خدمات مجانية ( معلومات عن الجامعات, سكن, مواصلات, تكاليف معيشة) بمدينة سياتل

السلام عليكم . . .
لاي استفسار عن مدينة سياتل تفضل وسوف يتم الرد عليك فأقرب وقت ممكن انشاء الله

السلام عليكم
والله نسمع انه مدينة رائعة بس ما هي وعلوماتك عن تخصص الهندسة مدنية او هندسة بيئة وكذلك كمبيوتر

mohamad bahamay كتب:

السلام عليكم . . .
لاي استفسار عن مدينة سياتل تفضل وسوف يتم الرد عليك فأقرب وقت ممكن انشاء الله

السلام عليكم
شكرا على المبادرة الطيبة فعلا انا محتاجة لبعض المعلومات عن هذه المدينة وبالخصوص اولمبيا من تاحية المعيشة والسكن ومعلومات عن معهد ef وما يلزم من اوراق للقبول الاكاديمي للدكتوراه تخصص احصاء. علما بانني تحصلت على قبول لغة في هذا المعهد بإذن الله السفر يوم 30-9ارجو افادتي بكل مايلزم للسفر . شكرا

الاخ السائل عن سياتل: بالفعل سياتل مدينة رائعة وبصدق من احسن المدن الموجودة بالمناطق الغريبة, مستوى المعيشة فيها معتدل نسبيا مش غالي ومش رخيص. بالنسبة للتخصص متعك موجود بجامعة واشنطن بسياتل
http://www.washington.edu/discover/academics/departments
بس مشكلتها التوفل والدجي ار اي يطلوبوا فيها عالية وموعد التقديم بشهر عشرة الى بداية حداش ويتم الرد عليك بشهر تلاتة. في حالة القبول حتدرس بشهر تسعة, يعني سنة من الانتظار, بس تعتبر من احسن 10 جامعات بامريكا. بها معهد لغة ممتاز. و في جامعة اخرى بنفس الولاية ( ولاية واشنطن) اسمها واشنطن ستيت يونيفيرسيتي تقع بمدينة بولمان و القبول بها اسهل انشاء الله.
وبالتوفيق ...ولاي سؤال تفضل

الاخت اللتي تسأل علي اولمبيا... حقيقة المدينة بنفس الولاية بس بعيدة عليا شوية. بس امهليني شوية انشاء الله نقدر نجيبلك عليها معلومات.
القبول الاكاديمي الشيء الاساسي اللي يلزمه والمتعارف عليه التوفل والدجي ار اي.

مشكور أخي
هل ممكن تعطينا بالارقام تكاليف الحياة في المدينة اللي انت فيها..
بالتفصيل لو سمحت اذا ما كانش في احراج.
ولك جزيل الشكر

الاخ mohamad بما انك سبق لك السفر الى سياتل اريد منك بعض المعلومات عن الرحلة من ليبيا لسياتل وعن كل مايلزم من اوراق في المطارات علما بانني حجزت على الخطوط الهولندية والسفر يوم الاربعاء 29-9 شكرا على تعاونك.

الاخت اللي تسأل علي اولمبيا هدا الرابط متع معهد اللغة
http://www.aaiep.org/schools/show/176/ef_international_school_of_english
ممكن تراسليهم عشان ممكن يوفرولك استقبال بالمطار
و زي مقتلك بالسابق هدفك الاول التوفل والدجي ار اي. مضيعيش وقتك بكل, توصلي ركزي فيهم بالدات ومتعطيش اهمية كبيرة للي تاخدي فيه بالمعهد لان التوفل ممارسة وتحضير بس
وانشاء الله بالتوفيق

الاخ السائل عن المطارات خلي عندك اهم شي الفيزا والاي تويني والقبول الجامعي والسيفس فشنطة فيدك هدا اهم شي
الباقي ساهل اجراءات عادية تعبيها فالمطار بس
وتوصل بالسلامة واي خدامة تفضل

mohamad bahamay كتب:

الاخ السائل عن المطارات خلي عندك اهم شي الفيزا والاي تويني والقبول الجامعي والسيفس فشنطة فيدك هدا اهم شي
الباقي ساهل اجراءات عادية تعبيها فالمطار بس
وتوصل بالسلامة واي خدامة تفضل

