كيفية حجز موعد للتأشيرة وملأ استمارة التقديم (القديم)

محمد المسماري كتب:

انامسافر لطرابلس اريد ان احجز موعد مع السفاره البريطانيه و ان اتعامل مع مكتب وورلد بريدج 

السؤال هنا اريد معرفه طريقه التعامل مع هذا المكتب هل ضروري الحضور الشخصي للموفد والمرافق وكيفيه الحجز  او ليس من الضروري الحجز ,, هل له موقع او ايميل او رقم

ارجو المساعده ضروري ضروري لاني مسافر قريب ,

أخي محمد نحن مقدرين ظروفك ولكن أنا مستغرب جدا خاصة منك أنت كعضو قديم في المنتدى دائما تسأل من غير ماتشوف المواضيع السابقة والغريبة ان أسئلتك ماتحتاج إلى الكثير من الجهد للخصول على الإجابة لها يعني يكفي لو شفت عنواين المواضيع المثبتة في قسم التأشيرة للقيت موضوع مثبت وجاهز وفيه بالتفصيل عن المقابلة كتباته وتعبت فيه أختنا أم عائشة جزاها الله خيرا
http://www.almofad.com/t9975-topic
وفيه موضوع ثاني عن شامل عن التأشيرة فيه كل مايخص أمور التاشيرة وأنواعها وكيف تحجز في موعد
http://www.almofad.com/t12375-topic
وفيه موضوع ثالث عن كيفية ملأ استمارة القبول

وبخصوص تسأولك اليوم أنت نفسك سألت من قبل على المقابلة وجاوبوك الأعضاء واليوم فتحت موضوع ثاني في قسم غير قسم التاشيرة
أخي نحن ماعندنا مانع نساعدوك أونساعدوا أي أحد بس لازم حتى أنت تساعدنا شوية وتقرأ المواضيع المثبتة وإلا شنو الفايدة من تثبيته توة نذحفوهم كلهم ونسفروا المنتدى ونبدوا من جديد ولازم أخي تتقيد بشروط الكتابة في المنتدى
وأعتقد أني نبهتك أكثر من مرة من قبل وهذه حتكون المرة الأخيرة لذلك هذه المرة حننقل موضوعوك لقسم التأشيرة وممكن يتم دمجه لاحقا مع أحد المواضيع والمرة الجاية لو لم تلزم حيتم حذف أي موضوع جديد ومكرر تكتبه ومش حتلقاه في أي مكان في المنتدى زي ماحصل للحكم وبعض الأعضاء الآخرين. لأن راهو حتى الوقت اللي ياخذوه المشرفين في نقل المواضيع والدمج والرد على الاستفسارات مش شوية.
تحياتي

يا خوي اصلا المنتدي متلخبط مافيش موضوع شفته متنسق تدخل على موضوع تشوفه 50 صفحه تلقي معلوماتك في صفحه 35 
لست انا سبب تراكم المواضيع ,, اصلا المنتدي يريد حذف مواضيع واجد وتنضيم من جديد ,,

المهم نعتذر على تنزيل المواضيع , وان شاءالله يتنضم المنتدي وكان في عقلك حذف موضوعي او حذف عضويتي ماعندكش مشكله
ما في حد عايش على رزق حد ,, لغه التهديد هذه ما ننصحك بيها ,

وسامحنا يا ابو محمد

محمد المسماري كتب:

يا خوي اصلا المنتدي متلخبط مافيش موضوع شفته متنسق تدخل على موضوع تشوفه 50 صفحه تلقي معلوماتك في صفحه 35 
لست انا سبب تراكم المواضيع ,, اصلا المنتدي يريد حذف مواضيع واجد وتنضيم من جديد ,,

المهم نعتذر على تنزيل المواضيع , وان شاءالله يتنضم المنتدي وكان في عقلك حذف موضوعي او حذف عضويتي ماعندكش مشكله
ما في حد عايش على رزق حد ,, لغه التهديد هذه ما ننصحك بيها ,

