وصلت من حوالي اسبوع والحمد لله

السلام عليكم والله المنتدي ليه وحشه بس انا ما جبتش اللابتوب وتوا خاش من الهاتف والرحله كانت يا لطيف
نبدو علي بركه الله
طبعا الرحله واخدها ع الخطوط البريطانيه ومشيت زدت دفعت بيش خديتها ع البزنس جتني في زياده 70 دينار المهم
يوم 17/2 يوم الرحله وكان الترانزيت في هيترو لندن ومده الرحله من طرابلس لي لندن 4 ساعات تقريبيا وعندي نصيحه لي اي واحد غير ع البزنس لما توصل
في مطار هيترو قبل ما تختم الدخول برا ل مكتب الخطوط في المطار وقلهم انا عندي تدكره ع البزنس وعليها حجز هوتيل ويعطوك تلاته تداكر وحده للباص يلي توصلك و وحده للهوتيل و وحده للباص يلي بتردك للمطار المهم بتت ليله في الفندق واسمه شاريتون و في الصبح ردتني الباص للمطار واستنيت موعد الرحله وبعدين ركبت الطياره يلي رفعتنا ل تورونتو وكانت مده الرحله من لندن لي تورونتو 7ساعات وبعدها يا صاحبي بدي النفخ في مطار تورونتو المهم انا مداير عمله انه واخد القبول يلي قدمت بيه ع التاشيره من تورونتو ولما وصلت لتورونتو وريتلهم قبول اوتاوا مشي وقفوني لحوالي 40 دقيقه بعدها ختمولي الدخول وعطوني ورقه الاقامه وبعدها خديت الشناطي وطلعت جري بيش انلحق ع الطياره يلي بترفعني لاوتاوا وكانت الرحله من تورونتو اوتاوا 45 دقيقه وبعدها وصلت لاوتاوا واخيرا والحق حجزت في فندق جاي في downtown بالزبط اسمه the buisnes inn مجرد ما طلعت من المطار لقيت تاكسي عطيته عنوان الفندق رفعني ليه وننصح اي حد جاي اوتاوا يحجز عنده لانه بتسفيد منه في حاجتين
اول حاجه بديرها لما بتوصل بتفتح حساب يا سلااام والفندق بحداه بالزبط فرع من البنك هادا واسمهTD وبعد ما تفتح الحساب تمشي تنظم امورك معا جمانه مادابيك تمشيلها شخصيا ويا سلااام مكتب cbie قريب عليه مسافه 10 دقايق مشي وطبعا انا درت الخطوات هادم وقابلت حمانه جمانه شخصيا وهدرزت عليها تقريبا في كل المواضيع
وتوا فيه تكمله للموضوع غدوه ان شاء الله ....

خوي محمد الحمد لله علي السلامة 

وكويس بكل ^_^

واحد من قلب الحدث بيكلمنا في ادق التفاصيل 

الفندق فيه وايرلس ولا ^_^

هي جيب طويسة شاهي وتربعلنا 

تفااااااااااااصيل وراك شعب يستني ^_^

جمانة شن طلبت عليك بالضبط ... والهدرزة كلها .. واتاوا في هالاسبوع كيف ريتها ؟؟؟

المعهد كالتشرلا ووركس اللي مسجل فيه ؟؟؟مشيتله ولا لا وقبول المعهد امتي بيبدا الكورس عندك والطائرة من تورنتو لاوتاوا مخلصينها تابع للرحلة ولا مش بتخلصها انت ؟؟؟؟ 

الللي متسغرباته انه الفرق بين البزنس والاقتصادية شوية ؟؟؟؟غريبة الحق واكتر من حد أكدها 

الجو شنو بدي يسخن قالو ؟لكن شن قولك في الحوايج اللي ندمت قلت ياريتني ماجبتهم ؟؟؟

الوزن اللي خديته معاك علي البزنس زوز شناطي كل شنطة كم ؟؟؟؟

مقرر بتكسن مع عايلة ولا مازال مافكرتش ؟؟بتاجر بروحك ؟؟؟ 

شيشة المية كم ^_^ 

رفعت دولار امريكي ولا ؟؟كم تقريبا كان ماتبيش تقول باش مانحسدوش ^_^ لانه قالو الايجار تبي مقدم شهرين ؟ وقصة الضامن فكرت فيها ولا مازال 

سؤال حقا ..خديت شفرة كندية والا مازال ؟؟ محتكره علي اجهزتهم ولا عادي تاخد خط مفتوح من غير جهاز من عندهم وتفتحها علي جهازك ..لانه في اللي لا .....البيلا يمشي علي شفقرتهم ولا لا لانه نرفعو فيه ديما احتياط مرات يريحو تلفوناتنا ^_^

