بالله الذي فاهم يفهمني

السلام عليكم جميعا
اني يا جماعة عندي ايفاد وطبعا الخيار رقم واحد كان كندا المهم بعثت لجمانة وفتحتلي ملف بعد هكي درت الكشف الطبي وقدمت اون لاين والامور كلها تمام ما زال ورقت الدعم المالي متع جمانة بعد ما طلع قرار 75% بعثللي الابلة جمانة قتلي غير الساحة انت اقل من 75%  . مع العلم ان حتي الاول علي الدفعة متعي معدلة اقل من 75% بعد هكي قلت خيرها في غيرها وبديت اجراءات الساحة الامريكية في يوم تفاجت بايميل تعال استلم التاشيرة  . المهم مرقتش طول الليل واني نفكر في الموضوع زعمك عطوني التاشيرة من دون ورقت الدعم المالي لالالا اكيد في غلط المهم ولعت السيارة وتوكلت شوفت العزيز قتلي تعالي الساعة 3 والحمد الله استلمت التاشيرة بعد هكي راسلت الابلة جمانة قتلها حصلت التاشيرة نسحابها بالمكرة بتقولي مش قتلك غير الساحة.  المهم الذي صار انها قتلي ابعثلي صورة من التاشيرة وكاني نكذب عليها بعتلها التاشيرة وقالتي (congratulation) خلاص انت فوتت الزح  . وقتلي ابدا في التفويض توا. وصح بديت في التفويض والمفروض اسمي في التفويض رقم 3. اليوم نتفاجا بأيميل قتلي فيه يوم الجمعة نبعث ورقة FSL للسفارة واتوقع بعد 3 شهور تطلعك التاشيرة و شهرين تبيهم للتفويض لذلك دير تاجيل لقبول اللغة متعك. 

fakroon كتب:

السلام عليكم جميعا
اني يا جماعة عندي ايفاد وطبعا الخيار رقم واحد كان كندا المهم بعثت لجمانة وفتحتلي ملف بعد هكي درت الكشف الطبي وقدمت اون لاين والامور كلها تمام ما زال ورقت الدعم المالي متع جمانة بعد ما طلع قرار 75% بعثللي الابلة جمانة قتلي غير الساحة انت اقل من 75%  . مع العلم ان حتي الاول علي الدفعة متعي معدلة اقل من 75% بعد هكي قلت خيرها في غيرها وبديت اجراءات الساحة الامريكية في يوم تفاجت بايميل تعال استلم التاشيرة  . المهم مرقتش طول الليل واني نفكر في الموضوع زعمك عطوني التاشيرة من دون ورقت الدعم المالي لالالا اكيد في غلط المهم ولعت السيارة وتوكلت شوفت العزيز قتلي تعالي الساعة 3 والحمد الله استلمت التاشيرة بعد هكي راسلت الابلة جمانة قتلها حصلت التاشيرة نسحابها بالمكرة بتقولي مش قتلك غير الساحة.  المهم الذي صار انها قتلي ابعثلي صورة من التاشيرة وكاني نكذب عليها بعتلها التاشيرة وقالتي (congratulation) خلاص انت فوتت الزح  . وقتلي ابدا في التفويض توا. وصح بديت في التفويض والمفروض اسمي في التفويض رقم 3. اليوم نتفاجا بأيميل قتلي فيه يوم الجمعة نبعث ورقة FSL للسفارة واتوقع بعد 3 شهور تطلعك التاشيرة و شهرين تبيهم للتفويض لذلك دير تاجيل لقبول اللغة متعك. 

التأشيره مش وصلت مبارك ههههه اما السطور الاخيره لا أعرف كيف افسرها ... استنى تفويضك ولما يطلع ابعتلها صورة من بداية الصرف وتوكل على الله ^_^

مبروووك خوي فكرون كنت ناشط في الكندية صاير غيرت الساحة...مش مشكلة مرات خيرتك فيها ...اما بالنسبه لاخر سطيرن علي قولت اختي بلادي حرة انساهم ومادورهمش ابدا صور ع تاشيرتك وعبي باقي نماذج بتاع التفويض وانت قلت نزل الاسم في تفويض 3 ولا بالكتير يبعتوه قاااااالو الاسبوعين الجايات وقبل لا تمشي راسل جمانة قولها ع موعد السفر وعندك خياريين يا تمشي قبل ما يبعتو القوائم للمكتب الكندي واللي تستغرق شهر وهذي فيها مجازفة لانك حتعبي علي الله وع الفلوس اللي رافعهم معاك باش تصرف او انك تستني لين يحولولهم القوائم وترسلك تقولك اسمك وصل وتحجز وتطلع...وكلهم ع بركة الله.. ^_^

لكن لحظة ؟؟؟؟ خوي فكرون جمانه لما رسلتك الايميل قاعد تكمله لملفك في الكندية؟؟؟؟؟او عندها علم انك حولت الساحة وبعتلها القبول ودعم التاشيرة؟؟؟؟؟

الله يستر وخلاص عاودت اللي كاتبه 14 مرة باش نفهم.... النتيجة ممكن عدلو في القرار المهم انت معاش دور شيء توة وماعليك شيء استني التفويض وراسل جمانة قبل وابعتلها موعد الحجز....^_^

اني الله فهمته من فكرون انه عنده التاشيره الكنديه توا من غير رسالة الدعم من الكندي .. وجمانه من كثرة الايميلات صايرلها التلخبيط ... لكن في حاجه يافكرون وهي ان ورقة الدعم المالي معاش يبعثوهالك علي ايميلك لهذا هيا تبي تبعتها للسفاره وانت تمشي تاخدها مالسفاره والايميل اللي جاك اوتوماتيك والصيغه امتعه موحده لهذا انت امورك تمام خلليك في اجراءات التفويض وراقب رسالة الدعم في السفاره لانها حتجيك قريبا ... سلام .

شيطلك ريقك ياسراب ^^ .

ههههههههههههه والله الا دهشت ماهو تعب يا تعب خوي الديب ....بالدات مسلسل جمانة معاش بي يتم ع الاقل توة مرت مرحلة التعقيدات شوية بعد القرار اللي لخبط الطلبة...وعنده الحق كاني نن زيه ندير زردة ^_^...حق شياط ريقي وعندي شهود ^_^

نصيبك يا خوي فكرون وربي كتبلك انك بتمشي لكندا الف مبروك إن شـاء الله