باي ذنب رفضت دراسة طلبة الدبلوم العالي في كندا

سلام عليك يا اختي لكن انا نفرق في شي واحد بس قعدت نرجى في توقيع القرار 3 سنين وبعد ما وقع على القرار سيد وزير التعليم قلنا الحمدالله وبنيت احلام على الموضوع الايفاد وتحضير الماجستير وقفت كل شغلي في المدة 3 سنين هده وطلع الدعم المالي لكندل وقلت الحلم اصحبها حقيقة ولكن في يوم وليله نتفجأ بأن الاخ طاهر بن طه ولا مش عارف شن اسمه الله يسامح وخلاص يقول خريج جامعات نسبه اقل من 75% يرفض من كندا توه شن اديرله شخص زي هدا مستقبل شباب يضيع ويدمر من عمره 3 سنين انتطار وبعدين يوقع القرار وتصدرله دعم مالي تقول لا مفيش حسبنا الله ونعم الوكيل فيه حسبنا الله ونعم الوكيل فيه

halema almesmary كتب:

السلام عليكم

انا معيدة من  الجبل الاخضر واتعمد ذكر المدينة حتي يظهر للقاري الكريم بعدي عن البعثات والعاصمة نبدا فالموضوع  صدر القرار في شهر 5 وبدينا وفرحنا وتوكلنا علي الله باستخارة واخترنا كندا المهم بعد مدة بمساعده  حصلت قبول في شهر 6 لي وللمرافق ودفعتا بالفيزا كارد عالعموم في شهر 7 و8 بدينا نجهزو في ورق التاشيرة الكندية والترجمة والتصديق والكلام الي الكل عارفه والبعثات الرائعه فعلت قرار الايفاد في شهر 9 بعد رمضان في حين انه نشوفو في ناس فالمدة الي فاتت مابين شهر ستة وتسعه  تنشر في صور رسائل الدعم المالي لغرض التاشيرة وقلنا الواسطة ضروري منها ويلا نحنا مؤمنين ومتوكلين علي ربي ومش راح يضيعنا وخلينا بما يرضي الله نرجو التفعيل كيفنا كيف العباد المهم بعد تفعل القرار  مشيت للمندوب قالي راهو انا جديد ومش فاهم شيء والمهم مشيت للشؤون العلمية قالي نحنا انجيبو في دعم القبول...... دعم التاشيرة مازال عليه قلت باهي قالي عطيني اوراقك انجيبلك دعم قبول رغم اني  مش محتاجة له عطيتة اوراقي من مبدا حط راسك بين الرؤس المهم مشيت لمدنوب المعهد الثاني عشان يطلعلي ورقة دعم التاشيرة المسكين وافق وقالي حاضر دز اوراقي مع معدهم قاله علي دخيل لا مازال الخطوة!!!!!!!!!!!!!! هذي في حين انه ناس طلعت دعم تاشيرة وقتها المهم دورت مكتب طلعلي الورقه علي 200 دينار ^^ وبديت خذيت موعد فالسفارة او المكتب حي الاندلس  مع العلم بالاتي لي ست شهور نقرا عالنت  بين جامعات كندا وبديت نجهز في ورق القبول الاكاديمي بحيث تطلع التاشيرة والقبول في وقت واحد والتاشيرة ناخذها بقبول اللغه (ما تشاؤن الا ان يشاء الله رب العالمين ) المهم الموعد عطل لانه ورقد الدعم الخاصة بالتاشيرة تاخرت لماذا اولا الضيء قطع فترة عالبعثات (خارج عن سيطرتهم ) ثانيا البعثات قعدت فالورقة مدة شوي ما يقرب 20 يوم  المهم طلعت الورقة واكدنا عالموعد معاش نذكر التاريخ شن صار فالعاصمة صارت حرب امتاع الكتيبة طبعا قالو الوضع مش كويس ومافيش موعد الا بعد كم اسبوع قلنا ونعم بالله كل تاخيرة فيها خيرة جينا بناخذو موعد بعد هديت الاحداث وبدت قصة البنزينة قالو المكتب يبدا فالمواعيد السنة الجديدة قلنا ناخذو موعد خشيت خذيت موعد يوم 16\1\2014 المهم طلع القرار بانه المعاهد العليا لا ..............................




طيب سؤال يا اخوة البعثات انا لما اتصلت بالبعثات ونبي نسئل قالو  ........... الموضوع ما دخلنش فيه موضوع خااااااااااااااااااااااااااااااارجي املا دخل من ؟

انا بالنسبة لكندا مش اخر العالم في رب كريم لكن وقتي وجهدي واعصابي بالله عليكم والله العظيم  كل ورقة طلعت طلعت من كد وتعب وجهد بالاخص اني بنت يعني ضروري ناخذ حد معاي ونشعر اني ثقلت عالناس كل مرة يمشي معاي حد عشان مرة مترجم مرة خارجية مرة محكمة مرة ............

