تفويض 1 وين وصل

السلام عليكم

بالله يا شباب اللي يعرف تفويض رقم 1 أو 2 وين وصل يقوللنا لأن موعد الدراسة قريب ومعش فيها

في أحد في المنتدى اسمه في تفويض رقم 1 ؟

يا أخ محمد أكيد فيه ناس في ت1 بس كلها تتجنب الاجابة ع اسئلتك لأن مافيش حد عنده معلومة أكيدة والوزارة كل يوم تقول حاجة وتوعد بحاجة وتخلف بوعدها، عموما اخر الأخبار المتداولة والمنقولة من الوزارة ان التفويض توقع وجاهز للتحويل للخزانة والمفترض انه يتحول الاحد هذا والله أعلم، كلامي كله منقول من الفيس فهو يحتمل الصواب والخطأ، ونسأل الله أن يكون كلام صحيح

علي قولت حوي سكريت .... يقال انه ت 1 الاحد الاتنين يكون في الخزانة بعون الله

      

تفويض1 في الوزارة بالتحديد في مكتب المراقب المالي وقالوا في خلال يومين أو ثلاثة يتحول وتفويض2 في المراجعة الداخلية هذه أخر الاخبار اليوم من وزارة التعليم العالي

بارك الله فيك

وان شاء الله يتحول كيف ما قالو.... ولا يغيرو رايهم كيف كل مره

بديت نيئس أنا

حسب وجهة نظري الباين مفيش سيولة يعني مفيش فلوس هذا علاش يأخروا فيه والله أعلم

باهي ليش ما يقولو الصدق ليش يكذبو عليا

يقولو بعد شهرين من الأول ... أفضل من كل يوم يقولو بكره الى نهاية الشهرين

ربي يصلح الحال

السلام عليكم
انا ف تفويض 1-2014

مافيش جديد؟

تفويض واحد اليوم في الخزانة تاكدت منهم الظهر ...مبارك لموفدين ت 1...واخيرا الحق

وتفويض 2 ياسراب الحقيقة هل عندك معلومة  عليه

الله أكبر ولله الحمد... يعني امتى نستلمو رسالة بداية الصرف ؟

واذا في أحد مشى للخزانة يقوللنا شنو صار بالضبط

واختي سراب الحقيقة هل أنتي في تفويض رقم 1 ؟

باش مهندس لا الحق مش في تفويض 1 انا بس اغلب الي نعرفهم في ت 1... بس في اقاويل انه حتي ت2 تحول انا ماسالتش بس يقال الحق...ت1 برقياته يجهزو بكرة ان شاء الله

وت 3 في المراجعة ...ان شاء الله...الحمد لله تسهلت هلبة ^_^

شكرا لك سراب الحقيقة  وانا ايضا سمعت ان التفويضين 1 و2  تحولوا الى الخزانة مع بعض

خوي نبرا .....تاك

د الخبر انه ت 1 وت 2 في الخزانة وجزء من اسماء في ت 3 لانه ت 2 تقريبا 45 موفد بس شوية بكل زادو منه اسماء في ت 3 .... وانش ا لله تتسهل بعد سكرو الخزانة اليوم ...

شكرا لك اختى سراب الحقيقة كفيتى ووفيتى اختى الكريمة

في حد مشى للخزانة اليوم ؟؟

طمنوني الله يطمنكم

اللي يمشي اليوم للخزانه يقوللنا شن صار معاه

اي حد ماشي للخزانة يقوللنا شنو صار في تفويض 1 ؟؟

ربي يوفق الجميع ويسخر لهم التفويضات بأسرع وايسر الطرق واقل الاوقات

سراب الحقيقة كتب:

خوي نبرا .....تاك

د الخبر انه ت 1 وت 2 في الخزانة وجزء من اسماء في ت 3 لانه ت 2 تقريبا 45 موفد بس شوية بكل زادو منه اسماء في ت 3 .... وانش ا لله تتسهل بعد سكرو الخزانة اليوم ...

تفويض 1 فيه 500 موفد وتفويض 2 فيه 300 موفد