الخطوط التركيه

السلام عليكم ..
اريد ان اعرف على خط سير من بنغازي الي اسطنبول ثم كندا
ارجو من لديه الفكره او التجربه المشاركه بها
شكرا

التركية مانعرفش من بنغازي 

بس نعرف خطها اللي خدوها  بعض الطلبة طرابلس اسطنبول كندا

السلام عليكم...
اختي الكريمه ياريت توضحيلي اكثر ...

اللي نعرفه انه الخط علي التركية ..... طرابلس لسطنبول تورنتو ...

خط من بنغازي لطرابلس مش عارفة اكيد حيوفروها البعتات علي الخطوط الليبية بالك ماتشديهاش عليا مانعرفش ومش متاكدة الحق 

وبعدين من تورنتو للوجهة اللي تبيها تاخدي خطوط داخلية

شكرا اختي ....
شنو الاوراق اللي يطلبوها مني  في المطار ....

ehteda كتب:

السلام عليكم ..
اريد ان اعرف على خط سير من بنغازي الي اسطنبول ثم كندا
ارجو من لديه الفكره او التجربه المشاركه بها
شكرا

وعليكم السلام

لأي مدينة في كندا أختي الكريمة ؟

السلام عليكم ...
 خط السير (بنغازي...اسطنبول ...تورنتو   والسكن في ولايه اونتاريو

ehteda كتب:

السلام عليكم ...
 خط السير (بنغازي...اسطنبول ...تورنتو   والسكن في ولايه اونتاريو

وعليكم السلام 

التركية عندهم رحلتين من بنغازي ،،، ولهذ لديك خياران (يعتمد على مكتب الخطوط أو الوكالة اللي بتحجزي عندها) :

الخبار الأول : 
الرحلة الأولى : تقلع الطائرة من بنغازي الساعة 09:50 وتصل اسطنبول الساعة 13:00 ... ساعتان و 10 دقائق طيران ... الطائرة بوينغ 737 ... ترانزيت في مطار اسطنبول ساعة وعشر دقائق ...
الرحلة الثانية : تقلع الرحلة من اسطنبول الساعة 14:00 في نفس اليوم وتصل بمشيئة الله إلى تورنتو في كندا الساعة 17:50 ... مدة الرحلة 10 ساعات و 40 دقيقة طيران ... الطائرة بوينغ 777

الخيار الثاني :
الرحلة الأولى : تقلع الطائرة من بنغازي الساعة 20:15 وتصل اسطنبول الساعة 23:30 ... ساعتان وربع طيران ... الطائرة بوينغ 737 ... 
الرحلة الثانية هي نفس الرحلة في الخيار الأول ،،، وفي هذه الحالة ستحتاجون للمبيت ليلة واحدة ترانزيت في اسطنبول ، ولكن على حساب الخطوط في فندق راقي 4 أو 5 نحوم ووجبة إفطار مع التوصيل من وإلى المطار ...

وفي كلتا الحالتين التذكرة نفس السعر ...

الخطوط التركية ممتازة وراقية جداً وخدماتها رائعة والمعاملة أفضل ما يكون ،،، ناهيك عن وجبات الحلال الطيبة ...

السلام عليكم ..
شكرا جزيلا على المعلومات وبارك الله فيك....
اريد ان اسال عن الاوراق المطلوبه مني في المطار وعند الدخول الي كند ......
وايضا هل احتاج الي لغه انجليزيه قويه لكي اتكلم بها مع الموظفين في المطار لان لغتي الانجليزيه متوسطه قليلا
........

السلام عليكم ...
ممكن نعرف ما هي الاشياء الضروريه التي احملها معي يعني الاشياء الضروريه مع العلم مع طفل عمره 8 شهور يعني الملابس وغيرها
شكرا

المتوكل على الله كتب:

ehteda كتب:

السلام عليكم ...
 خط السير (بنغازي...اسطنبول ...تورنتو   والسكن في ولايه اونتاريو

وعليكم السلام 

التركية عندهم رحلتين من بنغازي ،،، ولهذ لديك خياران (يعتمد على مكتب الخطوط أو الوكالة اللي بتحجزي عندها) :

الخبار الأول : 
الرحلة الأولى : تقلع الطائرة من بنغازي الساعة 09:50 وتصل اسطنبول الساعة 13:00 ... ساعتان و 10 دقائق طيران ... الطائرة بوينغ 737 ... ترانزيت في مطار اسطنبول ساعة وعشر دقائق ...
الرحلة الثانية : تقلع الرحلة من اسطنبول الساعة 14:00 في نفس اليوم وتصل بمشيئة الله إلى تورنتو في كندا الساعة 17:50 ... مدة الرحلة 10 ساعات و 40 دقيقة طيران ... الطائرة بوينغ 777

الخيار الثاني :
الرحلة الأولى : تقلع الطائرة من بنغازي الساعة 20:15 وتصل اسطنبول الساعة 23:30 ... ساعتان وربع طيران ... الطائرة بوينغ 737 ... 
الرحلة الثانية هي نفس الرحلة في الخيار الأول ،،، وفي هذه الحالة ستحتاجون للمبيت ليلة واحدة ترانزيت في اسطنبول ، ولكن على حساب الخطوط في فندق راقي 4 أو 5 نحوم ووجبة إفطار مع التوصيل من وإلى المطار ...

وفي كلتا الحالتين التذكرة نفس السعر ...

الخطوط التركية ممتازة وراقية جداً وخدماتها رائعة والمعاملة أفضل ما يكون ،،، ناهيك عن وجبات الحلال الطيبة ...

السلام عليكم ورحمة الله وبركاته
بارك الله فيكم علي هذه المعلومات إن شاء الله في ميزان حسناتكم.
بخصوص الخيار الثاني، ما الفرق بين تذكرة الأكونومي والكومفورت والبزنس؟ يعني كم الزيادة بالزبط للتذكرة الواحدة؟

السلام عليكم....
ما هي الاغراض الضروريه للسفر وما هي المميزات لدرجه البزنس....