2014

يا ريت أخواني وأخواتي لو فيه حد عنده معلومات يفيدنا و نتناقشوا علي موضوع التفويضين 1 و 2 ونساعدوا بعض و الله الموفق

مرحبا انا قالي المندوب ان اسمي في تفويض2 وسألت اخت تشتغل في الوزارة قالت يمكن يوصلنا نص الاسبوع الجاي اما تفويض واحد والله مانعرفش

جميا وأنا كذلك في تفويض 2 ننتظر الأيام القادمة ماذا ستحمل ربي يوفق ان شاء الله

اليومين الجايات ان شاء الله ماشى للبعتات واي شى جديد حنقوللكم عليه باذن الله

اليوم مشيت للبعثات قالوا تفويض واحد بعثوه للوزارة اما 2مازال

السلام عليكم
انا اسمي ف تفويض 1 ومازال لم يصل للمالية
والله يوفق الجميع

ياترى اليوم شن؟زعما يطلع ت1 للخزانة وت2 للوزارة؟؟ نرجوا ان نسمع اخبار مفرحة

السلام عليكم
امس اتصلت بالمالية لم يصل ت 1 بعد.
وعندما يصل انشالله ابلغكم
والله يوفق الجميع

بالله ياشباب أكدولي ت1 وين بالضبط، أنا دخت كنت نحسابه ف الوزارة وحتى قريب يطلع للخزانة جاني واحد اليوم قالي راهو اليوم الثلاثاء بس كيف طلع للوزارت؟؟

السلام عليكم
قبل قليل اتصل اتصل مندوبنا بمندوب المعاهد علي دخييل  وقد اخبره ان التفويض رقم 1 في الوزارة
هذا مااخبرني به المندوب الذي كنت بجانبه وقت الأتصال 
وأن شاء الله يكون الخبر صحيح   ولم يخبرني ا ي   وزارة

بارك الله فيك ياخوي، اذا كان كلام المندوب صحيح معناها ان شاالله عن قريب يطلع للخزانة

السلام عليكم
التفويض يطلع من البعثات يمشي لوزارة التعليم وبعدين يمشي لوزارة المالية"الخزانة" وبعدين يرجع للبعثات على شكل برقيات ثم من البعثات تاخذ اذن بدء الصرف والتذاكر وتعريف طالب وباقي الورق
هذه رحلة التفويض القصيرة .
البعض منا يقول تاخذ دهر او هكذا يتهيأ لنا لاننا غير صبورين.
والله يوفق الموفدين

شكرا علي المعلومات أخوتي  

ياشباب ننصحكم تتبعو موضوع تفويضكم تفويض 1   وراهو قاعد في التعليم العالي في المراجعة وعششولهم في التعليم العالي وحركو علية راهو الموضفين يتحسسو من بعض ومايسلموش ف تفويض من مكتب الي مكتب الا بخليني وخليك ومرات يبقي جاهز ع الطاولة لكن مايتكرموش ويشيلة لمكتب اخر اسالوني انا اللي شحطت ع تفويضنا ودرنا هك وقفنا عليهم من مكتب المراجعة للتعديل للمدير الشؤون الادارية الي المراقب المالي ويرجع للمدير الادارية بيش يبعتوة للخزانة من يوم الاحد وقعمزولهم ف الوزارة كان تبو تفويضكم يمشي بسرعة مش يقعد شهر زينا   وشكرا للجميع

بلادي حرة شكرا لك ....لكن انا اتصلت الخميس بالوزارة قالوا ما وصلناش الا تفويض واحد والله دخت هل انت متأكدة？

الله يبارك فيك ان شاءالله يارب

أجمعين وإن شاء الله ربي يوفقنا جميعاااااااااااااااااا