يا بعثات من المسؤول عن الابتذال الي صار الان هذا اقل ما يمكن وصفة انه شيء معيب فالمواطن الليبي الحر الي كان يحلم بمستقبل وردي ومتخيل نفسه نابغه وذكي وماشي يقرا فيكندا واثق من قدراته المهم انتم جعلتم كلمة القذافي جرداااااااااااااااااااااااااااااان واقع للاسف بما فعلتموه بنا الان 

للعلم صارلي صدمة من الخبر وحاليا مش عارفين لا نختارو ساحه لا نبكو علي الوقت الي ضاع منا في حلم في بناء فرد يكون اساس صالح لدولة صالحة وين نمشي وين انسجل وايش اندير ؟


حسبي الله ونعم الوكيل فيكم من مظلوم ظلم مثلها العشرات والمئات بقرارتكم الحمقاء العشوائية اتقوا الله في طلاب ليبيا اتقوا الله 

وافوض امري الي الله ان الله بصير بالعباد 

[size=12]
أختي أنا أقدر كل كلمه بلا كل حرف إنت كتبتيه وكل الموفدين لهم قصص وحكايات منذ توقيع قرار الايفاد حتى ركوب الطائرة حتى وصول بلد الدراسه كل منا عاش هذه المرحله بكل القصوة والحيره والتذمر والاعصاب

وأنا شخصيا طالت قصتي طويـــــــــــلا ,,,, وأكرمنا الله بأن أكمل إجراءاتي والحمد لله

فكل ما أود أن أخبرك به أن الله في الوجود وأن الله يعوضك في كل ما فات وأن الله عالم بكل شيء

وسيأخذ بالحق عاجلا أم أجلا

(عسي ان تكرهوا شيئا وهو خير لكم ) واحتسبي لربك فلن يخدلك .

ان شاء الله ربي يفتح عليك وكل تأخيره فيها خيره

أنا شاء الله ياختي ربي يعطيك شيء خير منه ولو عندك نصيب في كندا وبادن الله لن يقف أمامك احد لا الطاهر ولا المكتب الكندي ولا غيره خلي املك بالله كبير وربي يوفقك

للأسف هذه دولتنا لا يسوى فيها الطالب وتعبه  شيء ....قدر الله وما شاء فعل وما تزعليش على الوقت اللي راح على الاقل قاعدة في بلادك وفي مكانك خير ما تجي وتتبهدلي و بعدها تغيري الساحة وتبدي في الاجراءت من الأول مع ساحة تانية لأن طلبة الدبلوم العالي يطلبوا عليهم في مواد استدراكية وبعد ماتصفيهن يشوفوا امكانية قبولك (يعني تقري لغة ومواد استدراكية وانتي مش ضامنة انهم يقبلوك ) وعلى فكرة المواد الاستدراكية لا يدفع رسوم دراستها المكتب الكندي يعني لو قررتي تقريهن حتقريهن على حسابك وكل مصروفك على حسابك ... بينما فيه ساحات أخرى تقبلك على طول وبلاد الله واسعة ... لو تبي كندا تقدري تكملي في جامعة في ليبيا وتأخذي سيمستر او 2 وتحصلي بكالوريوس و تجي لكندا ،هن الإجراءت مرات يأخذن سنة يعني اكثر من الوقت اللي راح تستغرقيه علشان تأخذي بكالوريوس ... وربي يوفقك ويثلج صدرك

قدر الله وما شاء فعل 

تعرفي اختي لو عندك نصيب في اي شيء في الدنيا وربي كاتبه لك حتاخذيه اين كانت العوائق

الصبـــــــــــــــــــــر والتوكل علي الله 

ولو تشوفي قصة كل طالب ليبي موفد راهو والله والله اللي ما يبكي خانقاته العبرة 

ومع هذا كله والله ثم والله الحمد لله مليون مرة في كل وقت نقدر نقولها فيه وعندي الصحة 

قرار المعاهد الجديد والنسبة والمعدل وابصر شنو راهو كانت سبب من عند المولي ممكن تكون مش خيرتك في الساحة لحكمة يعلمها الخالق فقط ..وممكن مجرد تاخير لعند مايتعدل ....بس الحمد لله عسي ان تكرهوا شيئا وهو خير لكم .

طلب بسيط ...انسي اللي فات وتوكلي علي ربي في اول خطوة جديدة .... حددي شن تبي ؟؟؟ اعرضي تخصصك والساحات اللي ممكن يسالعدوك اكتر ومش مشكلة لو بديتي من ورقة القبول كونك في الجبل الغربي والله يا اختي اللي يقدر يساعدك مش حيبخل ..انا الاولي عرفت ناس هني في المنتدي والمساعدة اللي يقدمو فيها شيئ رهييييييييييييب تخليك صح تقولي الله الدنيا مازال بخير 


تخصصك شنو ؟؟ وكان علي المشي والجي ما تشيليش هم خلي جياتك للحاجات الضرورية متل مواعيد سفارة والخ بس الاوراق التانية اللي من البعتات حتلقي الف من يساعدك فيهم وانا اولهم لو ربي كاتبلي الاجر في طريقك ... 