دهشت ...هذا قليل من كتير ...درت فينا شوية لين طلعتلك التاشيرة ...رد اللي عليك يا وخيي ^_^

سراب الحقيقة كتب:

خوي محمد الحمد لله علي السلامة 

وكويس بكل ^_^

واحد من قلب الحدث بيكلمنا في ادق التفاصيل 

الفندق فيه وايرلس ولا ^_^

هي جيب طويسة شاهي وتربعلنا 

تفااااااااااااصيل وراك شعب يستني ^_^

جمانة شن طلبت عليك بالضبط ... والهدرزة كلها .. واتاوا في هالاسبوع كيف ريتها ؟؟؟

المعهد كالتشرلا ووركس اللي مسجل فيه ؟؟؟مشيتله ولا لا وقبول المعهد امتي بيبدا الكورس عندك والطائرة من تورنتو لاوتاوا مخلصينها تابع للرحلة ولا مش بتخلصها انت ؟؟؟؟ 

الللي متسغرباته انه الفرق بين البزنس والاقتصادية شوية ؟؟؟؟غريبة الحق واكتر من حد أكدها 

الجو شنو بدي يسخن قالو ؟لكن شن قولك في الحوايج اللي ندمت قلت ياريتني ماجبتهم ؟؟؟

الوزن اللي خديته معاك علي البزنس زوز شناطي كل شنطة كم ؟؟؟؟

مقرر بتكسن مع عايلة ولا مازال مافكرتش ؟؟بتاجر بروحك ؟؟؟ 

شيشة المية كم ^_^ 

رفعت دولار امريكي ولا ؟؟كم تقريبا كان ماتبيش تقول باش مانحسدوش ^_^ لانه قالو الايجار تبي مقدم شهرين ؟ وقصة الضامن فكرت فيها ولا مازال 

سؤال حقا ..خديت شفرة كندية والا مازال ؟؟ محتكره علي اجهزتهم ولا عادي تاخد خط مفتوح من غير جهاز من عندهم وتفتحها علي جهازك ..لانه في اللي لا .....البيلا يمشي علي شفقرتهم ولا لا لانه نرفعو فيه ديما احتياط مرات يريحو تلفوناتنا ^_^

دهشت ...هذا قليل من كتير ...درت فينا شوية لين طلعتلك التاشيرة ...رد اللي عليك يا وخيي ^_^

يا أختي سراب وحدة وحدة خلي الراجل يتنفس ..... أسئلتك عديتهم 14 السؤال

سراب الحقيقة كتب:

خوي محمد الحمد لله علي السلامة 

وكويس بكل ^_^

واحد من قلب الحدث بيكلمنا في ادق التفاصيل 

الفندق فيه وايرلس ولا ^_^

هي جيب طويسة شاهي وتربعلنا 

تفااااااااااااصيل وراك شعب يستني ^_^

جمانة شن طلبت عليك بالضبط ... والهدرزة كلها .. واتاوا في هالاسبوع كيف ريتها ؟؟؟

المعهد كالتشرلا ووركس اللي مسجل فيه ؟؟؟مشيتله ولا لا وقبول المعهد امتي بيبدا الكورس عندك والطائرة من تورنتو لاوتاوا مخلصينها تابع للرحلة ولا مش بتخلصها انت ؟؟؟؟ 

الللي متسغرباته انه الفرق بين البزنس والاقتصادية شوية ؟؟؟؟غريبة الحق واكتر من حد أكدها 

الجو شنو بدي يسخن قالو ؟لكن شن قولك في الحوايج اللي ندمت قلت ياريتني ماجبتهم ؟؟؟

الوزن اللي خديته معاك علي البزنس زوز شناطي كل شنطة كم ؟؟؟؟

مقرر بتكسن مع عايلة ولا مازال مافكرتش ؟؟بتاجر بروحك ؟؟؟ 

شيشة المية كم ^_^ 

رفعت دولار امريكي ولا ؟؟كم تقريبا كان ماتبيش تقول باش مانحسدوش ^_^ لانه قالو الايجار تبي مقدم شهرين ؟ وقصة الضامن فكرت فيها ولا مازال 

سؤال حقا ..خديت شفرة كندية والا مازال ؟؟ محتكره علي اجهزتهم ولا عادي تاخد خط مفتوح من غير جهاز من عندهم وتفتحها علي جهازك ..لانه في اللي لا .....البيلا يمشي علي شفقرتهم ولا لا لانه نرفعو فيه ديما احتياط مرات يريحو تلفوناتنا ^_^

دهشت ...هذا قليل من كتير ...درت فينا شوية لين طلعتلك التاشيرة ...رد اللي عليك يا وخيي ^_^

يا أختي سراب وحدة وحدة خلي الراجل يتنفس ..... أسئلتك عديتهم 14 السؤال

خوي طارق ....والله مازال كنت بنسأل غير تحشمت قلت خليهم للرد التاني  

باش يشعف ماخدي التاشيرة لين بهدلنا 

ويرد اللي عليه ^_^

وواهو مصدر موتوق حي يرزقف لايف من قلب الحدث ^_^

نديرله في دعاية ... باش يطفش الموفد ينساه   
...

