عناوين الوكالات التي تتعامل مع إدارة البعثات

وكالة زلتين شارع بعغداد المتفرع من شارع 24 ديسمبر (شارع اول سبتمبر سابقا ) تاني اربع شوارع في الشارع علي اليسار 

^_^

حتي اني نعرف خوي دحنوس راه ^_^

السلام عليكم .. بس الارقام هذين ميردوش اللهم الا و كالة الواحة و ملقوش الاسم عندهم انا نبي نسأل عن التفويض 22 نقل في اي وكاله؟؟

اختي سراب تعرفي مره قلتي ان تاشيرتك تطلع يوم 11/1 ...كان توقعك ميه في الميه...بارك الله فيك وفي كل افراد المنتدي والمشرفين عليه

اني كلمةالامزون ..قلتلهم نبي ناخذ تاشيره على حسابي وبعدين تردولي لما يجي اسمي قالوا مافيش مشكله...لاني انتوقع روحي في تفويض4 وبعطل شكله واني الحق بنطلع

dhnos كتب:

اني كلمةالامزون ..قلتلهم نبي ناخذ تاشيره على حسابي وبعدين تردولي لما يجي اسمي قالوا مافيش مشكله...لاني انتوقع روحي في تفويض4 وبعطل شكله واني الحق بنطلع

ايه تقدر تاخد تداكر وبعدين توكل شخص هني يستلم المبلغ المرجع ليكم ناقص قيمة معينة طبعا ,,,, بعدين راع روحك خوي دحنوس انك تسافر قبل حتي الفتفويض بالدات معاك مرافقين راه او اللهم بترفع مبلغ وقدره لين يطلع التفويض وبرقياته ويتحول لكندا لانه لعند توة اللي متحولين 31 و 32 تخيل وقداش ليهم خهادمينهم ياعني توة بس كيف بياخدو منحهم غادي ...

dhnos كتب:

اختي سراب تعرفي مره قلتي ان تاشيرتك تطلع يوم 11/1 ...كان توقعك ميه في الميه...بارك الله فيك وفي كل افراد المنتدي والمشرفين عليه

احم احم ^_^ ....مش قتلك جدودي شيوخ ^_^ 

هما صح يعطلو فيها مرات التاشيرة بس تتسهل الامور

أختي سراب الحقيقة نبي نسألك كيف تحصلتي علي التأشيرة ..؟؟ ومن وين إذا كانت أونلاين ..؟.؟؟ وكم التكلفة لو سمحتي ..؟؟؟؟
وبارك الله فيك علي المجهودات الطيبة    

أختي سراب الحقيقة نبي نسألك كيف تحصلتي علي التأشيرة ..؟؟ ومن وين إذا كانت أونلاين ..؟.؟؟ وكم التكلفة لو سمحتي ..؟؟؟؟
وبارك الله فيك علي المجهودات الطيبة    

Fathi swehli كتب:

أختي سراب الحقيقة نبي نسألك كيف تحصلتي علي التأشيرة ..؟؟ ومن وين إذا كانت أونلاين ..؟.؟؟ وكم التكلفة لو سمحتي ..؟؟؟؟
وبارك الله فيك علي المجهودات الطيبة    

انا الحق واعود بالله من كلمة اني عبيت اون لاين قدمت فيها عبيت النماذج وانجليزيتي ممتازة هيا اصلا اسئلة عادية وتبي اجابة واضحة اللاجابات عاونني فيها موفد في كندا حاليا ^_^ الله يذكره بالخير ^^ وغير هكي التخليص عندي صديق هني خلصت بفيزا بتاعه المبلغ تقريبا 220 دولار ممكن او 210 في الغالب للشخص الواحد وتالت يوم بعتولي الكشف الطبي درت البصمة والكشف الطبي وتالت اسبوع لقيتهم يبعتولي في ايميل علي اكاوتتي جيبي جواز السفر للتاشيرة .


