بخصوص موضوع 75% المطلوبة في كندا و أمريكا.

السلام عليكم.

أنا عندي قرار دكتوراة و متحصل على ماجستير من بريطانيا (with Merit) مش (Distinction) من جامعة غلاسغو سنة 2010.
سؤالي على معدل الـ 75% المطلوب هل هو للماجستير أم للبكالوريوس (معدلي 81%).

بالله إذا فيه أي حد حالته مشابهة لحالتي و قدم على رسالة الدعم بعد 01-01-2014 يشاركنا تجربته و يقولنا شن صار معاه مع البعثاث و المكتب الكندي و هل يحق له فترة اللغة إذا فيه حد مشت أموره تمام.

أفيدونا أفادكم الله و السلام عليكم.

السلام عليكم
اخى الكريم معدلتير من بريطانيا لان نظام  75% مطلوب من الطلبه الذين تحصلوا على شهاده ماجستير او بكالوريوس من ليبيا ولكن هذا لاينطبق على الذين تحصلوا على ماجسير من بريطانيا لان مايسمى GPA وهو النظام الامريكى او الكندى يختلف معادلته من دوله لااخرى المطلوب لدخول الجامعات الكنديه ان يكون المعدل B فى اغلب الجامعات وفى ليبيا %B 75 ولكن يختلف عنه فى بريطانيا 
نظام الجامعات البريطانيه ECTS وليس GPA واثناء المعادله يكون ECTS اعلى من GPA لان نظام الوحدات للماجستير فى بريطانيا اعلى من امريكا وكندا فيكون حوالى 180 كردت فى بريطانيا و120 كردت فى كندا يعنى لما تكون Pass من بريطانيا اثناء المعادله بالنظام الكندى او الامريكى يكون merit ممكن التى يوضحلك اكثر

السلام عليكم 
اخى الكريم تكمله لجوابى انا نفس وضعك حتى انا تخرجت من بريطانيا 2010 ولما راسلت المكتب الكندى بخصوص دعم التاشيره ارسلوا لى مسج يبين ضروره الحصول على قبول اكاديمى لان فتره اللغه المحدده لى فقط ثلاثه شهور وطلبوا منى تقديم قبول لغه لمده سنه لغرض اتمام التاشيره فقط وفتحوا لى ملف وارسلوا لى دعم التاشيره ولكنهم اكدوا على ضروره القبول الاكاديمى قبل الوصول لكندا   لان اغلب الجامعات الكنديه تستثنى الطلبه الحاصلين على شهادات من دول ناطقه بالانجليزيه من ضروره الحصول على الايلتس او التوفل  انشالله حانقدم على التاشيره بقبول لغه والى الان لى شهرين نراسل على قبول اكاديمى ومازلت ماتحصلت عليها وربي يستر انشالله

بارك الله فيك أختي فاطمة على الرد السريع.

ممكن تتوضحي أمتى بديتي في إجراءات التنفيذ الخاصة بيك؟

فاطمه كتب:

السلام عليكم 
اخى الكريم تكمله لجوابى انا نفس وضعك حتى انا تخرجت من بريطانيا 2010 ولما راسلت المكتب الكندى بخصوص دعم التاشيره ارسلوا لى مسج يبين ضروره الحصول على قبول اكاديمى لان فتره اللغه المحدده لى فقط ثلاثه شهور وطلبوا منى تقديم قبول لغه لمده سنه لغرض اتمام التاشيره فقط وفتحوا لى ملف وارسلوا لى دعم التاشيره ولكنهم اكدوا على ضروره القبول الاكاديمى قبل الوصول لكندا   لان اغلب الجامعات الكنديه تستثنى الطلبه الحاصلين على شهادات من دول ناطقه بالانجليزيه من ضروره الحصول على الايلتس او التوفل  انشالله حانقدم على التاشيره بقبول لغه والى الان لى شهرين نراسل على قبول اكاديمى ومازلت ماتحصلت عليها وربي يستر انشالله

السلام عليكم..........
لو سمحت اخت فاطمة حتى انا نفس الشئ خديت الماجستير من يريطانيا في 2010 ما فهمتش هل انت طلبتي تاخدي لغة 3 شهور والا المكتب طلب منك  هالشي هذا؟ اللي فهمته انك خديتي قبول اللغة باش تديري اجراءاتك.  لو سمحتي شن تخصصك الدقيق؟  وسامحيني كان كثرت عليك بالاسئلة ..........ز

السلام عليكم اخى
انت تحصلت على قرار ايفاد جديد  يعنى يعطوك سنة لغه 12 الشهر   فما المانع من التقديم على التاشيرة والبحت علي القبول الاكاديمى فى كندا ؟