أخي الكريم أنا مانهدد فيك ولا عندي مصلحة نهددك وإلا نوقف في طريق مصلحة حد ولكن هذا النظام المتبع عندنا في المنتدى ولو تقعد مشرف حتعرف صعوبة الإشراف وأسأل المشرفين الجدد اللي معانا

أخي المنتدى مش متلخبط بالشكل اللي تحكي عليه ولكن أنت اللي ملخبط روحك
نعم فيه مواضيع فيهن صفحات لعند 54 بس ماحد قالك أقرأهن كلهن المواضيع الطوال هذين أو حتى تجي شورهن وأصلا نحن درنا مواضيع جديدة (زي الموضوع الشامل عن التاشيرة) عشان نستغنوا على المواضيع الطويلة اللي تحكي عليهن يعني المواضيع اللي كتبتهن لك لو تشوف أول صفحة من كل موضوع وإلا حتى أول الموضوع حتلقى الإجابة وأنا مافي عقلي شئ وهذا اللي عندي كله وأنا مانحب نحذف مواضيع ومانحب نقول الكلام هذا لأحد ولكن للضرورة أحكام وأنت اللي أضطريتني نتكلم وللعلم هذا الكلام ليس لشخصك ولكن نوجه في لأي حد حتى لو كنت نعرفه أو قريبي من غبر ما نجامل على حسب المنتدى وأشياء ثانية.

المهم بارك الله فيك ,, وسامحنا كان سببنا لخبطه في االمنتدي وانا مصرح لك بحذف اي شي لي وانا اقبل ذلك , لانه هذا حقك ونا عارف شنو معني الاشراف , لكن في  منتدي المشرفين لا يراها الا انتو ناقشو موضوع تهدف لتعديل المنتدي  ,, تحياتي لك وسامحنا مره ا خري

فعلا كان كلامك مضبوط انا فتشت المنتدي فيه كل ما اريده لكن كلفني وقت كثير جداااا,,
بسبب التمشيط , عالعموم جزاك الله الف الف خير , تحياتي

السلام عليكم

انا محمد من طبرق  اريد ان اذهب الي طربلس لأتم اجراءات السفاره اريد عناوين مكاتب تحجز مواعيد مع السفاره , لاني موعد دراستي يوم 23/9
وايش افضل الفنادق في طرابلس  وتكون قريبه من ادراه البعثات والمكاتب , وشكرا
ارجو منكم التفاعل .

محمد المسماري كتب:

السلام عليكم

انا محمد من طبرق  اريد ان اذهب الي طربلس لأتم اجراءات السفاره اريد عناوين مكاتب تحجز مواعيد مع السفاره , لاني موعد دراستي يوم 23/9
وايش افضل الفنادق في طرابلس  وتكون قريبه من ادراه البعثات والمكاتب , وشكرا
ارجو منكم التفاعل .

أعتقد ممكن والأفضل لك أنك تاخذ اسم ورقم مكتب في طرابلس (مثلا) وتراسلهم ياخذولك موعد ويعبولك الاستمارة بعد ماتبعثلهم أوراقك بالإيميل وبعدها تمشي على الموعد لأن المواعيد اليام هذين بعدين مرات بعد 10 ايام أو أسبوعين يعني حرام تقعد في طرابلس المدة هذه كلها أو تمشي وتجي.
وفيه حتى مكاتب في بنغازي وبعض المدن الثانية ولكن الغالبية مش دقيقين وممكن الشباب يقولولك على مكتب كويس في طرابلس (أعتقد مكتب السنباد) بس ماتعتمد عليهم يعني بعد مايعبولك الاستمارة قوللهم مايسكروها وأبعثها لحد متخصص في المنتدى يراجعها لك وبعدين تقدروا تسكروها وتسحبوها
بالنسبة لأخذ الموعد(كيف ماقلت لك من قبل) مافيش مشكله فيه تقدر تديره حتى بروحك لو تبعت الخطوات اللي شرحناها في المنتدى أو تستعين بحد في المنتدى