في مكاتب بس ياخدو في عمولة الحق لو انت عبيتهم وحملتهم ودرا القبول بروحك ياعني يجي بلمرحلة التخليص بس تعطيهم عمولتهم اللي هيا نماتفوتش 50 دينار علي انهم يخلصو عليك بالفيزا بتاعك زي التحدي والطموح اللي مقابل البعتات طرابلس لانه هدي خدمتهم ولو ماتبيش كله بيديروهولك بس ياخدو مبلغ وقدره الحق هلبة بالدات اللي عنده عايلة في حاجات يقدر يديرهم بروحه 

لو قررت انك تقدم بروحك سواء اون لاين او علي المكتب نزل مواضيع هني واسال ان شا ءالله بنص خطوة وحتلقي الاجابة هكي اغلب الموفدين يديرو هني في المنتدي وراجع حتي الخمواضيع اللي ليها ذات صلة هني 

اسفة علي الاخطاء ...نجري في الكتيبة

بارك الله فيك يا أختي .... معناها جاتك التأشيرة في 3 أسابيع  

أنا ان شاء الله بنقدم أونلاين هل ضروري إنه يكون موعد الدراسة بعد 3 أشهر أو لا ...؟؟؟ 
هل تعرفي مكتب كويس يعرف إيعبي أونلاين ...؟؟؟

Fathi swehli كتب:

بارك الله فيك يا أختي .... معناها جاتك التأشيرة في 3 أسابيع  

أنا ان شاء الله بنقدم أونلاين هل ضروري إنه يكون موعد الدراسة بعد 3 أشهر أو لا ...؟؟؟ 
هل تعرفي مكتب كويس يعرف إيعبي أونلاين ...؟؟؟

الحق توة شفت اكتر من مكتب يتكلمو عليه هني في الموفد 

بس اللي سالتهم الطموح والتحدي بس مانعرف حد دار عندهم او عبي عندهم شخصيا نسمع بيهم يقولو 

في اخت سارة هني يتكلمو علي مكاتب في ايوان حي الاندلس .....بس ع الاقل اللي تنقصه نقصه باش مكايكونوش يديروه كلهم وياخدو حقه 

بالله عليك ورقة قبول معهد ياخدو عليها في 200 جنيه علااااااااااااااااااااااااااااااش؟؟؟؟؟؟؟؟؟ وانت تقدر تديرها بلاش تدير سكان لدعم القبول بتاع البعتات وتبعتها لمعهد مافيشي رسوم منهم كالتشر ووركس ومعاهد تانية لقيتها في واحدة من المواضيع تديؤرها بروحك ويبعتولك ورقة القبول وغير هكي المكتب يفتحلك اكاوت\نت ممكن بس ويحملك الملفات وانت واقف ..... 

بس مش عارفة والله المبالغ خيالية الل يطيلبو فيها 

لواحد النت بتاعه قوي وانجليزيته كويسة وعنده فيزا ليش هالمصاريف بالدات اللي عيلة انا ماخسرت شيء في الفيزا غير تخليصها اون لاين بس وطبعا الكشف الطبي اللي بتحطهم كاش في نفس الوقت ^_^

اصبح كلامي 80% اخطاء املائية ^_^ 

سامحوني

الحق توة شفت اكتر من مكتب يتكلمو عليه هني في الموفد 

بس اللي سالتهم الطموح والتحدي بس مانعرف حد دار عندهم او عبي عندهم شخصيا نسمع بيهم يقولو 

في اخت سارة هني يتكلمو علي مكاتب في ايوان حي الاندلس .....بس ع الاقل اللي تنقصه نقصه باش مكايكونوش يديروه كلهم وياخدو حقه 

بالله عليك ورقة قبول معهد ياخدو عليها في 200 جنيه علااااااااااااااااااااااااااااااش؟؟؟؟؟؟؟؟؟ وانت تقدر تديرها بلاش تدير سكان لدعم القبول بتاع البعتات وتبعتها لمعهد مافيشي رسوم منهم كالتشر ووركس ومعاهد تانية لقيتها في واحدة من المواضيع تديؤرها بروحك ويبعتولك ورقة القبول وغير هكي المكتب يفتحلك اكاوت\نت ممكن بس ويحملك الملفات وانت واقف ..... 

