الرجاء المساعدت ضروري

زوجي متحصل ع تاشيرة لكندا اليوم مشي للجوازات بيش ايجدد جوازه قالوله اللقب في الجواز و التاشيرة مش نفس منظومة السجل يعني ما يقدر ايغير اللقب في المنظومة مش عارفة هل اتعدل التاشيرة و لا تلتغي بالله يلي صار معاه نفس القصة ايطمنا واحنيه في الجنوب والله اعينا من السفر و الورق يلي ما يبي ايتم

السلام عليكم: اختي اللي نعرفه انه كل الاوراق لابد من انها تكون نفس البيانات اللي بالجواز يعني متغيري شي في التأشيرة الا اذا غيرتي بياناتك بالجواز اما بخصوص التجديد والله موضوع انا نفس الشي نبي نجدد لكن موال طويل. ان شاء الله اللي عنده معلومة ما يبخلش عليك

المشكلة اللقب يلي في الرقم الوطني مش نفس الجوازوالتاشيرة

وموظف السجل قال ما يقدر ايغير لقب العائلة

المهم لما تكتب القب الانجليزي تكتبه زي التاشيره والعربي ما يهمش

اختي اكيد لو زوجك ياخذ الاوراق والتأشيرة ويمشي بيهم للمركز اللي تابع ليكم قصدي السجل المدني ويحكيله القصة وان فيها مشكلة بالنسبة ليكم اكيد حيدروله حل لأن التغيير من عندهم وانتوا توا تبوا كل بياناتكم بالاوراق زي ما في الجواز والتأشيرة. ديروا جهدكم

السجل المدني ما يبي ايعدل

السلام عليكم  .................       اخت ساهرة الليل اهم شي عدلوا عند جماعة الرقم الوطني لان منضومة الجوازات مربوطة مع منضومة الرقم الوطني وتركزي على نفس الاسم الموجود في التاشيرة

السلام عليكم .. تغيرت اللقب من السجل المدني صعبة تحتاج الي حكم محكمة .. لكن الحل ممكن اذا كان اسم زوجك ثلاثي في كتيب العائلة ويكون رباعي باللقب كما هو الان لديكم .. يذهب الي السجل المدني ويأتي بإفادة من السجل المدني بالاسم الرابع الي هو اللقب الي في التأشبرة الان ثم يذهب الي منظومة الرقم الوطني في السراج يضيفولا الاسم الرابع فيصبح اسمه رباعي مع اللقب خماسي ممكن بعدها الجوازات يقتنعو بالظرف ....

السلام عليكم
الحل بسيط جدا جدا
قدم جوازك عادي جدا وبالطرق المتبعة ولما تعبي النموذج اكتب اسمك بالانجليزي زيما مكتوب ف التاشيرة فوق الاسم العربي ف النموذج وبلغ ضابط الجوازات انه عندك تاشيرة وفيها الاسم بهالشكل لازم يكتب الاسم زي التاشيرة.
وانا درت هكي وجي الاسم زيما كتبته لهم.
والله يوفق الجميع.