الاي تونتي اللي عندي مش اصلي فيه مشكلة؟ بالنسبة للسيفس مع الاي تونتي مش بروحه.
جزاك الله الف خير

mohamad bahamay كتب:

الاخت اللي تسأل علي اولمبيا هدا الرابط متع معهد اللغة
http://www.aaiep.org/schools/show/176/ef_international_school_of_english
ممكن تراسليهم عشان ممكن يوفرولك استقبال بالمطار
و زي مقتلك بالسابق هدفك الاول التوفل والدجي ار اي. مضيعيش وقتك بكل, توصلي ركزي فيهم بالدات ومتعطيش اهمية كبيرة للي تاخدي فيه بالمعهد لان التوفل ممارسة وتحضير بس
وانشاء الله بالتوفيق

سامحني كثرت عليك بالنسبة للتوفل ممكن اتفيدني ببعض المعلومات ,اكثر شي نهتم بيه وشن لازم ترفع معاي من ليبيا من كتب ومراجع اتفيدني وهل المترجم الناطق مهم .

هدي والله مني عارف... بس تقريبا الاصلي لازم

متجيبش معاك ولا كتاب من ليبيا... تجي اهني تلقا كتب كتيرة وبأسعار رخيصة جدا تشريها من الانترنيت.
التوفل في نوعين IPT, PPT
IPT اللي هوا بالانترنيت. وفي اربعة اقسام reading, listening, speaking, writing
PPT اللي هوا بالورقة. وفيه اربعة اقسام writing, grammar, reading , listenin
في الاول من 120 والورق من 677
كل جامعة تطلب فدرجة معينة
فلما تبدا شوف شن نقطة ضعفك وركز فيها
وحاول تقرى مقالات علمية عشان تساعدك في جزء القراءة واللي يعتبر الاصعب
الكتابة ايضا مهمة تحاول كل يوم تكتب مقالة ولو صغيرة وتعرف كيف اطور اسلوب قراءتك
بالنسبة للقاموس الناطق معتقدش مهم لانه فيه القوقل اللي فيه قاموس ناطق وفيه سوفتوير اسمه لونق مان هدا كويس لما توصل خوده لانه نطقه كويس بالاكسنت الامريكي
ومتخاف من شي... مهم تدرس
مفيش مستحيل بأدن الله
وبالتوفيق.. وتفضل فأي اسألة اخرى

mohamad bahamay كتب:

متجيبش معاك ولا كتاب من ليبيا... تجي اهني تلقا كتب كتيرة وبأسعار رخيصة جدا تشريها من الانترنيت.
التوفل في نوعين IPT, PPT
IPT اللي هوا بالانترنيت. وفي اربعة اقسام reading, listening, speaking, writing
PPT اللي هوا بالورقة. وفيه اربعة اقسام writing, grammar, reading , listenin
في الاول من 120 والورق من 677
كل جامعة تطلب فدرجة معينة
فلما تبدا شوف شن نقطة ضعفك وركز فيها
وحاول تقرى مقالات علمية عشان تساعدك في جزء القراءة واللي يعتبر الاصعب
الكتابة ايضا مهمة تحاول كل يوم تكتب مقالة ولو صغيرة وتعرف كيف اطور اسلوب قراءتك
بالنسبة للقاموس الناطق معتقدش مهم لانه فيه القوقل اللي فيه قاموس ناطق وفيه سوفتوير اسمه لونق مان هدا كويس لما توصل خوده لانه نطقه كويس بالاكسنت الامريكي
ومتخاف من شي... مهم تدرس
مفيش مستحيل بأدن الله
وبالتوفيق.. وتفضل فأي اسألة اخرى

والله مقصرت مشكور على المبادرة الطيبة وتعاونك, ممكن نعرف انت في اي جامعة في سياتل وتسأل على تخصص الاحصاء دكتوراه

السلام عليكم
اود ان اسال على كيفية القبول الجامعى لدراسة الدكتوراه فى مجال تدريس اللغة الانجليزية ( اهم شئ المناخ المعتدل واسعار الاقامة وجودة التعليم)

