هل ف حد يعيش نفس مصيبتي

السلام عليكم اخواتي وخوتي الموفدين انا معيده ف كليه التربيه وجاني ايفاد وطبقت القرار ف 2010 وطلعت لبريطانيا ولكن لما وصلت فجئت بمستوي المدرسه التعبان جدا اصابني احباط جديد حيث لا اقدر اغير اي شئ تاشيره ع مدرسه المهم مشيت معاي غصبن عني 6 اشهر ومع حدوث الاحداث تعبت نفسيتي ولما كملت اللغه بدون فائده 6 اشهر انتقلت الي مصيبه تانيه انه تخصصي ليس موجود ف منطقه اللي انا فيها وطبعا صارن ظروف منعتني نتقل الي منطقه تانيه كوني ماعديش محرم .ارجعت الي ليبيا يوم 22-5-2011 تمت هي رجعه بعد استقرار ليبيا شويا ذهب الي طرابلس لكي استفسر عن وضعي وقفتني طرابلس قوليلي ماترجعي نيين نعرف وضعك ف لندن وبعثو برقه الي لندن ياناس والله قعدت سنه كامله عشان نستناه ف رحمه ورقه وحده تحدد وضعي.علما بان اقتضي بمرتب وقدره 80 دينار الي يومناه هذا لك مانبي نرجع تطلعلي ورقه شكل وبعدما اتمتت جميع المطلوب وقدمت الفيزا رفضوني الانجليز.تخيلو معيده بدون عمل جالسه ف بيت ليا 3 سنوات وكان ماحليت المشكله هذي احتمال ندخل ف 4.المهم اتصلت بجامعه عمر المختار وقتلهم اقل شئ رجوعني للعملي كمعيده قولي اسحبي روحك من لندن واقفلي ملفك واسحبي ملفك من طرابلس نعطوك مباشره عمل ونعدولك مرتبك .ياناس ملفي مقفل كيف البيضاء مايفهمو عارفيين شنو قالولي قالولي احتمال واحد سارق ايفادك قتلهم مافيش كلام هذا عندي اوراق رسميه من البعثات ومن لندن تثبت ايش قريت وايش مازال وانه راتب ف خارج مقفل زياده ع هكي رصيدي صفر كيف نبي نفهمهم هذموي.والله ثم والله اتعبت وتعبت هلي من 2011 الي يومناه هذا وانا ناخذ ف مرتب 80 دينار والله ياريت حد يناقش معايا او يعطيني راي بحيث نحل هالمشكله.وحسبي الله ونعم الوكيل واسفه جدا ع اطالت موضوعي

soad كتب:

السلام عليكم اخواتي وخوتي الموفدين انا معيده ف كليه التربيه وجاني ايفاد وطبقت القرار ف 2010 وطلعت لبريطانيا ولكن لما وصلت فجئت بمستوي المدرسه التعبان جدا اصابني احباط جديد حيث لا اقدر اغير اي شئ تاشيره ع مدرسه المهم مشيت معاي غصبن عني 6 اشهر ومع حدوث الاحداث تعبت نفسيتي ولما كملت اللغه بدون فائده 6 اشهر انتقلت الي مصيبه تانيه انه تخصصي ليس موجود ف منطقه اللي انا فيها وطبعا صارن ظروف منعتني نتقل الي منطقه تانيه كوني ماعديش محرم .ارجعت الي ليبيا يوم 22-5-2011 تمت هي رجعه بعد استقرار ليبيا شويا ذهب الي طرابلس لكي استفسر عن وضعي وقفتني طرابلس قوليلي ماترجعي نيين نعرف وضعك ف لندن وبعثو برقه الي لندن ياناس والله قعدت سنه كامله عشان نستناه ف رحمه ورقه وحده تحدد وضعي.علما بان اقتضي بمرتب وقدره 80 دينار الي يومناه هذا لك مانبي نرجع تطلعلي ورقه شكل وبعدما اتمتت جميع المطلوب وقدمت الفيزا رفضوني الانجليز.تخيلو معيده بدون عمل جالسه ف بيت ليا 3 سنوات وكان ماحليت المشكله هذي احتمال ندخل ف 4.المهم اتصلت بجامعه عمر المختار وقتلهم اقل شئ رجوعني للعملي كمعيده قولي اسحبي روحك من لندن واقفلي ملفك واسحبي ملفك من طرابلس نعطوك مباشره عمل ونعدولك مرتبك .ياناس ملفي مقفل كيف البيضاء مايفهمو عارفيين شنو قالولي قالولي احتمال واحد سارق ايفادك قتلهم مافيش كلام هذا عندي اوراق رسميه من البعثات ومن لندن تثبت ايش قريت وايش مازال وانه راتب ف خارج مقفل زياده ع هكي رصيدي صفر كيف نبي نفهمهم هذموي.والله ثم والله اتعبت وتعبت هلي من 2011 الي يومناه هذا وانا ناخذ ف مرتب 80 دينار والله ياريت حد يناقش معايا او يعطيني راي بحيث نحل هالمشكله.وحسبي الله ونعم الوكيل واسفه جدا ع اطالت موضوعي