السلام عليكم ...خوي r.khershif امورك ان شاء الله تمام واني حالتك هذي مريت بيها وصار فيه حاله لن عنقريب جاني الصفير ...وبعدين عرفت merit تعني  upper class والي هي من 75 وفوق المهم اني فتحت ملف وجتني التاشيرة وقدمت على التفويض وهاني خشيت جثيمه تانيه غاطه على صدري قالوا عزايزنا ..امتا التفويض بيطلع ...وكنت عابي علي الدكتور خالد الزوبير فحتي هو حول ربي يستر .....اخر اخبار التفويض نقلا عن صديق يشتغل غادي قال 3 و4 حولهم للوزاره ...وزارة التعليم ....قصه كبيره ...ما تطلع لكندا لين تطلع روحك سبع مرات ......ان لله وان اليه راجعون

dhnos كتب:

السلام عليكم ...خوي r.khershif امورك ان شاء الله تمام واني حالتك هذي مريت بيها وصار فيه حاله لن عنقريب جاني الصفير ...وبعدين عرفت merit تعني  upper class والي هي من 75 وفوق المهم اني فتحت ملف وجتني التاشيرة وقدمت على التفويض وهاني خشيت جثيمه تانيه غاطه على صدري قالوا عزايزنا ..امتا التفويض بيطلع ...وكنت عابي علي الدكتور خالد الزوبير فحتي هو حول ربي يستر .....اخر اخبار التفويض نقلا عن صديق يشتغل غادي قال 3 و4 حولهم للوزاره ...وزارة التعليم ....قصه كبيره ...ما تطلع لكندا لين تطلع روحك سبع مرات ......ان لله وان اليه راجعون

السلام عليكم.
شكرا أخي dhnos و أختي فاطمة على الرد و بارك الله فيكما.

dhnos أنت واصل في مرحلة التفويض يعني عندك التأشيرة.
ما وضحتش هل نفذت قرارك بعد أول قبل القرار متاع الـ75%. يا ريت توضح و هل عندك فكرة على قصة الثلاثة شهور متاع اللغة و شرط الحصول على قبول أكاديمي قبل السفر لكندا اللي أشارتله الأخت فاطمة مشكورة.

ربي إنشاء الله يسهل دربك و يسرع في باقي إجرءاتك إنت و الأخت فاطمة و الأخت ريري و كل الموفدين آآآآآآآآآآآآآآآآآآآآمممممممممييييييييييييينننننننننننن.

اني فتحت ماف بعد القرار متع المكتب الكندي....وبالنسبه للغة مش عارف قالوا انك متحصلعلى شهاده من برطانيا فممكن فترة اللغة مش رح اتكون 12 شهر لكن هذ مش من اختصاصهم ...اني بنمشي حسب التفويض

هل تقصد فتح الملف في كندا؟ ﻷن سؤالي على التنفيذ و بدء اﻹجراءات في ليبيا هل كان قبل أو بعد القرار متاع 75% (01-01-2014).

بعد القرار ياخوي

بوركت.
ربي يفتح عليك.

السلام عليكم
اخى الكريم انا تحصلت على ورقه الدعم المالى من المكتب الكندى فى شهر 2 والان انا استعد للتقديم على التاشيره تحصلت على قبول اللغه فى شهر 12 وفى شهر 1 تحصلت على ورقه الدعم المالى لغرض التاشيره من اداره البعثات مع العلم انا قرارى تفعل فى شهر 8-2013 واى استفسار اخر نحن فى الخدمه
ربي يوفق الجميع

السلام عليكم
انا لما راسلت المكتب الكندى هذا الكلام الى وصلنى منهم
  
 

السلام عليكم
اخت فاطمة الكلام واضح    بس ممكن توضحيلي حاجة وحده بس    مادام انت عندك ماستر من بريطانيا   ؟ هل قرار الايفاد الجديد  برسالة الدعم المالي  اعطوك لغة او رسالة الدعم المالي تشمل الاكاديمي بس ؟
ممكن التوضيح ؟

فاطمه كتب:

السلام عليكم
اخى الكريم انا تحصلت على ورقه الدعم المالى من المكتب الكندى فى شهر 2 والان انا استعد للتقديم على التاشيره تحصلت على قبول اللغه فى شهر 12 وفى شهر 1 تحصلت على ورقه الدعم المالى لغرض التاشيره من اداره البعثات مع العلم انا قرارى تفعل فى شهر 8-2013 واى استفسار اخر نحن فى الخدمه
ربي يوفق الجميع

أنتي قرارك كان قبل موضوع الــ 75% فممكن جماعة المكتب الكندي خذوا الكلام هذا في الحسبان. المهم، هل قدمتي على التأشيرة بقبول اللغة و إلا مازال؟ إذا قدمتي يا ريت تخلينا على إطلاع بمستتجداتك (إنشاء الله السفارة بدورهم ما يشدوش في موضوع الماستر من بريطانيا).

بارك الله فيك و ففقك و أعانك و أعاننا و عجل الله في حصولك على القبول الأكاديمي في أقرب وقت إنشاء الله.

نعم ورقه الدعم المالى مذكور فيها لغه واكاديمى