بالصور طريقة حجز موعد للتأشيرة لشخصين في مركز الواحات
http://www.almofad.com/t10621p124-topic#123003

كيفية إلغاء موعد عن طريق الانترنت
http://www.almofad.com/t9475p35-topic#97695

وحتى ملأ الاستمارة مش مشكلة كبيرة ولكن أفضل يساعدك فيها حد آخر
http://www.almofad.com/t10621p15-topic

والأهم من هذا كله لازم توفر كل الأوراق الموجودة في هذا الموضوع
http://www.almofad.com/t12375-topic

الله اكبر يا ابومحمد  موضوع حجز عن الورلد بريدج هذا حفظنه حفظ  بارك الله فيك.
لكن تصادفني مشكله نموذج السفاره ان عندي نسخه خارجيه عبيتها انا وختي لكن لا اريد ان اجازف واخاطر  قلت لازم من مكتب افضل ,

نتمني من الاخوه الكرام بطرابلس يشرحولنا على المكاتب في طرابلس , انا ليست لدي مشكله في السفر المهم اجد مكتب معروف وموثوق به,,

اخ ابومحمد انا قمت بملئ نموذج وهمي لسفاره وقمت بحفظه لكن لم اغلفه  حت نتعلم عليه المهم انا عندي بعض النقاط فقط ليست معروفه عندي
مثل الماليه ,والممول ,,حاجات بسيطه هل اجد نموذج في الموقع محلول كل البيانات  لاني عجزت عن بعض النقاط خاصه لي انا المرافق
وشكراا

نعم خوي محمد فيه نماذج جاهزة وأنا كتبتلك هذا وعطيتك حتى الرابط في ردي السابق ولكن مشكلت أنت ماتشوف في الروابط أو ماتقرى الكلام اللي فيهن كويس
وهذا جزء من ردي السابق
وحتى ملأ الاستمارة مش مشكلة كبيرة ولكن أفضل يساعدك فيها حد آخر
http://www.almofad.com/t10621p15-topic



بالنسبة للمكاتب مافيه حد يضمنلك التأشيرة وفي طرابلس أكثر الطلبة يمشوا لمكتب السندباد ولكن حتى هم عندهم بعض الأخطاء على سبيل المثال يقولوا للطلبة لازم من قبول لغة أصلي يبعثوه بالبريد وهذا غير صحيح لأن كل الطلبة اللي يقدموا بقبول بالإيميل لم يتم رفض أي أحد منهم لهذا السبب والبعض أخذوا التاشيرة من الأول.
فيه مكاتب ثانية يغلطوا في الاستمارة وأتوقع حتى مكتب السندباد ممكن يغلطوا بسبب الزحمة اللي عليهم  لذلك انصح الطلبة أنهم لما يعبوا الاستمارة عند اي مكتب وقبل إقفالها (وحتى بعده لو تم الاقفال فعلا) أن يتم عرضها على احد ثاني متخصص ليراجعها.

عدل سابقا من قبل Abu Mohamed في الأربعاء 19 يونيو 2013, 3:09 am عدل 1 مرات

بارك الله فيك يا ابو محمد ,, المشكله انا اتعقد من كثره الصفحات للمواضيع,, المهم شكر لك ,

لكن لدي سؤال بسيط وهو في طريقه الحجز على الموعد عالوورلد بريدج اول خانه شن نكتب نوع التأشيره لاني اريد تاشيره طالب زائر ماعرفتها وين

انت عطيتني نموذج عالبي دي اف طريقه الحجز ,, اول خانه ليست موجوده عالموقع الان ,,

هههههههههههههههههههههه لا تمام فهمت الان,, بالنسبه لصفحات انا عارف انك تعطي في صفحه رقم 3 مثلا لانها فيها المعلومه لكن صدقني مافي حد عارف غير انت وباقي المشرفين المتطلعين اكثر على المنتدي,,
المهم بارك الله فيك,, رغم كل هذا حجزت وعبيت نماذج وهميه وتم الغاءها لتدريب لكن مافي خير من مكتب ان شاءالله نتوكلو لتربولي ,,