هيا نستنو خوي طارق   

خطرها سؤال في الطريق ...مشيت قالتلك جمانة حولوها قوائم التفويض ياعني المنحة اسبوعين وتنزل ولا غامرت ومشيت قبل مايحولو التفويض اللي من العادة يستغرق مدة تحويله لشهر

أختي سراب أنتي كفيتي أوفيتي حاولت نخترع سؤال ملقيتش كلهم أنتي هنيتي علهم مزال غر قداش خلص التاكسي من المطار للفندق

طارق الغنيمي كتب:

أختي سراب أنتي كفيتي أوفيتي حاولت نخترع سؤال ملقيتش كلهم أنتي هنيتي علهم مزال غر قداش خلص التاكسي من المطار للفندق

ماهو المعيشة كلها اختصرتها في سؤال قداش شيشة المية ^_^ ومنها نستنجو  

ربي يوفقك يا خوي محمد

الحمد لله على سلامة الوصول..ممكن تعطينا رأيك في البريطانية درجة البرنس ؟وكنت في اما تفويض؟

حمد الله عالسلامه يا محمد
وياسراب اديري بالسبت تلقي بالاحد .. غير قولي سافرت بس ^_^

السلام عليكم 
حمد لله على السلامة 
الحقيقية اخت سراب كفت ووفت 
ونحن ننتظر في الاجابة 
 

الحمد الله على السلامة مازال عندى 14 السؤال تانيات هههههههه ربى يوفقك إن شـاء الله ويثبت امورك بس عندى ملاحظة للموفدين بالدات اللى عندهم عائلة زى حالاتى ارفعوا معاكم فراشات الكبار وما تتحشموش لان غاليات هلبة هلبة غادى باش لما تاجر ترقد عليهم فى البداية لين تاخد اثاثك وفى سرير للصغار حتى هوا ارفعوه معاكم ينطوى و ما ياخدش حجم

ربي يوفقك خوي محمد ، أنا سؤالي في أي معهد لغة أو جامعة سجلت

اختي سراي الحقيقه
اكيد فيه طبعا الفندق وفيه احلي وايرلس
وجمانه طلبت مني تصريح دخول وصوره من التاشيره وختم الدخول والاقامه والتفويض وبرقيه بدايه صرف وتعريف الطالب دازهملها من قبل واوتاوا نستكشف فيها ليه ليه توا ندير عليها موضوع
الكلتشر ووركس موعدي معاهم غدوه بندير امتحان تحديد مستوي
ويوم الاتنين نبدا نقرا
والرحله من تورونتو لي اوتاوا ع حساب التدكره حتي هي
ويكدب عليك يلي قالك الجو بدي يسخن هو اليوم -15 والتلج ما وقفش وغدوه قالو -30
بالنسبه للسكن توا اجرت شقه انا وزوز صحابي مؤقتا لمده شهر وتو بندور ع عيله نبي نتهلم لغه اسرع رافع معاي 2300 دولار امريكي وساديني الحمد لله ويوم 1 مارس تنزل منحه اللابتوب تقريبا
وبالنسبه للشفره شريت وحده اسمها الفيدو وانا رافع معاي هاتف واصلا كيف ما تبي يعطوك شفره بهاتفها ولا شفره بروحها وتفضلو اسئلو ما عندكمش اي اشكاليه

هي كان دهش بو لقمه خلي بنعاونه...بس نحس في لياقته قوية وبيكمل للجولة الاخيرة.. 

السلام عليكم
شن تخصصك يا مجمد
نبو نسالو على تخصص هندسة النفط

محمد وخيي دامك الوايرلس فل وماشاء الله باهي دير اقتباس للمشاركة.وفصلنا ^_^... من عاونك في الشقة وقداش ايجارها لقيتها طول ولا وفرها المعهد ؟مع انه سكن اللي يوفره المعهد لما يبعتو في ايميلات يقولو غير تعالو بس الطلبات متوفرة علي حسب الطلب ...طلع صح لما شفته بعين الحقيقة ولا صعب يتوفر طلبك عندهم؟؟ اجررتو شقة مش يقولو لازم دفع شهرين مقدم ومعاها ضامن ومش ن اول ماتوصل تحصل ومافيش شقق ايجار بالشهر بس اقل شيء بعقد.... ؟؟ حقايق يدخو وربنا يستر..... نستنو في الايضاحات وقولنا شن طلع اما ليفل انت ^^... ماقلتش مشيت بعد مابعتتلك جمانة قالتك اسمك وصل في التفويض ولا حزمت اامتعة وتوكلت علي ربي ومافيش عراقيل غادي؟؟