زي ماقلتك حددي التخصص باش تحددي الساحة وتبدي في الاوراق وما تزعليش راه ربي يحبك واكيد تدعي اللهم اتنا في الدنيا حسنة وربي يسمع منك وما يبي السوء لعباده ...

نستنو في شنو قررتي ^_^

كان كل طالب يحكيلك مأساته ممكن ابسط شيء تخليك تقولي كان نبيع تلفوناتي المهم نحله أزمة ...ولا اللي قاعدين بعيالهم بالله عليك في كندا يصرفو من جيبوهم وصغاره يتباكو .... ربي يصبرهم ومعاهم ان شاء لله

وعليكم السلام ورحمة الله وبركاته جميعا بارك الله فيكم والله كلامكم كان كالبلسم علي صدري في وقت يعلم الله بالتشت والضياع الي انا فيه 
 ahmed altrhony    للاسف خوي  حتا انا استنيت القرار تقريبا ثلاث سنوات وكنت وقتها نشتغل معيدة ويعلم الله بالتعب والجهد في الاعادة قسما بالله كانت اصعب تجربة في حياتي قبل ما نعرف ايش معني اجراءت ايفاد لما شفت الاجراءت حسيت انها  ولا شيء وربي يخترلنا الي فيه الخير 


dhnos بارك الله فيك وجزاك الله خيرا وفي ميزان حسناتك ان شالله 



بلادي حرة بارك الله فيك عارفه يا اختي احيانا نحس انه عقلي طار من كثر الضغوط لما صدر القرار العبيط امتاع كندا الضغط وصل 170 وصارلي جلطة خفيفة في رجلي وخذيت علاج سيولة والله العظيم لما تريح وضعي وقعدت اكقر اقتناع بالماساة هذي مشيت نشيك عالضغط القيته 140 ههههه قالت ليالدكتورة انتي مريضة ضغط ولا ديمامرتفع عندك قلت لها في عقلي مريضه بعثات خطرها عالضغوط يعني بدل ما تفكر في ضغوطات الورق بس تقعد علي اعصابك انك تطلع قبل ما يفلمو البعثات بشيء قرار اخري عارفه يخطر برنامج الحصن الي يسجلو فيه عالم ويوصلو عشرة ولا تسعه لمرحلة المواجهة ههههههه اعتقد هضا هو قرار الايفاد امتاعنا 



[b]على الدين الديب  tark gharab
[/b]

mohammed_abologma
بارك الله فيكم وان شالله يارب يكتبلي الي فيه الخير وين ما كان 

fatma's mother بارك الله فيك اختي فاطمة عارفه سبحان الله نفس كلامك هضا قالته لي بنيه جت من بريطانيا من اسبوع قالت لما تطلعي برا تعب وضغط اكثر من هن علاقل قاعدة وسط اهلك وناسك وتتعبي وتلقي من ياخذ عنك شوي مش كيف لما تطلعي برا وبالنسبة لكندا خلاص عارفه مستحيل نوطها الا معاي شهادتي العليا  ان شالله خلاص وصلنا لمرحلة صعبه جدا بسبب المكتب سبي بي سي ههههه وجزيتي خيرا علي كلامك الطيب يارب 


وعندك الحق عارفه اول مرة نسمع بيها من بنات بريطانيا الاسبوع الي فات حكولي عن قصة تدفعي من منحتك للكورسات قالو المسؤول يدفعلك فرضا ثلثي المبلغ وانتي تدفعي الثلث الاخر من منحتك وايضا موضوع المواد قالو علي حساب منحتك يعني الحمد لله علي كل حال وربي ايسر الحال يارب 
 سراب الحقيقة صحيتي يارب وبارك الله فيك علي كلامك الطيب بجد والله هذي اكبرمشكلة قصة انك كيف انطلع الورق من جديد وبالاخص انه دعم قبول ودعم تاشيرة ومن يطلعهم لي والله هذي اكبر حاجه متعبتني توا ونبيحد في طرابلس يساعدني علي هل الموضوع طلبت من المندوب امتاع المعهد انه يطلعلي ورقة دعم قبول عامة من بعد  ما صدر القرار امتاع كندا الي الان ما طلعش الورقة ويقول انا مش شوري وحجج واهيه حسبي الله ونعم الوكيل فيه حتي هوا انا لما نقرر راح نبعثلك عالخاص وبجد جزاك الله خيرا علي عرض مساعدتك سواء طلعت الورق عن طريقك ام لا يكفي انك ادخلتي السرور علي قلبي بكلامك 


وللجميع والله ردكم وتفاعلكم مع كلماتي الحزينة اثلج صدري والله وفي ميزان حسناتكم واناتعتمدت انرد عليكم بالاسم لانكم فرحتوني بردكم علي شكرا للجميع وخففتو عني بعض ان لم يكن كل ما اشعر به من حزن