مساعدة مستتتتتتتتتتتتعجلة

أرجوا معرفة انا قدمت في البعثات وطلعولي ورقة بدابة الصرف هل مطلوب اصل اما صورة لان الموظف عطاني صورة .والخطوة الثانية سني

الحمد لله اخ مهيمن اللي نعرفه انك لازم ترسل نسخة للمكتب الكندي اما بخصوص الصورة ان شاء الله ايفيدوك

يعطوق صورة

مهيمن كتب:

أرجوا معرفة انا قدمت في البعثات وطلعولي ورقة بدابة الصرف هل مطلوب اصل اما صورة لان الموظف عطاني صورة .والخطوة الثانية سني

خوي مهيمن صور هده الصورة صورتين تانيات  الولى ارفعها الى مالية البعتات في الدور التانى للبعتات اول ماتركب الدروج امتاع البعتات يجيك المكتب على اليسار خش تلقى موظفة غادى قوللها انا ماشى كندا ونبيك تنزلينى في اول تفويض مسيل وتعطيك رقمه باش تتابعه لان هلبة ناس يسحابوا دورة التفويض دورة واحدة والتفويض ياخد في دورتين  والنسخة التانية ارفعها الى جماعة تفويض التداكر في الدور الارضى للبعتات تالت مكتب على اليمين  وعبيلهم النمودج واعطيهم صور الجوازات انتو والمرافقين باش يصدرولك التداكر والنسخة الاخيرة ارفعها معاك الى كندا باش تبعتها بالايمييل الى المكتب الكندى

السلام عليكم: اخ طارق ممكن اتقوللنا المدة تقريبا من لما يطلع التفويض لعند الوصول لمرحلة التذاكر

Rana-$-Ca كتب:

السلام عليكم: اخ طارق ممكن اتقوللنا المدة تقريبا من لما يطلع التفويض لعند الوصول لمرحلة التذاكر

من شهر الى شهرين اخى الكريم انت والزهر

السلام عليكم, انا موفد وفي التفويض 2 اريد ان اسئل عن وكاله السفر التي تحول لها التفويض