بس مش عارفة والله المبالغ خيالية الل يطيلبو فيها 
لواحد النت بتاعه قوي وانجليزيته كويسة وعنده فيزا ليش هالمصاريف بالدات اللي عيلة انا ماخسرت شيء في الفيزا غير تخليصها اون لاين بس وطبعا الكشف الطبي اللي بتحطهم كاش في نفس الوقت ^_^

أنا الاوراق القبول كلهم بنديرهم أنا ....ناقصتني الفيزا معنديش بس .... 
لما إبنمشي للكشف الطبي إبندفع تاني ولا شني ..؟؟

وكم إيدير فيهم المكتب الطموح والتحدي لو سمحتي ..؟؟

مكتب الطموح او التحدي ترفع معاك حق الفيزا بتاعم ياعني مش عارفة كل واحد وحالته متلا الاعزب زيني 210 متلا ممكن دولار هدو بنرفعهم وبنزيد عليهم 50 دينار عمولة المكتب نفسه لانه خلص عن طريقه والكشف الاطبي بترفع معاك متلا لو عازب 220 دينار للعيادة وين انت ماشي بتديره بتخلص 170 ممكن علي التحليلات في الصبح وبعدها قبل الظهر تمشي تدير صورة الاشعة علي الصدر وحقها 50 دينار كله في نفس اليوم ... راهو السعر ليك بروحك هدا المرافقين معتديش عليهم علم ...والصغار بس في مواضيع يشرحو هني بالتفاصيل بتااع الكشف الطبي قصدي المهم راهو بتدير في حسابك انه فيه دفع

السلام عليكم .. بس الارقام هذين ميردوش اللهم الا و كالة الواحة و ملقوش الاسم عندهم انا نبي نسأل عن التفويض 22 نقل في اي وكاله؟؟

عفوا...ما هي الوكالات وكيف تتعاملوا معها ولماذا ...الحق اني مفهمتش(زي الاطرش في الزفة)....ههههه..........

اختي Om nithal ممكن كلمتيهم في وقت مش متواجدين والا فيه زحمه المهم هم يردوا واني شخصيا اليوم كلمت الامزون
الاخت سارة هذي الوكالات الاتي يتعامل معها مكتب البعثات لاصدار تذاكر السفر وهي المرحله الاخيره

سارة فارس كتب:

عفوا...ما هي الوكالات وكيف تتعاملوا معها ولماذا ...الحق اني مفهمتش(زي الاطرش في الزفة)....ههههه..........

أختي سارة الوكالات هذين لاما توصلي في مرحلة التذاكر بعد التفويض طبعا يوجهوك لوحده من الوكالات هذين و تستلمي منهم التذاكر ... موفقه ان شاء الله

بارك الله فيك ......

سااااااارة هدو وكالات سفر وسياحة بعد ماتكمل دورة حياة التفويض زي ماقال واحد من خوتنا في مواضيعه ^^ ..يوصل لمرحلة النهائية في البلاد قبل السفر واللي هيا تحويل القوائم من البعتات الي احد الوكلات لاصدار التداكر كل واحد علي حسب وجهته اللي كاتبها في النمودج بتاع تدكرة السفر هو ومرافقينه يمشي للبعتات يشوف رقم توفيضه متلا تفويض 1 توة اللي بيطلع بيتحول لاحد الوكلات يا زليتن يا الامازون المهم تمشي طول بزواج السفر للوكالة باش تاخدي تداكرك وتتفاهمي معاهم علي التاريخ اللي بتطلعي فيه والدرجة كان تبي تغيريها ياعني تفاصيل الرحلة بعون الله لبلد الدراسة ^^