وعليكم السلام أختي الكريمة 
للأسف هذه البيروقراطية الإدارية لدينا وسامحيني أنت مشاركة لأنك لما روحتي من بريطانيا لم تقلي ملفك في لندن وبالتالي لو تريدي أن ترجعي للعمل لازم من إقفال ملفك في البعثات بعد إقفاله في لندن ولكن لماذا لاتذهبي إلى بريطانيا بعد أن تحصلي على قبول لغة ويكون معك أحد محارمك وتكملي فترة اللغة ودراستك أعتقد أن هذا أنسب حل لو هناك إمكانية لذلك وبالنسبة للرفض لا أعرف شببه ولكن يمكن معالجته وفي أسوأ الأحوال لو تعملي امتحان أيلس وتحصلي على 4 او أكثر فلن يتم رفضك.


وبالمناسبة لست الوحيدة التي تعيشي مصية هكذه وربما مصيبتك في يدك حلها وأعرف معيدة تم ظلمها وإلغاء إيفادها وإلغاء عقدها بالكامل بسبب مشكلة شخصية مع رئيستها في العمل وتقدمت بقضيتها إلى رئيس الجامعة وكل من يستطيع أن يساعد في إدارة الجامعة ولكن دون فائدة ورئيستها مصرة على موقفها ورفضت أي حلي سلمي ولم تلتفت حتى إلى شيخ قبيلتها أو رئيس الجامعة أو أي شخص والقضية مازالت إلى اليوم في المحاكم منذ حوالي سنة أو أكثر والله المستعان.

والله ابو محمد  حسبي الله ونعم الوكيل وخلاص وربي يفرج ع جميع وكانت طالبه اللي انت تحكي عليها انظلمت من رئيسه قسم انا قصه ابريطانيا سبب خربها اقريب ناس ليا يعني حرب من جهتين من دوله تعبانه ومن انجاه داخلي انعاني فيه تياره قصه ايلس والله كارهه روحي اني من طبرق لانه هلي مايبوني الا نقرا ف طبرق وفي طبرق ايلس مازالو ماعرفو شكلهم واني نسافر الي مدينه تانيه هذي عندي فيها اشكاليه والله مانعرف مااندير قولك ملفي مفتوح خايفه نسحب روحي سحب كليا ونقفل ملفي ف اداره البعثات ونجمد قراري لما ايجي الوقت ونرجع نعطل ف اجراءاتي وتعقد اكثر والله انا ف دوامه موش عارفه كيف نحلها القضيه

