شن الحل..درت البصمة ومازال طالبينها

من سايرلة هكى..شن اندير عبيت التاشيرة اون لاين ودرت البصمة  ولما نخش على الابليكيشن مازال طالبين البصمة 
ساعدونى شن اندير

ابعتيلهم ايميل للسفاره في تونس واشرحيلهم شن صاير بالزبط .. اكيد هما حيراجعوا ملفك ويصححوا الوضع .. ومرات هذا يعجلك بالتاشيره .. وربي يسهلك انشالله .

السلام عليكم 

خشي على الرابط هذا ودخلي الرقم اللي عطوهولك في البصمة و كذلك مواليدك وشوفي وصلت البصمة و الا لا .   على فكرة امتا درتي البصمة؟؟؟؟
http://www.vfsglobal.ca/canada/libya/track_your_application.html

usamaalmay كتب:

السلام عليكم 

خشي على الرابط هذا ودخلي الرقم اللي عطوهولك في البصمة و كذلك مواليدك وشوفي وصلت البصمة و الا لا .   على فكرة امتا درتي البصمة؟؟؟؟
http://www.vfsglobal.ca/canada/libya/track_your_application.html

السلام عليكم
تابع البصمة على الرابط  ولو وجدها وصلت لا تقلق وانشالله تجدها وصلت.
بالنسبة للبصمة كل من قدم يوم 23 اكتوبر إ2013 لى اليوم البصمة مطلوبة  لا تقلق.
واعتقد حتى بعد وصول البصمة تجد عبار البصمة مطلوبة.
ولا داعي لمراسلتهم عارفين واديروا ف ابديت كل اسبوع او اسبوعين عالاكثر.
والله يوفق الجميع

مش مشكلة كبيرة راه لانه انا قعدتلي عالقة رسالة البصمة لين صدرت التاشيرة ومادورتهاش ممكن يكون فيها مشاكل بس ماقابلتينيش في طلبة هيا بروحها غادي ف مكتب حي ااندلس يقولولك انبعتت طول اوتاميتيكيا ومع هدا ممكن يصير لخبطة توة شوية تلقي الكشف الطبي والبصمة قاعدة تأشر @_@

بارك اللة فيكم جميعا ويبشركم ربى بالجنة ويفرجها فى وجوهكم.....طمنتونى اللة ايطمنكم

انتبهي لحاجة اول ماتوصلك رسالة علي ايميلك يقولوك فيها انه فيه عندك رسالة علي اكاونتك سي اي سي دبري انترنت وافتحي اكاونتك ع طووووووووول وحلي شوفي الرسالة مرات يطلبو في ورقة ويحطو ليمت تايم ليها تاني يوم... انا طلبو مني تجديد الباسورت وحطوله اخر توقيت المفروض نحمله نفس اليوم اللي بعتهولي فيه الرسالة شيء شوية من مطقي بس تصير اي قصص المهم راجعي وافتحي الاكاونت طول لو ف رسائل ماتقوليش توة غدوة نحصل نت ونفتح لالالالالالالالا .... وكله بمشيئة الرحمن.