ولكم منا جزيل الشكر وفق الله جميع الطلاب المسلمين لما يحبه ويرضاه

الاخت فضيلة

انظري هذان الرابطان بخصوص التوفل:

http://www.almofad.com/montada-f12/topic-t2340.htm#17776

http://www.almofad.com/montada-f12/topic-t522.htm

السلام عليكم...
انا بسياتل بس للوقت الحالي لم ابدا الاكاديمية.... الوقت الحالي بأدرس GRE
سياتل الفرص فيها قليلة فالدراسة الاكاديمية لان بها جامعة وحدة كويسة... بس اللي حصل فيها قبول تعتبر ممتازة جدا.
الدكتورا في مجال اللغة الانجليزية: لازم تشوفي حد فالتخصص قبلك بأمريكا عشان تتناقشي معاه. عموما في اي تخصص في بعض الجامعات تنهي معهم المستويات الانجليزية وتتدخل عالاكاديمي مباشرة بدون التوفل والدجي ار اي.
في حالة ملقيتيش حد تستفسري منه فالموضوع هدا تقدري تبدي فأي معهد لغة او مدرسة لغة حتى ولو خاصة . بعد وصولك لامريكا بالتأكيد حتتعرفي علي ناس يدلوك علي طريق تخصصك الافضل.
العبرة زي ما قلت سابقا فالتوفل والدجي ار اي
وهدا تدرسيه حتى بنفسك . لان الجامعات والمعاهد يدرسوا فأشياء بعيدة عن التوفل
بالتوفيق ان شاء الله

الاخ اللي سأل عالاي تويني... النسخة الاصلية لازم تكون عندك... ما تخاطر وتطلع وبصورة

mohamad bahamay كتب:

الاخ اللي سأل عالاي تويني... النسخة الاصلية لازم تكون عندك... ما تخاطر وتطلع وبصورة

والقبول لازم اصلي؟

القبول ممكن صورة تمشي... الاي تويني مهم اصلي. وزيد تأكد

mohamad bahamay كتب:

السلام عليكم...
انا بسياتل بس للوقت الحالي لم ابدا الاكاديمية.... الوقت الحالي بأدرس GRE
سياتل الفرص فيها قليلة فالدراسة الاكاديمية لان بها جامعة وحدة كويسة... بس اللي حصل فيها قبول تعتبر ممتازة جدا.
الدكتورا في مجال اللغة الانجليزية: لازم تشوفي حد فالتخصص قبلك بأمريكا عشان تتناقشي معاه. عموما في اي تخصص في بعض الجامعات تنهي معهم المستويات الانجليزية وتتدخل عالاكاديمي مباشرة بدون التوفل والدجي ار اي.
في حالة ملقيتيش حد تستفسري منه فالموضوع هدا تقدري تبدي فأي معهد لغة او مدرسة لغة حتى ولو خاصة . بعد وصولك لامريكا بالتأكيد حتتعرفي علي ناس يدلوك علي طريق تخصصك الافضل.
العبرة زي ما قلت سابقا فالتوفل والدجي ار اي
وهدا تدرسيه حتى بنفسك . لان الجامعات والمعاهد يدرسوا فأشياء بعيدة عن التوفل
بالتوفيق ان شاء الله

ممكن تعطينا فكرة اكثر على GRE وكيفية الدراسة وكم المدة والتكلفة وهل هو اجراء من البعثات او من المكتب الكندي

The Graduate Record Examination GRE
هو مقياس قبول بالجامعات الامريكة... لا من البعتات ولا من المكتب الجامعي. هدا شي حاطينة الجامعة. وطبعا مطلوب فقط للماجستير والدكتوراه. البكلاوريوس مش مطلوب منهم.
فمن ضمن الاوراق اللي تسلمها فملفك للجامعة الدرجة اللي تجيبها فامتحان الدجي ار اي.
سعره حوالي 160 دولار وهوا متواجد في اغلب دول العالم ومن ضمنهم ليبيا. فتقدر تتمتحنه حتى فليبيا.
اغلب الجامعات تطلب فوق 920 في هدا الامتحان. بس يقبلو حتى اقل وانت وحظك.
ونسيت نقول انه خاص بالتخصصات العملية فقط متل الهندسة . الادراة ومايتبعها GMAT
الفترة الاولى اهتم بالتوفل فقط . هوا " الاهم " . الدجي ار اي تقراه حتى فالشهر العاشر مش صعب لان الليبين ماشاء الله كويسين فالرياضيات
وبالتوفيق