الاخت soad السلام عليكم : ياأختي حتي أنا تركت بريطانيا وجيت للبعثات ودزوا للسفارة في بريطانيا برقية ايقاف صرف وبعد فترة جيت للبعثات قالولي راجع المحفوظات في نفس الادارة  جيت للمحفوظات وقتلهم نبي اوراق ايقاف الصرف قالولي وين قتلهم بريطانيا دوروا ولقوا الاوراق جيات خذيتن ودبستن وحطيت معاهن قبول من تركيا ودارولي تفويض النقل وحولوا ثلاثة اشهر اللي قريتن في بريطانيا  وتما التفويض 33 شهر . يعني الامر أن شاء الله ساهل اكيد اوراقك جيات بس راجعي المحفوظات في ادارة البعثات وتلقي الاوراق بأذن الله . وبالنسبة للراتب قتلهم نبي نرد الراتب قالولي خوذ نموذج طلب من لوطة واكتب فيه ارجاع الراتب الي حين استكمال اجراءات النقل بعد ما يوافقوا يعطوك ورقة تمشي بيها للجامعة طبعا انا مادرتش وخليت روحي على ربع الراتب لكن تبي أديريها راهي ساهلة ... راهو البرنامج ساهل وماتعقديش نفسك بكل وحتي ما لقيتش اوراقك جيات عدي لمشرف الساحة البريطانية في البعثات وحكيلة عالموضوع ماتقعديش هكي وخلاص ... ربي يوفقك   والله المستعان .

بارك الله فيكم خوي ابو محمد وخوي السلصني والله توه نسال مشرفي ع وضع ملفي بالضبظ لكن الحق مشرفي ماقصر معايا واقف ع جميع اجراءاتي بس بالعثات ربي يهديهم وخلاص

السلام عليكم ورحمة الله وبركانه
اختى الكريمة لو عندك حد فى بريطانيا انك تبعتيله توكيل باش يصكرلك ملفك لانى انى الفترة الماضية كان عندى صديق يقرا فى بريطانيا ولبعض الضروف قرر ان يصكر ملفه وهو قاعد فى ليبيا فابعتلى انى توكيل يسمحلى نصكر ملفه ومشيت للملحقية فى لندن وصكرت ملفه فى نفس اليوم وخديت الورقة وبعتهاله على dhl وصلته بعد تلات ايام .

تاكدي من انه ملفك صح مازال نفتوح في بلد الدراسة وتسكيره ساهل ..اسالي البعتات والمندوب واضح انه مقصر ملف مايعرفش يقولك شن فيه ولا مافيشي...انشطي وخيتي وحدي بالضبط باش بتبدي ...كلمي البعتات تاكدي ملفك مفتوح وسكريه وانقلي لساحة اخري شن المشكلة؟؟واللي قريتيه ف اللغة حينخصم من فترة التانية...فيه غيرك هلللللللبة لكن مش راقدين ...تبي اي شيء اسالي هني ومستحيل حد يردك كونك مش في طرابلس...نزلي مواضيع وحتلقي من يجاوبك أقلها اللي ماشي للبعتات وف طريقه  حيسألك..تسهلي انتي وربي يفتحها ف وجهك ويسرلك امورك...ع العموم قفل الملف المهم بعدين امتي ماتبي تقدري تنقلي لساحة اخري وتكون الظروف استجد فيها جديد وربي يسهلك امورك وخيتيي

ثلث ارباع كلامي اخطاء املائية o..
اسفة جدا ....
كنت بنعلق علي كلمة مصيبتي... لو صح تشوفي فيها مصيبة فقولي اللهم اجرني في مصيبتي واخلف لي خير منها ... وماتعرفيش وين الخير مكتوبلك ممكن مش ف الساحة البريطانية وممكن ف ساحة اخري ومرات مش ف الايفاد بكل.... اللي صار قدر الله وماشاء فعل المهم انتي ركزي ف شنو تديري وخليك متواصلة هني ع الموفد ان شاء الله حتحصلي اللي تبيه ... الناس الطيبة واللي بتساعد مازال فيها الخير ..اسالي مرة واتنين وتلاته ..وان شاء الله تتسهلك امورك.

بارك الله فيكم هو صح الحمد الله الواحد مؤمن بقضي الله وقدره لكن مرات كثرت الظروف الصعبه تهد الانسان وتقلل من رغبه ف شئ اللي ناوي يوصله.لكن الحمد الله ع كل حال ربي يفرج