توا كيف خاش امتحان تحديد المستوي انكمله ورد عليكم ^^

mohammed_abologma كتب:

توا كيف خاش امتحان تحديد المستوي انكمله ورد عليكم ^^

إن شاء الله خير ..^^ 

الحمد لله على السلامة يامحمد وربي يسهل للجميع وعقبال يلحقوا كلهم وربي يسر لك امورك ومشكورين الاخت سراب والاخ طارق والجميع على الاسئلة المهمة

ربي يوفقك ، في أي معهد لغة سجلت

في الكلتشر ووركس خوي احمد الحضيري

اختي سراب الحقيقه ما نقدرش ندير اقتباس لانه فاتح من هاتف توا المهم
انا قعدت في فندق لمده 7 ايام انا وصحابي الزوز
وفي الفتره يلي قعدتها في الفدنق قعدنا ندورو في شقه لمده شهر وما لقيتها الا بطلاع الروح لان الطلب يلي طالبه انا وصحابي غريب وصاعب يلي هو شقه فيها زوز bedroom وتكون مفروشه وبلا عقد وفي الاخير حصلناها وتوا بنكلمو المعهد يوفرونا عائلات وكان ما عجبونيش توا ندور بروحي وطبعا اليوم درت امتحان تحديد مستوي ويوم الاتنين تطلع النتيجه ونبدا نقرا وقصه جمانه والتفويض تحول ولا لا انا راسلتها قبل ما نسافر وقتلي تفويضك وصل يلي هو 26 وعطتني الضوء الاخضر

mohammed_abologma كتب:

السلام عليكم والله المنتدي ليه وحشه بس انا ما جبتش اللابتوب وتوا خاش من الهاتف والرحله كانت يا لطيف
نبدو علي بركه الله
طبعا الرحله واخدها ع الخطوط البريطانيه ومشيت زدت دفعت بيش خديتها ع البزنس جتني في زياده 70 دينار المهم
يوم 17/2 يوم الرحله وكان الترانزيت في هيترو لندن ومده الرحله من طرابلس لي لندن 4 ساعات تقريبيا   وعندي نصيحه لي اي واحد غير ع البزنس لما توصل
في مطار هيترو قبل ما تختم الدخول برا ل مكتب الخطوط في المطار وقلهم انا عندي تدكره ع البزنس وعليها حجز هوتيل ويعطوك تلاته تداكر وحده للباص يلي توصلك و وحده للهوتيل و وحده للباص يلي بتردك للمطار المهم بتت ليله في الفندق واسمه شاريتون و في الصبح ردتني الباص للمطار واستنيت موعد الرحله وبعدين ركبت الطياره يلي رفعتنا ل تورونتو وكانت مده الرحله من لندن لي تورونتو 7ساعات وبعدها يا صاحبي بدي النفخ في مطار تورونتو المهم انا مداير عمله انه واخد القبول يلي قدمت بيه ع التاشيره من تورونتو ولما وصلت لتورونتو وريتلهم قبول اوتاوا  مشي وقفوني لحوالي 40 دقيقه بعدها ختمولي الدخول وعطوني ورقه الاقامه وبعدها خديت الشناطي وطلعت جري بيش انلحق ع الطياره يلي بترفعني لاوتاوا وكانت الرحله من تورونتو اوتاوا 45 دقيقه وبعدها وصلت لاوتاوا واخيرا والحق حجزت في فندق  جاي في downtown بالزبط  اسمه the buisnes inn مجرد ما طلعت من المطار لقيت تاكسي عطيته عنوان الفندق رفعني ليه وننصح اي حد جاي اوتاوا يحجز عنده لانه بتسفيد منه في حاجتين
اول حاجه بديرها لما بتوصل بتفتح حساب يا سلااام والفندق بحداه بالزبط فرع من البنك هادا واسمهTD  وبعد ما تفتح الحساب تمشي تنظم امورك معا جمانه مادابيك تمشيلها شخصيا ويا سلااام مكتب cbie قريب عليه مسافه 10 دقايق مشي وطبعا انا درت الخطوات هادم وقابلت حمانه جمانه شخصيا وهدرزت عليها تقريبا في كل المواضيع  
وتوا فيه تكمله للموضوع غدوه ان شاء الله ....

الله يبارك فيك عالمعلومات ^ـ^
شن تنصحنا فى الحوايج ؟