لمن اخذ التأشيرة الكندية حديثا اونلاين..ارجو المساعدة

emadegbaitha كتب:

السلام عليكم ياخوتي انا ليا فترة دايرة الكشف الطبي ووصل لفرنسا 5-2-2014   والبصمة 3-2-2014 ومعاي زوجي وطفلين والى الان ما فيش جديد هل التأخير وارد وكيف ممكن نتصل باش نتأكد ان ما فيش مشكلة.. مع العلم اني مقدمة ونلاين

بالله ياخوتي افيدوني افادكم الله

وعليكم السلام
هل المكتب الكندي بعت رسالة الدعم المالي (FSL) الى السفارة؟ لو مبعتش ممكن هذا هو السبب

واللة حتى انا ياختى زي حالتك باضبط الكشف وصل يوم 5/2 والبصمة درتها 28/1        ومعاى زوجي وعيالى الاثنين
معش ردو عليا قعدت امعلقة هكى وخلاص ان شاء اللة خير

السلام عليكم....ارسلي ايميل للمكتب الكندي واطلبي فيه التاكيدعلي بعت رسالة fsl تبعك للسفارة وربي يوفقك إن شـاء الله ......

أختي راجعي حسابك علي Mycic وشوفي شن مكتوب قدام الكشف الطبي و البصمة لو  لقيتي (passed) معناها أمورك تمام وتأكدي من المكتب الكندي زي ما قال الأخوة وملاحظة اذا كان قبولك مزال عليه هلبة فممكن تتعطل شوية التأشيرة وهذا من واقع عدة تجارب ولكن نطمنك لو كان فيه شي مش مزبوط كانوا بعتولك رسالة باذن الله معاش تعطل التأشيرة عندك وربي يوفقكم

السلام عليكم ورحمة الله
بارك الله فيكم جميعا وانشالله يفتح ويسر للجميع

انا الكشف الطبي وصل يوم 27 يناير واليوم 19 مارس استلمت التأشيرة معناها التأخير يعتبر عادي وانتي لا تعتبر متأخرة عليك هلبا بس زي ما قال مستر قولد لو تم اجتياز الكشف الطبي معناها امورك تمام وشوية صبر ان شاء الله توصلك التاشيرة

moh1198 كتب:

انا الكشف الطبي وصل يوم 27 يناير واليوم 19 مارس استلمت التأشيرة معناها التأخير يعتبر عادي وانتي لا تعتبر متأخرة عليك هلبا بس زي ما قال مستر قولد لو تم اجتياز الكشف الطبي معناها امورك تمام وشوية صبر ان شاء الله توصلك التاشيرة

السلام عليكم خوي شكرا عالرد اولا مبروك التأشيرة وانشالله بالتوفيق ..والله طمنتني بس نبي نسأل هل يوم 27-1 وصل الكشف امتاعك لبريطانيا او قصدك دزوهولك عالاميل ومازال ما درتاش؟
السؤال الثاني هل معاك عائلة او لا لان التأخير ممكن بسبب العائلة؟
السؤال الاخر امتا بالظبط تبدا دراستك في كندا لان اني في شهر 6 وممن لان مازال في وقت اخروني؟
وبارك الله فيك

اسف على التاخير ولم استطع الرد على الخاص لان مشاركاتي في المنتدى اقل من المسموح لكي استطيع ان اعمل رسالة على الخاص اما الاجابة على الاستفسارات يوم 27-1 وصل الكشف الطبي لبريطانيا وبعد حوالي اسبوع ولا ادكر بالتحديد دخلت على الحساب (انا مقدم اون لاين) لقيتهم كاتبيلي تم اجتياز الكشف الطبي وبعدها انتظرت حتى تاريخ 19 مارس وصلني الايميل اللي يطلبو فيه ان احضر الجوازات .
اما بخصوص العائلة معي زوجتي مرافقة علماً بانه تم قبول كشفها الطبي قبلي بفترة طويلة اما انا فلدي عمليات جراحية طلبو مني ان اعمل اكثر من مرة كشف وتحليل ولكن اخر كشف كان يوم 27-1 وصلهم في بريطانيا انا الحق الدراسة كنت مداير قبول لغة في تورنتو يوم 3-3 ولكن وين فات الموعد وما طلعتش التاشيرة لم اعمل شي وانتظر حتى تطلع التاشيرة واعرف متى السفر ونراسل لتجديد الموعد حتى لا يحدث نفس المرة الاولى ويأتي الموعد ولا استطيع السفر علماً بأني بعثث ايميل اعتدار قبل تاريخ 3-3 للمعهد فقط للمصداقية وحتى يشعروا بالاهتمام ويتم تجديد القبول بالمرة القادمة

الف مبروك

ياشباب tracking number يعطي فيا غير صحيح وانا مقدم كشف طبي يوم 01 مارس شن تنصحوني .......?

اسامه السنوسي كتب:

ياشباب tracking number يعطي فيا غير صحيح وانا مقدم كشف طبي يوم 01 مارس شن تنصحوني .......?

السلام عليكم
اتصل بالشركة او ابعتلهم اميل والافضل تمشي شخصيا لان خلال هالفترة المفروض الكشف يكون وصل لبريطانيا والمفترض ايكون بعتولك عالاميل انشالله بالتوفيق