ونوم العوافي ان شاءالله ,

ان شاءالله الانجليز روحو هنا كلهم كان انا مشيت هناك  حاتخرب بريطانيا ,,
تحياتي

السلام عليكم
عندي مبلغ مودعنه 4000 في الحساب فطلب مني توضيح المبلغ وأعطيتهم ورقة تثبت القيمة المودعة للمكتب فقاموا بتعبئتها في خانة أعمال أخرى هل هذا صحيح أفيدوني وشكراً

السلام عليكم 

نبي اعرف ما هو الفرق بين vaf9-Appendix 8 Tier 4 General self assessment    والابليكيش اللي يتعبي من مقع الهجرة البريطانية اون لاين ؟    
السوال بطريقة اخري   كم ابليكيشن نعبيه للتقديم للتاشيرة البريطانيا Tier 4؟

هل الابليكيشن اللي علي موقع ادارة الهجرة البرطانيه  اون لاين    و الموعد    او هناك شي اخر ؟

وشكرا

لاتقلقي فهي صحيحه وعادة يكون السؤال هل تملكين اسهم اواملاك اومدخرات والورقه صحيحه ويجب تقديم كشف حساب بها حتى لو لم تذكري ان لذيك رصيد اواسهم

مشكور أخي أليكس طمنتني

مصعب كتب:

السلام عليكم 

نبي اعرف ما هو الفرق بين vaf9-Appendix 8 Tier 4 General self assessment    والابليكيش اللي يتعبي من مقع الهجرة البريطانية اون لاين ؟    
السوال بطريقة اخري كم ابليكيشن نعبيه للتقديم للتاشيرة البريطانيا Tier 4؟

الأبليكيشن الإثنين اللي قلت غليهم مطلوبات للتأشيرة تاير 4 ، بالنسبة لنموذج الأون لاين تعبيه أون لاين وبعدين تسحبه وتوقعه وترفقه مع الأوراق ، أما النموذج vaf9-Appendix 8 Tier 4 General self assessment هذا تسحب منه نسخة وتعبيها باليد وتوقع عليها وترفقه حتى هي مع الأوراق ...


وبالتوفيق ...

مصعب كتب:

السلام عليكم 

نبي اعرف ما هو الفرق بين vaf9-Appendix 8 Tier 4 General self assessment    والابليكيش اللي يتعبي من مقع الهجرة البريطانية اون لاين ؟    
السوال بطريقة اخري   كم ابليكيشن نعبيه للتقديم للتاشيرة البريطانيا Tier 4؟

هل الابليكيشن اللي علي موقع ادارة الهجرة البرطانيه  اون لاين    و الموعد    او هناك شي اخر ؟

وشكرا

أخي مصعب كما قال لك أخي المتوكل بالضبط
وأرجو أن تتقيد بشروط الكتابة وعدم فتح مواضيع مكررة وسيتم ضم موضوعك لموضوع كيفية الحجز وملأ نماذج التاشيرة http://www.almofad.com/t10621-topic
 كما أننا ذكرنا هذا الكلام في نفس الموضوع ومواضيع آخرى ولكن لابأس

omsali كتب:

السلام عليكم
وأعطيتهم ورقة تثبت القيمة المودعة للمكتب فقاموا بتعبئتها في خانة أعمال أخرى 

من تقصدين بهم وهل تقصدي استمارة التأشيرة؟

أقصد المكتب اللي ايعبي فالإبليكيشن فطرابلس 
نعم إستمارة التأشيرة

لأنهم يغلقو فالإستمارة بدون علمك
وقالولي ما تقدريش إتعدلي أحنا اللي انعبو وانعدلو هذا شغلنا إحنا